الى مستخدمي جهاز مونتانا:فيه اشياء مهمة ماعرفتها في جهاز مونتانا

[وسيع البال]

الى الاخوان اللي يستخدمون جهاز مونتانا 600
سؤال رقم 1:ابغى احفظ احداثيه ثم اسميها ثم احطها بالمفضله وشلون ؟؟؟؟؟؟
سؤال رقم 2:ابغى اذا حددت احداثيه ثم رحت للإحداثيه وشلون اعرف كم باقي من كيلو على الوصول وكم قطعت من كيلو؟؟؟؟؟؟
ولكم مني جزيل الشكر

[وسيع البال]

المشاهدات 38 وﻻ رد

[العرفج]

هلا اخوي
ما عندي خبره بس اتوقع تجد طلبك بهذا الموضوع

http://www.mekshat.com/vb/showthread.php?t=448096

[وسيع البال]

جزاك الله خير على ردك
178 مشاهده ومافيه الا رد واحد
اشكرك من اعماق قلبي

[فهد325]

معليش انا عن نفسي ما شريت الجهاز الا قبل 3 ايام يعني خبرتي تكاد تكون شبه معدومة
واول ما شفت سؤالك رديت عاد ركز على ردي لان دخولي على النت قليل جدا


جواب السؤال رقم 1:

راح تحصل بين الايقونات ايقونة صورتها (علم أحمر) ومكتوب تحتها (وضع علامة على الاحداثية)
تضغط عليها راح تجيك رسالة مكتوب فيها (تم وضع علامة على مكانك الحالي كإحداثة بنجاح) وتحتها خيارين (حفظ) (تعديل)
اضغط على (تعديل) .. راح تجيك مربعات كل مربع فيه معلومات اول مربع هو الاسم وراح يرمز له الجهاز (001) لانها اول احداثية وتعدد على عدد الاحداثيات المحفوظة اضغط عليها وعدل الاسم والمربع اللي بجنبها اذا بغيت تغير رمز الاحداثية والمربع اللي بعدها رقم الاحداثية اللي هي الموقع مكتوب عليها والمربع اللي بعده ملاحظة لو حبيت تسجل معلومات اضافية والمربع اللي بعده العمق واللي بعده الارتفاع واخيراً حفظ اضغط على حفظ لتحفظ جميع التعديلات .

سالفة احطها بالمفظلة وشولون ؟؟
ما فهمت سؤالك .. اللي اعرفه اول ما تحفظ احداثية تكون موجودة على طول في (مدير الاحداثيات) واذا بغيت يسوي لك ملاحه للأحداثية اللي انت تبي يوديك لها تروح لـ ايقونة (إلى أين؟) ثم (الاحداثيات) اختر الاحداثية اللي تبيها ثم راح يعرض الخريطة وعلى يمين اسفل الشاشة راح تلاحظ مربع صغير مكتوب فيه (اذهب) تضغط عليه ويوديك لأحداثية


جواب السؤال رقم 2:

يبي لك تسوي طريقة سويتها في جهازي الا وهي
تابع الايقونات اختارها خطوة بخطوة . أضغط على (خريطة) راح تحصل بجانب الشاشة علامة (+ - × مربع) المربع عبارة عن ثلاث خطوط فوق بعض اضغط عليه راح تطلع لك رسالة مكونة من 3 خيارات :
1- (إعداد الخريطة)
2- (إلغاء تأمين حقول البيانات)
3- (استعادة الافتراضيات)
اضغط على (اعداد الخريطة) ثم (لوحة القيادة) اختر (حقول بيانات صغيرة)
ثم اضغط على السهم المنعكف اللي هو بمثابة رجوع راح يرجعك للخريطة اضغط على نفس الطريقة السابقة على المربع المكون من ثلاث خطوط فوق بعض راح يطلع لك نفس القائمة اللي ذكرتها بالسابقة
1- (إعداد الخريطة)
2- (إلغاء تأمين حقول البيانات)
3- (استعادة الافتراضيات)
اضغط على الوسطانية الا وهي تحصلها يا مكتوبة كذا (إلغاء تأمين حقول البيانات) او كذا (إلغاء تأمين حقول البيانات)
انت سولها الغاء التأمين ثم اضغط على مربع من المربعات المعلومات اللي انت فعلته من قبل ثم اضغط على كافة الفئات راح تطلع لك قائمة كبيره اختر (المسافة إلى الوجهه)
بكذا راح تكون قدامك في الخريطة

وفيه طريقة ثانية اذا ما بغيتها في الخريطة تحطها في (كمبيوتر الرحلة) وطريقتها بعد الضغط على هالايقونة راح تضهر لك مربعات فيها معلومات اضغط على المربع اللي قلت لك موجود بالجانب عبارة عن ثلاث خطوط فوق بعض وسوي إلغاء تأمين حقول البيانات وسوي هالطريقة مثل السابق اختر المعلومات اللي انت حاب تعرضها مثل السرعة المسافة المتبقية وغيرها الخيارات كثيرة


وفي الاخير ما ابي منك الا الدعاء بظهر الغيب لي ولوالدي ولجميع المسلمين

[مخاوي الدهناء]

يفيدك الاخوان ،،،،،