المساعد الشخصي الرقمي

مشاهدة النسخة كاملة : اسسسسسسسسستفسار من اصحاب الباترول


آآآبو سعود
02/01/2013, 10:44 PM
مسائكم الله بالخير عندي مشكله وحبيت استفسر من اصحاب الخبره
السياره باترول 91 عندي فيها كفرات بالون وجنوط هلل واذا وصلت سرعت 80 ترج السياره لدرجة بالقوة امسك الطاره سؤالي بارك الله فيكم هل الرجه من الكفرات البالون او من الجنوط الهلل بحكم انها ماهي جنوط السياره شد البلد علما ان الجنوط مافيها لا طعوج ولا غيره وشكرآ
أصيل حجآ زي
02/01/2013, 11:07 PM
أن شاء الله يجيك الشبآب أصحآب الخبرة في الجنوط

لاكن أعتقد أن المُشكلة في الترصيص .

كآن عندنا صآلون تآهو .
فقط بنشر وغيرنا { رقعنا البنشر رُقعة دآخلية }
طبعآ /// يغير أبرة الهواء وضروري يرصص
لأن الكفر يتحرك من أطآر الجنط .

ما رصص .
ولما سقت السيآرة أنا
بدئت ترُج ورجعت على طول البيت .
وقلت لولدي ارجع للي صلحُه لك وخلُه يرصص .

بدء يزعل ويقول أنهُ عرف ذلك لاكن قآلو لهُ الخُبرة :
لازم كفر جديد وكفرنا ما فيه شيء .

قلت لهُ أرجع لهُ وقل لهُ يرصصُه وألا والله أجيه أتوسد في بطنُه .

طبعآ :
أنا ماني حق توسُد ولا مضآربة ولو شفتهُم شردت .
بس حمرّت عيني زي ما وصتني جدتي رحمها الله .
قآلت حمــّـر عينك . يعني خلك رزة .

وفعلآ :
رآح لُه وقآل أبوي زعل وترى بيجي يستوسد ببطنك .
الخُبرة لو عرفني ما خآف .
لاكن يمكن قآل يمكن يطلع هذا عملاق ويضربني .
المُهم الخوف فعل فعلتهُ ورصص أرضي وزبط .

فحمر عينك بدون مضآربة
ورصص أرضي يمكن يزبُط .
آآآبو سعود
02/01/2013, 11:11 PM
لاهنت يا اصيل
الزامل الاول
02/01/2013, 11:15 PM
هلابك البالون راعي رجه رصص مضبوط وشيك على الجنوط

ناهيك عن قد يكون الخلل اما بالذراع سواء كان الدركسون او الذراع الامامي
طيار ارضي
02/01/2013, 11:16 PM
والله ياخوي كثير يقولون الكفرات البالون تسبب رجه وما ينفع معها الا ترصيص ارضي والشي الثاني الجنوط لازم تكون اصليه وترا مساعد الدركسون يسبب رجه وخاصه مع المطبات تحس السياره تحذف فيك وبسس
آآآبو سعود
03/01/2013, 11:16 PM
لاهنتوا جميعآ الله يعطيكم العافيه
sulaiman.fj40
04/01/2013, 01:36 PM
الرجه لها اسباب كثيره /يلزم تشيك على كل الاجزاء اللي بذكرها: مساعد ذراع الدركسون/رؤوس الاذرعه/جلد العمودين الحامله للدفرنش/الوردات اللي في قواعد الاذرعه اللي راكبه فوق الركب/الجنوط/كفرات البالون ترج لو وزنت ترصيصها كل يوم/ ذراع الدركسون/دودة الدركسون. هذه الاجزاء مهم تشيك عليها وتتأكد انها تعمل بشكل دقيق/وفقك الله
آآآبو سعود
04/01/2013, 01:54 PM
لاهنت ياسلمان
آآآبو سعود
04/01/2013, 01:55 PM
طيب وش تنصحوني فيه من كفرات زينه غير البالون ولا ترج وحجمها حلو طبعا تركب على جنوط هلل 16