فشق رمنقتون ستيل

[مدمن مررقوق]

السلام عليكم



من منكم جرب فشق الستيل 32/6 رمنقتون

ابية للقوقسي والسوادي طيار

[a7beck]

عندي جربته على الحجل ممتاز
الفشق صلف بالحيل ويسوق بس لاترميه بتشوك ضيق 3 كويس له

[الشمروخي]

يسوق كم المسافه تقريبا

[a7beck]

والله ياخوك ماقست المسافه بس رميت وانا متوقع مايجيبها
وجربته على برميل تأثيره كان اقوى من الفشق العادي والمسافه ثلاثين خطوه

[بيكال الوشم]

معلومة عن الفشق
اي فشق ستيل حطها ببالك انه ما يتقارن بالفشق العادي
الستيل معروف عنه يبرد في مسافة قصيرة
والأخوان يفيدونك و يمكن منهم اللي يشهد على كلامي

[الشمالي 555]

اقول لا تقربه هج انا جربت نص صندوق طيار على قوقسي والله العظيم يقهر وودك ترمي اللي صنعه فشق خايس يضرب الطير ولكن ماله تأثير بارد وثاني حاجه يسوق بس يتفرق يعني ما انصحك به فيه الرمنقتون 6/36 اطيب منه وفرق ولا عندك البي بي 6/36 فشق يبرد الكبد. اتمنى اني افدتك

[بيكال الوشم]

الشمالي 555 B&P صلف و قوي و للواقع سمن قاتل احر من الأسيد على اللحم
لكن للطيار والله يبهذلك الكل عجز عنه لكن للواقع ابشر بصيدتك جعلها ٨٠ متر بينك و بينها

[الشمروخي]

على كلامك اخوي بيكال تبين انه تسوق عشان كذا يعجز الواحد يرمي طيار يبيله فنان

[ابوعلي العجمي]

اقول لا تقربه هج انا جربت نص صندوق طيار على قوقسي والله العظيم يقهر وودك ترمي اللي صنعه فشق خايس يضرب الطير ولكن ماله تأثير بارد وثاني حاجه يسوق بس يتفرق يعني ما انصحك به فيه الرمنقتون 6/36 اطيب منه وفرق ولا عندك البي بي 6/36 فشق يبرد الكبد. اتمنى اني افدتك
كلام صحيح
انا منكب فيه بعد اشلفه طول يدك

[الشمالي 555]

اخوي بيكال البي بي يبي له رجال يرمي والله العظيم بدون مبالغة إني ماقد رميت طيار بمثل البي بي وعلى مسافات عاليه وبعدين طيرك تاخذه ميت مافيه سالفة كسير صويب انس بس زي ماقلت لك يبي له واحد يرمي وللمسافات القريبه لا ترمي حفاظ انقل نقل والمسافات البعيدة احفظ وانا المسؤول والله ان ماعاد تشري فشق غير البي بي بلا كاكا بلا هم

[علم162]

الشمالي 555 B&P صلف و قوي و للواقع سمن قاتل احر من الأسيد على اللحم
لكن للطيار والله يبهذلك الكل عجز عنه لكن للواقع ابشر بصيدتك جعلها ٨٠ متر بينك و بينها
انا ماشفت مثل قوة هالفشق ابد 36 /6 السمانه ثلاث قطع

[راعي هدد 2007]

فشق طيب جدااا ولا له مثيل والى ماجربه يجربه وماراح يندم انا جربت 32رقم واحد ممتاز وطيرة مايروووح والقطاة تطيح حصاااه
ومسااااافات بعيده

[بيكال الوشم]

B&P 36g 6

TUNET 32g 7.5

Blue RC 32g 7.5

Red RC4 32g 7.5

ROYAL 32g 7.5

Rio 32g 7.5
هذولي لا مثيل لهن بغض النظر عن الفشق القديم اللي معروف بباروده النظيف الصلف