لا هنتوا مناطق صيد للتخييم [الأرشيف]

مشاهدة النسخة كاملة : لا هنتوا مناطق صيد للتخييم

محمد عين

05/01/2013, 03:33 AM

السلام عليكم ورحمة الله

كيف حال مكشاتية البحر؟ عساكم بخير وصحة

مثل ما يعرف الجميع البحر عشق وجنون والجنون فنون (امزح)
وصيد السمتش (مثل ما نقول في الشرقية) هواية ومتعة وتربية للقلب والعقل والنفس
وصار لي تقريبا من بديت اصيد شهرين :D ، طبعا الصيد كله قصبة في الشبيلي وكورنيش الخبر والخميس قبل أمس طلعت أنا وولد خالتي بـ30 قرقفانة ولله الحمد ، هذا حدنا قرقفان واذا خلاص نشفنا البحر باعتقادنا شعم وصغير بعد خخخخ :p ، نعم أنا مبتدأ ، ومع هالإجازة الجاية ودي أروح مع الشباب طلعة تخييم + صيد سمك

لذلك ؛ لاهنتوا يا جماعة الربع وين فيه مكان زوين بعيد عن البلد يصلح حق تخيم وفيه شاطئ وسمك في الشرقية ؟؟؟ ;)

علما ان الطلعة الجاية باذن الله باشتغل على مجرور ويمكن قرقور :good2:

شاكر لكم يا أخوان التقارير والتعاون والمعلومات اللي بصراحة تعلمت منها الشئ الكثير وبإذن الله الطلعة الجاية بيكون تقريرها هنا ، فالكم هوامير وسبيطية

ذوالجناح7

05/01/2013, 10:29 AM

داحم99

05/01/2013, 02:34 PM

خلك الهافمون الفجريه وحط لك ميده فرش وفالك السبيطي اخوي ...

وعندك ورا كوبر شندني الكورنيش في شعوم ومزيزي حجم كويس ..

baracuda

05/01/2013, 07:21 PM

يفيدونك الخبراء في الصيد بالمنطقة الشرقية انشاء الله
تحياتي لك

ربان الخليج

06/01/2013, 02:03 AM

اخوي بما انك ناوي على المجرور وتنزيل قرقور00 عليك بشاطىء 00 تالا 00 او 00 راس السلمانيه 00لانها جامعه بين شواطىء صخريه ورمليه00يعني اي نوع تبي جنبك00كذلك هي شواطىء جنوبيه والهواء في غالب الاوقات في المنطقه شمالي0مما يساعد على ارسال المجارير بسهوله 0والمنطقتين متجاورتين ويكثر فيها الكنعد هالايام والسلس000 طريقهم0بعد ماتتعدى شواطىء العزيزيه باتجاه هاف مون ويجيك قصر الملك ع اليسار تمشي مسافه 6كليوا تقريبا يجيك ملف على اليسار عنده زاويه قصر عليها اشجار عاليه وكثيفه وتحتها لوحه مكتوب عليها 0مزرعه مساعد0وقبل هاللفه عندك لوحه مكتوب عليها 0بيت الصانع0 تلف معها يسار وتجد طريقين الاول مسفلت وبدون اناره وينتهي بك جنوبا الى شاطىء 0تالا0 والثاني مسفلت وبه اعمدة اناره يعني/رايح جاي/ويتجه جنوب شرق بمسافه اقل من كليوا الى شاطىء راس السلمانيه000ونأسف ع الاءطاله00/اطيب تحياتي

محمد عين

06/01/2013, 10:26 AM

هلالالا والله ولد الديره والسمي

أختيار المكان قريب أو بعيد يعتمد حسب رغبتك أنت ونوع الصيد

للتخيم إذا تبي قريب... عندك العزيزيه أو من بعد هااااف مون + الزبنه + قريه

أبعد شوي... العقير + أم حويض + أم المرخ وأنت رايح لين سلوى

أو تروح شمال ...المردومه + منيفه + رأس الغار+ الخفجي

وعندك رابط لأخونا حداق للأبد لأخر طلعه لمنيفه
http://www.mekshat.com/vb/showthread.php?t=553484

ونصيحتي لك في هذي الأجواء المتقلبه في الشتاء أنك مااا تبعد

وانت براااااحتك

وبالتوفيق إن شاء الله

تحياتي أخوك / بوحبيب

يا هلا فيك بو حبيب ، نورت الموضوع والله ، ما قصرت كفيت ووفيت أخوي ، الله يوفق الجميع إن شاء الله ، وفالك هامورة 90 كيلو تسحب فيها لين ما تشبع وتطق رقم قياسي بعد خخخخ ، جزاك الله خير على المعلومات ، ربي يوفقك ويبارك يديك من تقط تطلع سمكة بإذن الله

خلك الهافمون الفجريه وحط لك ميده فرش وفالك السبيطي اخوي ...

وعندك ورا كوبر شندني الكورنيش في شعوم ومزيزي حجم كويس ..

هلا وغلا أخوي داحم ، مرور علينا كريم والله ، جزاك الله خير وبيض الله وجهك وفالك ذيك الكنعدة اللي جاية من سواحل اليابان ومتنها متن رجال خخخخ والا اقول سبيطية

يفيدونك الخبراء في الصيد بالمنطقة الشرقية انشاء الله

تحياتي لك

يا مرحبا والله ببركودا ، مرور طيب ونور الموضوع بمرورك

اخوي بما انك ناوي على المجرور وتنزيل قرقور00 عليك بشاطىء 00 تالا 00 او 00 راس السلمانيه 00لانها جامعه بين شواطىء صخريه ورمليه00يعني اي نوع تبي جنبك00كذلك هي شواطىء جنوبيه والهواء في غالب الاوقات في المنطقه شمالي0مما يساعد على ارسال المجارير بسهوله 0والمنطقتين متجاورتين ويكثر فيها الكنعد هالايام والسلس000 طريقهم0بعد ماتتعدى شواطىء العزيزيه باتجاه هاف مون ويجيك قصر الملك ع اليسار تمشي مسافه 6كليوا تقريبا يجيك ملف على اليسار عنده زاويه قصر عليها اشجار عاليه وكثيفه وتحتها لوحه مكتوب عليها 0مزرعه مساعد0وقبل هاللفه عندك لوحه مكتوب عليها 0بيت الصانع0 تلف معها يسار وتجد طريقين الاول مسفلت وبدون اناره وينتهي بك جنوبا الى شاطىء 0تالا0 والثاني مسفلت وبه اعمدة اناره يعني/رايح جاي/ويتجه جنوب شرق بمسافه اقل من كليوا الى شاطىء راس السلمانيه000ونأسف ع الاءطاله00/اطيب تحياتي

أنا أشهد إنك ربان خليجي ، والله ما قصرت يا ربان ، شرح كافي ووافي ومعلومات قيمة بصراحة ، جزاك الله خير وبيض الله ووجهك وبارك لك في صيدك ، خلاص المكان في الميموري وبإذن الله له زيارة هالاسبوع بما إنه قريب