غيرت دزق وكلتش للياترول وصار الدبل الخفيف مايعشق طبيعي

[سراي-01]

السلام عليكم ... مثل ما ذكر في الموضوع (غيرت دزق وكلتش وفحمه وجلبة حذاف وحذاف ) بعد ما طلعت الموتر من الورشه ممشاه تمام .. بس يوم دخلت البر وجيت اعشق دبل خفيف مثل اول .. ما عشق .. قلت يمكن يبي لي اسحبه بقوه ولا نفع صار لازم اضغطه على تحت واسحبه .. مثل الثقيل ويعشق معي ..واذا جيت افصله اقدم القيرعلى قدام ويفصل طبيعي .. تتوقعون الورشه ما ركبوه زين مع العلم انه قبل ادخله الورشه مايشتكي من شي نهائي
(سفاري 4500 موديل 2001) النجده

[SGL]

أرجع للميكانيكي خله يسويها الظاهر مارد العصا مثل أول خله يردها مضيع وزنيتها

[MSAN]

شغلتها بسيطة باذن الله.. وزن العصا فقط

[الوكر2888]

العصاء يمكن مقلوبه

[بن الزايد]

لازم اضغطه على تحت واسحبه
الحل في يدك مثل ما قال الاخون ارجعله ليضبط شغلته وتأكد من مسامير بعضهم ما يخف الله
تشخيص العيب من عدم تركيب عصاء القير او تم كسره

[فتك08]

أكيد خطأ بالتركيب...مثل كلام الإخوان إرجع لراعي الورشة

[سراي-01]

جزاكم الله خير جميع واشكركم على تفاعلكم اللي مهوب مستغرب ،،،،،،،، رجعته للورشه اليوم العصر وصارت المشكله مثل ما توقعتوا ميزانية عصا الدبل ضبطها الباكستاني ورجعت مثل اول ولله الحمد ...... تحياتي للجميييييييييع