بحل يا اهل البندق ..... صقار الأسياح

[صقار الأسياح]

السلام عليكم ورحمة الله وبركاته
اخواني وش السالفه هل وصل الوضع با اهل الطيور الى هذا الحد ماني سارد لكم كلام قديم بعطيكم ماحصل لي امس واليوم انا توي راجع من المقناص ابشركم الجره واجد ولا شفنا شي
لاكن بروي لكم ماحصل
امس حصلت جره وارتفعت أنادي اخوياي جاني شايب راعي طير قال وش عندك قلت عندي جره وانتظر اخوياي قال وين مكانها قلت بهاك الشغيه وهو يحرك باتجاه الجره والحقه قلت الجره بوجهك قدامك قال ايه داري يعني حلال عليك حرام علي ان لقيتها اطلب عوضها من الله قلت الله يستر عليك
واليوم عندنا جره واشوف موتر مترفع وأروح له حصلت مطلع طيره ويميل الاحداثيه على أخوياه قلت سلام عليكم قال عليكم السلام قلت يالذئب عندنا جره هنا وانت مطلع طيرك قال الجره لك مئة متر ب مئة متر والباقي ما تحكم به قلت الله يوفقك
على العموم لاتقولون الصقاقير الجدد الصغار هم اللي يسوون كذا القصتين كلم اعمارهم فوق الخمسين
ملاحضه رجاء اللي مايقراء الموضوع لايرد ماهو ملزم بالرد

[عاهد بن علي]

عسى الله يصلحهم

[تساهيل1]

شي مؤسف انه يحصل من كبار السن

بس هدي اللعب يابو شنب

والله بيرزقك المكتوب

لو انت بين 10000 صقار

ماراح تلقى غير رزقك زعلت او رضيت

وموفق خير

[نجم404]

عسى الله يصلح الاحوووال يا صاحبي ها الايام تشوووف العجب تحياتي لك

[(هزاع)]

كلن حريص لاحصل الجره ان يتوفق بهدد ويفرحه شوفة طيره لاهد وقضب حباراه
لاكن الناس ماعقولهم سوى
والاجواد واجد
والمرضى الملحوس ادمغتهم من البلاوي واجد
لاكن لاشفت ان الامر بياصل لاردا الابالعنه ذالهوايه والطير والمقناص كله
لاحولو الرجاجيل على بعض احتمال ماتنتهي بخير
وهنا لب الموضوع
ماني مستعد ابوء بذنب رقبة رجال لجل طير
ابعد عن العيات بنصاف مالك == ون عيت العيات بالمال كله
ماهوجبن لاكن انا ابخص بشيطاني لاحضر يوريلي اني اشجع الرجال وامهرهم ايلين يوهقني بحبايله
يخسى الشيطان ويخسى كل من انقادله
اشهد بالله انك ياراعي الموضوع حليم عاقل تحسب للعواقب حساب
الله يرزقك ويوفقك ويدلك للخير دائما يالنشمي

[النااااااادر]

الحين عالجره كذا يصير اجل لو تلاقون حبارى وش يصير


الله يعين


فالك الجنه

[صقار الأسياح]

عسى الله يصلحهم

اميييييييين

[صقار الأسياح]

شي مؤسف انه يحصل من كبار السن

بس هدي اللعب يابو شنب

والله بيرزقك المكتوب

لو انت بين 10000 صقار

ماراح تلقى غير رزقك زعلت او رضيت

وموفق خير

يارجاااال افهم انا مستغرب كيف تصدر هالحركات من رياجيل ماني زعلان

[صقار الأسياح]

عسى الله يصلح الاحوووال يا صاحبي ها الايام تشوووف العجب تحياتي لك

امين عسى الله يستر

[صقار الأسياح]

كلن حريص لاحصل الجره ان يتوفق بهدد ويفرحه شوفة طيره لاهد وقضب حباراه
لاكن الناس ماعقولهم سوى
والاجواد واجد
والمرضى الملحوس ادمغتهم من البلاوي واجد
لاكن لاشفت ان الامر بياصل لاردا الابالعنه ذالهوايه والطير والمقناص كله
لاحولو الرجاجيل على بعض احتمال ماتنتهي بخير
وهنا لب الموضوع
ماني مستعد ابوء بذنب رقبة رجال لجل طير
ابعد عن العيات بنصاف مالك == ون عيت العيات بالمال كله
ماهوجبن لاكن انا ابخص بشيطاني لاحضر يوريلي اني اشجع الرجال وامهرهم ايلين يوهقني بحبايله
يخسى الشيطان ويخسى كل من انقادله
اشهد بالله انك ياراعي الموضوع حليم عاقل تحسب للعواقب حساب
الله يرزقك ويوفقك ويدلك للخير دائما يالنشمي
كلام عين الصواب عز الله تحملنا علشان السمعه وإرضاء وجه الله

[صقار الأسياح]

الحين عالجره كذا يصير اجل لو تلاقون حبارى وش يصير


الله يعين


فالك الجنه

هلابك يالنادر احمد ربك ههههه وعسى الله يستر

[علم162]

ابعد عن العيات بنصاف مالك == ون عيت العيات بالمال كله هذا والله الكلام المظبوط

[حشّار]

وعليكم السلام
والله اذا هذا التصرف بدأ من كباااار السن اجل على الدنيا السلااااااام
لكن ياقو صبرك اشهد بالله انك حلييييييم

[راكااااان]

وعليكم سلام عزالله ماقصرت وبيظ الله وجهك وانك عزيز نفس اما رديين النفوس خلهم يتهنون ويعوضك ربنا سبحانه وتعاله بلي احسن نشاءلله

[برق المغيب]

بيض الله وجهك على حلمك وسعة صدرك اللي هي مكسبك ومربحك في هالدنيا والعيات والمطافيق ياكثرهم وانا اخوك يجيك طاير وعيونه بنص جبهته ولو يدري ويحسب حساب العاقبة وكبر سنه كان أخذ له خمسين خطوة ورى عن الشر وآذية خلق الله لكن ما اقول الا الله يهدي ضال المسلمين ( ابو مشعل ما قصرت وهذا هو الرأي السليم بارك الله فيك والحر عينه ميزانه اللي يوزن بها الامور ويعرف عاقبتها)ولاهو قصور ببقية الاخوان اللي شاركوا بالرأي

[صقار الأسياح]

ابعد عن العيات بنصاف مالك == ون عيت العيات بالمال كله هذا والله الكلام المظبوط

صح لسااانك

[صقار الأسياح]

وعليكم السلام
والله اذا هذا التصرف بدأ من كباااار السن اجل على الدنيا السلااااااام
لكن ياقو صبرك اشهد بالله انك حلييييييم

وش نسوي لاعاد شيبان وعلى حبارى

[صقار الأسياح]

وعليكم سلام عزالله ماقصرت وبيظ الله وجهك وانك عزيز نفس اما رديين النفوس خلهم يتهنون ويعوضك ربنا سبحانه وتعاله بلي احسن نشاءلله

ووجهك ابيض بارك الله فيك

[صقار الأسياح]

بيض الله وجهك على حلمك وسعة صدرك اللي هي مكسبك ومربحك في هالدنيا والعيات والمطافيق ياكثرهم وانا اخوك يجيك طاير وعيونه بنص جبهته ولو يدري ويحسب حساب العاقبة وكبر سنه كان أخذ له خمسين خطوة ورى عن الشر وآذية خلق الله لكن ما اقول الا الله يهدي ضال المسلمين ( ابو مشعل ما قصرت وهذا هو الرأي السليم بارك الله فيك والحر عينه ميزانه اللي يوزن بها الامور ويعرف عاقبتها)ولاهو قصور ببقية الاخوان اللي شاركوا بالرأي

عسى الله يعين يابرق المغيب لك للشكر

[تواق]

ابعد عن العيات بنص مالك & وان عيت العيات بمالك كله

اقنص وادع عصر طيرك واستانس

ياخواني لاحظت في العشر سنوات الاخير كثره تلك الحوادث ومن ناس نحسبهم عقاال ولهم بااع فيها
ولكن مانقول الا ربك يهدينا ويهديهم نصيحه لي ولكم ان نظبط النفس ونحكم العقل فمن يفعلها بهذا الجراء
ليس احتقاار لك بقدر ما تعرف ان الرجل غير طبيعي اما بيده والا ابتلاء من الله

[صقار الأسياح]

ابعد عن العيات بنص مالك & وان عيت العيات بمالك كله

اقنص وادع عصر طيرك واستانس

ياخواني لاحظت في العشر سنوات الاخير كثره تلك الحوادث ومن ناس نحسبهم عقاال ولهم بااع فيها
ولكن مانقول الا ربك يهدينا ويهديهم نصيحه لي ولكم ان نظبط النفس ونحكم العقل فمن يفعلها بهذا الجراء
ليس احتقاار لك بقدر ما تعرف ان الرجل غير طبيعي اما بيده والا ابتلاء من الله

الحمدلله والله انك صادق

[بارق الثلبوت]

الي بيهد نزله شلو ودور حباراك والي غلط يالقى الي يالقى

[هزاع المطيري]

والله ونا اخوك الدعوه ماهي صغير ولا كـبير
الدعوه بالرجال نفسه اذاهو ردي ولا كفو

[قرناس حائل]

أقول الله يعين ويستر

لكن ما شاء الله تبارك الرحمن وين انتم قانصين ؟

تحياتي لك

[الله كريممم]

با ختصر الموضوع علي قولتهم راحو الطيبين. صدق الناس كلهم تغيروا. ما اقول الا الله كريمم

[THE SNIPER H]

لا حول ولا قوه إلا بالله
اللهم اصلح احوال المسلمين واهديهم صراتك المستقيم
يا اخي الفاضل ( لو اجتمعت الانس والجن علي ان ينفعوك بشيئ لن ينفعوك بشيئ إلا قد كتبه الله لك ) فلن ينال احد شيئ إلا بإذن الله ولكن مثل هذه التصرفات تغير القلب وتضيقه
ومن خلال سردك للإحداث اشهد بأنك رجل حليم وصبور فأسأل الله ان يزيدك إيمانا ونحن معك إن شاء الله

[خشكاري]

كلن حريص لاحصل الجره ان يتوفق بهدد ويفرحه شوفة طيره لاهد وقضب حباراه

لاكن الناس ماعقولهم سوى
والاجواد واجد
والمرضى الملحوس ادمغتهم من البلاوي واجد
لاكن لاشفت ان الامر بياصل لاردا الابالعنه ذالهوايه والطير والمقناص كله
لاحولو الرجاجيل على بعض احتمال ماتنتهي بخير
وهنا لب الموضوع
ماني مستعد ابوء بذنب رقبة رجال لجل طير
ابعد عن العيات بنصاف مالك == ون عيت العيات بالمال كله
ماهو جبن لاكن انا ابخص بشيطاني لاحضر يوريلي اني اشجع الرجال وامهرهم ايلين يوهقني بحبايله
يخسى الشيطان ويخسى كل من انقادله
اشهد بالله انك ياراعي الموضوع حليم عاقل تحسب للعواقب حساب

الله يرزقك ويوفقك ويدلك للخير دائما يالنشمي



بياض وجه الرجال يظهر من كلامه قبل فعله ..

ماعليك زود يالنشمي وكثر الله من أمثالك ..

[خشكاري]

ولا يهون راعي الموضوع .. الله يزيده من فضله ومن كل خير

[جـرح الشمـال]

اخوي الغالي
رزقك على الله
ويقو صبرك
والله يعوضك
بس جرة حبارى ام كروان
اتمنى لك التوفيق
تقبل مروري

[ابرق الحرار]

صباح الخير ياقصار الاسياح اهنيك على سعة بالك والاجمل حلمك الذي لو احد غيرك كان حصل شئ لاتحمد عقباه وتقبل مروري

[ذيب خيطان]

اقول بيض الله وجهك انشهد انك حليم والحمدلله على سلامتك وانا اخوك بعض العرب قطعة شر ابعد عنه هو وجرته ويرزقك الله الرجال ماذبحهم غير الحسد

[على كف القدر]

لا والله علاجه البلجيك وفشق ضغط .. وكان به خير خله يهد
والله لاخليه يلقط طيره كوم لحم يتطاير ريشه

[على كف القدر]

لا والله علاجه البلجيك وفشق ضغط .. وكان به خير خله يهد
والله لاخليه يلقط طيره كوم لحم يتطاير ريشه

[بارق الثلبوت]

ماله غيرها يا على كف القدر ولا ضغوط. خساره فيه

[الواثق 7]

الله يعين الصقاقير تكالبت عليهم الظروف من جميع الجهات اما عية ينشب بالحلق والا راعي يقنص ويبيع الحبارى والا ارض محمية وصدق الشاعر يوم قال
ماعاد لاهل الولع بالدار مقعادي ........ وقت القنص خص والا الدار ما اقصدها
وانا اشوف ان بيع الحباري يجب ان يلتفت له من الجهات الحكومية والا وش ذنب الفقير يعني خلااص ماعااد يهد !!!
جشع حتى بصيد الخلا
الله المستعان

[ظبط]

عليك بالحلم في مثل هالموافف وغيرها الناس تغيرت والدنيا تغيرت الله يستر
الله يحفضنا ويحفض المسلمين من كل شر

[الريمى]

فيه ناس مابوجهها دم قليله حيا والله اني شفت ناس غريبه عجيبهولا بوجهها مستحا ولا متربيه نفس اللي انت تقول وازود من هذا
ترا الوضع شيمه وقدر ويدل علي تربات الانسان نفسه
اللي يقول ليه الحبارا باسمك او عليها وسمك او ارض ابوك هذا قلت الحيا وماتسوي
بس مايصلح له الا انك تاطال علي راسه اذا اهله ماربوه خل الناس تربيه