أبدل الشاصي كامل ولا التعديل يفي بالغرض

[سليمان الصقر]

صاحبي اليوم ستر الله عليه ونجا من الحادث والحادث مثل ما ذكر جا في الجهة اليمنى الامامية وكانت الضربة قوية لدرجة أنها وصلت الشاصي وهو الآن بلشان ومحتار بين يعدل الشاصي ولا يبدله ويريح راسه .
علما بأن سيارته سوبربان 2004 أنا بصراحة أشرت عليه بالتبديل وما ادري وش رايكم يالربع ونترك المايك لأول متحدث

[السرحان502]

أنا ماعندي زوود خبره لا كن يزينه ثم يبيعه افضل من يبيعه مصدوم ,, وعليكم بالاستخاره

[سليمان الصقر]

ألف شكر أخي السرحان 502 على التفاعل ورايك راح يكون محل اهتمام

[بن الزايد]

غيرت شاص تبلش بتعديل الهيكل يعني الحل غير طيب اشتغله اي كلام واكرفه لين النفس تطيب منه

[abo naser 1]

السلام عليكم

اخوي اذا الشاص لحقه ضربة فقط مقدمته فا التعديل سهل ولا فيه تأثير على توازن السيارة بعد الأصلاح ومافيه تأثير الا اذا الشاص منعوج او مقطوم حتى من تحت الغمارة فهذا كلام ثاني

ولا تنسى ان تغيير الشاص كأنك تبني سيارة من جديد من زين الورش وها العمالة........

[يا نجد]

السلام عليكم

انصحك تشوف لك ورشه يعدلون الشاص ترى فيه كثير يزبطونه بالصناعية القديمه بالرياض

اما سالفة تغييره بالكامل اشوفها صعبه .. لأن كل شيء راح ينفك .. بعدين وين الشقردية اللي يرجعونه زي ما كان ؟
عماله قليل فيهم اللي متخصص واكثرهم شختك بختك يجي للصناعية ويتعلم بسياراتنا


احياناً يوم تقف معه يفك لك صدام أو رفرف .. ويركبه لك تشوفه يخلي بعض الأشياء والمسامير ويركب بعضها غلط

فما بالك وهو فاك كامل السياره ؟ كيف بيرجع يركبها !!

وان شاء الله انك بتلقى اللي يزبطه لك :)


تحياتي

[ابوراكان تبوك]

اولا الحمد لله ع السلامه والخساره في الحديد ماهي خساره

قارن سعر التعديل بواحد من التشليح وقرر احسب كل التكلفه حتى التركيب

لكن دام السيارة دخلتها سمكرة التعديل اقرب وفيه ورش توزنه ( أهم شي يأخذ ضمان عن المسحيه وخراب القير والصوف )

[ls1.5700]

الحمدلله على السلامه بالحديد ولا بالعبيد
بالنسبه لشاصي اشير عليك بالتعديل فقط
لا تغيره لان التغيير لازم تفك الموتر مسمار مسمار
يعني كل قطع الموتر لازم تنفك وتركب من جديد
ولا يضبط التركيب يكون متخلخل الموتر ماهو متماسك مثل اول
فيه ورش محترمه ومتخصصه بتعديل الشاصي وترجعه مثل اول واحسن
انا من رايي لاتغير الشاصي وانت بكيفك
هذا والله ولي التوفيق