قررت اشتري قاموشادو 1000

[صياد الرأس]

السلام عليكم
اخواني الفضلا بعد صولات وجولات ومشاورات في شراء ساكتون وزن خفيف وقوية وسعرها مناسب ولقيت شادو1000 هي المطلوب فياليت تدعولي بالتوفيق والبركة ولا احد يقولي خذ فايروخ85 فهي غالية وكما تتفكك مساميرها مع الرمي والتصويب غير دقيق وعلى الله توكلنا وبه المستعان وسلامتكم

والسلام عليكم

[ذاكرة الغيم]

الله يوفقك ويبارك لك فيها

ياليت تذكر لنا مميزاتها وصناعتها

[المقطقط]

الله يطعمك من صيدها ويعطيك خيرها ويكفيك شرها

[صياد الليل]

الله يعطيك خيرها ويكفيك شرها

[صياد الرأس]

هي قامو شادو 1000 وصناعتها اسباني ووزنها حول 2 كيلو وزيادة شوية وهي فيبر جلاس اسود افضل من الخشب المسامير ما ينحل وممسكها متماسك وهي افضل الاسبانيات والقطع الداخلية كلهل حديديعني مافيه بلاستيك فهي خفيفة الوزن وقوية في الرمي ودقيقة في التصويب ماشاء الله وقوة الرمي 305 متر في الثانية وخاصة بالدربيل تطرب في القنص وسلامتكم

[صياد الرأس]

وبانسبه لعيوبها وقد بحثت بحث كثيف عن هذا النوع بالذات لقيته افضل شي وعيوبها عني شخصيا لا اجد فيها عيوب فأن اصبت فمن الله وان اخطيت فمن نفسي والشيطان والكمال لوجه الله تعالى والسلام عليكم

[نايف بن سعود]

نصيحه من قلب ابعد عن الاسباني والله خرب القديم افضل بكثير

نصيحه وهي معي تحسفت اني خذتها والله حرام 1050 فيها

لا تبعد عن الفايروخ والديانا لو تاخذ 27

[صياد الرأس]

اخويه الغالي نايف بن سعود الله يحفظك ويخليك لاهلك ياليت تخبرني وش عيوب الي معك وخر باتها وصدقت في احد معارفي اخذ شادو1000 قبل 10 سنوات ويمدحها على قوله ماقد غير فيها شي وماشيه معه تما م التمام وسلامتك

[نايف بن سعود]

اجمعيين
الصراحه ماخربت معي بس طلعت بها 3 طلعات ثمن ماخذتها ولا فكرت اخذها
من وزنيتها تعبتني جدا لدرجة كل رميه تختل وزنيتها وتعقدت من هذا الشي

[صياد الرأس]

اخي الحبيب لا تستعجل بحكمك روح اقنص كم مرة وتحلا بالصبر فالصياد لازم يتحلا بالصبر وطول البال وقبل ماترمي خذ معك رصاص امريكي كروسمان مدبب لا تاخذ الي مشطوف و لون علبته ازرق واحمر هذا مجربه افضل حتى من الالماني تلاقيه عند صاب وفي هذهي الايام مافيه وسألتهم يقولون جاي في الطلبيه الجايه لاني طلبتهم فيه وطلبي كرتون وقبل ماترمي اتبع عدت خطوات وان شاء الله تضبط معك نبر واحد استرخ عندما تصوب وخذ نفس عميق وهاذا اهم شيء ولا ترمي وفيه هواء تراه متعب بالحيل وثبت البندقية على شيء ثابت وافضل شي يكون الرمي في حوش او ماشابه وحط له دربيل الي معه قاعدة فيها مسمار عمودي يثبت الدربيل حتى مايتحرك من الرمي سعرة حول 250 الى 350 حسب الصناعة وحط لك لوحة شبرين في شبرين وحط علامة في النصف وخل المسافة 30 متر تقريبا وارمي رميه واحدة وبعدها شوف وين جت الرصاصة وبعدها ابداء اوزن يمين +يسار او فوق + تحت حسب مكان الطلقة وهذا الي مسوية قبل كل طلعة تقريبا حتى اتاكد من الوزنية صح ولا تتأخر في الرمي اول ماتجي الهدف واضح امامك سم بالله وارمي اذا تأخرت لا تلوم الا نفسك لان مع التأخير تبداء تتعب وتهتز وتتحرك في هذهي الاثناء لان ولن تصيب وامكن تكسر البندقيه المسكينه تفكر انها ما تصيب وان شاء الله تشوف كلامي صح وقد افتدك والجميع وآسف على الاطالة والسلام عليكم

[صياد الرأس]

وانا جاهز لاي خدمة وتحت امر من يسأل .

[سهم وقوس]

الله يعطيك خيرها ويكفيك شرها