شهادة شكر وامتنان

[Abu Hamad2]

السلام عليكم ورحمة الله وبركاته

فقدان الطير امر ثقيل على النفس والكل يمكن جرب . خصوصا اذا كان الطير طيب وطبوعه زينه وغالي عند راعيه
رجعته تكون فرحتها مضاعفه , كنك مبشر بولد لو بغيت اشبه .
احب اشكر الأخ العضو المميز راكان الله يسر امره ويجزاه خير على اللي يسويه
الرجال يتعب نفسه وراعي فزعه كم مره اشوفه يطرح طيور ضايعه ويفرح اهلها
امس الرجال ما رجع من المدعي الا والطير معه

عزالله فرحتي ما توصف يوم بشرني به . الله يجزاه خير ,
وهذي الاخلاق العاليه التي يتمتع بها هو وامثاله من الصقاقير اللي عليهم الكلام الله يكثر امثالهم .

[بواردي سلمى]

بيـض الله وجهـك ووجـه ابو رآكـآن

وشكـرك له امـآم الجميـع يـدل على نبـل اخلآقـك ولآ يهـون الجميـع

بـآرك الله فيكــم

[ابوظافر90]

بيض الله وجهك ووجه راكان ويستاهل الشكر والكلام الطيب قليل في حقه يشهد الله ان له مواقف تبيض الوجه دايما وخصوصا معي انا شخصيا يوم غدى طيري ومهما كتبت ما وفيته حقه
والله يبارك لك عقلان الطير

[(هزاع)]

ونعم كايده
ويستاهل ونعم من يبذل من جهد نفسه ومن ماله لاخوانه المسلمين
ونا والله ماعرفه لاكني اسمع به وصيته ضهر بالفزعات
(يستاهل ونعم)
الله يجزاه خير ويرحم والديه ووالد والديه

[مدهـوش]

آولا :

يهنيك العقلان ياغالي

ثأنيا:

بارك الله في شخص هذه أفعاله واطباعه

الله يكثر من أمثاله ويجزاه الخير ويثيبه الله عل فعله وحثه لنفسه للخير

نسأل الله الكريم أن يوفقنا وأياكم للحظ الطيب وان يرزقنا واياكم على نياتنا وخطواتنا


فنحمد الله على العقلان وعلى مكسب هذا الرجل الذي يدعى بــ راكــان


فتقديري لكم

[خالد العطااوي]

مبرووق العقلان ..
ومايقصر راكان وبيض الله وجهه.
ونععم الرجل .. والله يكثر من امثاله ...

[alaaly]

بيض الله وجهك ووجه راكان ويستاهل الشكر والكلام الطيب

[ذراع الذيب]

السلام عليكم ورحمة الله وبركاته

هلا والله وغلا

بأخوي ابوحمد

مبروك العقيله وبيض الله وجه راكان وجمل الله حاله وكثر الله من امثاله

[Abu Hamad2]

الله يبارك فيكم واشكر الجميع على تفاعلهم

[راكااااان]

بسم الله الرحمن الرحيم ,,الشكر لالله سبحانه وتعاله اخوي ابو حمد وخواني الي ردو اشكركم جميع وكلمت الشكر قليله بحقكم جميع جميعكم خير وبركه وانا واثق اي واحد منكم مارح يقصر بشي ويسوي اكثر مني ويرجع حلال المسلم له والحمدلله على كل حال وانا ايضآ اتوجه لشكر الجزيل الأخوي عبدالله ابو يزيد الذي رافقني للمدعى عند صلاه الفجر للبحث عن الطير المفقود والحمد لله تم عقلانه الساعه الثانيه ونصف عصرآ فا اقوله الف شكر ولا انسى ايضآ الأخ فهد العجمي وله جزيل الشكر ايضآ واتمنى من الله سبحانه وتعاله ان يعقل كل ضاله الصاحبها ومره ثانيه جزاكم الله الف خير على كلامك الذي يثلج الصدر انتم ومن يرد بعد هذه الرساله بتوفيق للجميع أخوكم في الله حمود العنزي

[عواد الشمري2]

بيض الله وجهك ياركان وجزاك الله خير

[حمد لعنزي]

الله يجزاه الجنه ؤيكثر امثاله

[نجم404]

الحمد لله على العقلاان يابو حمد والله يكثر من امثال راكان ويستاهل كل خير

[حشّار]

بيّض الله وجهه ويستاهل المدح من تعب له

[بهوان]

يستاهل الذكر الطيب والله يكثر من امثاله ويرحم والديه

[جلاد الحباري]

حنا نقول عسى الله يكثر من امثال اخونا راكان وله حاجتين الاوله فعل خير والثانيه بياض وجه مع الاجاويد وانت يابو حمد الله عطاك على قد نيتك ورزقك في شخص بمقامة ركان اتمنى من الجميع ان يحذوا حذوه وان يكون مفتاح لفعل الخير وكسب الرجال ترى الفزعه تبين في الشدايد ولاظهر لك بمثل مقامة راكان راح تبشر بالسعد والعلم الغانم مبروك العقلان يابو حمد وتستاهل كل خير

[صقر الجنوبي]

بيض الله وجهك ووجه راكان ويستاهل الشكر والحمدلله على عقلان الطير

[ah1122]

ابو محمد بيض الله وجهه وفعلا أعاد للصقاقير علومهم الي حنا خبارينها عنهم