ياشباب الباترول من فتره يرمي ولا يشتغل من اول دقه

[sgl2002]

معي باترول 99 بخاخ

والاحظ من فتره انه مايشتغل من اول دقه مثل اول

واذا اشتغل يقوم يتفتف ويطلع كربون اسود

وخصوصا اذا كان حار اما اذا بارد فيشتغل ع طول

واذا دعست بقوة وفكيت الدعسه يرمي مع الشكمان


علما ان اسلاك البواجي والبواجي والصفاية والطرمبة كلها جديدة


وش تتوقعون المشكله ؟

هل هي من الديلكو مع انه موزون
او من بلف الراجع حق البنزين لانه يهرب بنزين ع خفيف

او وش تتوقعون

[ابوصالح3]

حياك الله اخي الكريم


شيك على طرمبة البانزين ... اذا كان يدق سلف ولايشتغل


وافحص الكهرباء والبواجي ثاني مره

[sgl2002]

يشتغل بس تقول كلبريتر ماهو بخاخ

والبواجي والاسلاك توني مغيرها من ثلاث شهور

[SGL]

سوي التهريب الي تقول عنه وجرب وذا ماظبط أحتمال تكون طرنبة البنزين أنا أذكر هذي الحركه سارت عند واحد بس سياره فورد توباز وطلع من الطرنبه بس مثل ماقلتك ياأخsgl2002سوي التهريب وجرب ﻷنه أحتمال يدخل هواء

[بن الزايد]

جرب الطريقة في هذا الموضوع
http://www.mekshat.com/vb/showthread.php?t=218300

[sgl2002]

الله لايهينكم ياشباب

الطرمبة انا مغيرها قبل ٤ شهور ولابها خلاف

انا اتوقع انه بلف الراجع

لانه مايرجع البنزين الزائد للتانكي

ويبقى بكثره ع البخاخات

لكن البلف غالي ب٦٠٠ ريال ولاودي اغيره وانا ماني متاكد

[MSAN]

هلا بك يالغالي..

صوت الرمي معناه ان المشكلة في الكهرب.. مهيب في البنزين..

شيك الكويل وفيش الكويل.. أول شي شوف فيش الكويل اذا انه نظيف والا معدوم.. يمكن الفيش مايوصل شرارة صح..


واذا ان المشكلة مستمره عندك.. افحص قوة فاكيوم الثلاجة عشان تتأكد من توقيت الشرارة هل هو صح والا الكويل يبي له وزن..


مشكلة سيارتك وحده من ثنتين... أما الكويل أو وزن الديلكو..


بالتوفيق

[MSAN]

موترك يصرف بنزين واجد..؟

[العطاوي a511]

اذا حليت المشكله قلنا الطريقه

[محسن اليامي]

اللي اعرف ان سالفتك لها دخل في البانزين

[sgl2002]

الموتر صرفيته طبيعيه جدا مايصرف

يعني التانكيين ع الخط ٦٠٠ كيلو

المشكله هي خلل في الاحتراق

حتى الشكمان صاير اسود مره

يا ان البنزين يدخل اكثر ، او ان الهواء ضعيف لاني اذا دعست للاخر وشغلت يشتغل بسرعه

[ls1.5700]

اخوي العزيز اس جي ال 2002
ماعليك تعدي انت اللي تعلم الناس ماشاءالله عليك
ومنك نتعلم ونستفيد
وانا معجب بردودك على الاعضاء الصائبه والموفقه دوماً بحل معظم المشكال التي تواجهم
اما بالنسبة للمشكله التي تعاني سيارتك منها
عندك امرين لاثالث لهما
المشكله بالوقود والاحتراق
يااما الوقود اكثر من الهوى او الهوى اكثر من الوقود
يااما الوقود ماياصله شراره كافيه
شيك على البواجي قد يكون واحد من البواجي فيه لذعه من الداخل ومايبين لك
وشيك على اسلاك البواجي قد يكون فيها تهريب ماهو واضح للعيان
مادام فيه تفتفه ودخان اسود وفيه رحية بانزين فـ اكيد عندك عدم احتراق باحد السلندرات
شيك على وزنة الديلكو لاتكون وزنته من الاصل خطاء
حاول تفرفره حتى تخف المكينه وتزود سرعتها
فيه احتمال بس ضئيل
قد يكون احد البلوف مسكر او فيه مشكله
والراجع اللي تقول عليه سكره مضبوط لا يدخل هوى يضعف الموتر0000
هذى والله الموفق

ملاحظه / شيك على كل الحساسات المسؤوله عن تنظيم الهوى والوقد

[SGL]

أخويsglالحركه هذي بعد تهريب بلف الراجع ولا قبله وحاول تقفله بأي طريقه وتجرب أو تفكه من جيب ثاني وتركبه وتجرب ترا ماقتلك عليه من قبل الا عارف يوم يكون البنزين يهرب أو يدخله هواء وش يسوي من تقطيع وبلاوي

[sgl2002]

جزاكم الله الف خير

الموتر وهو ماشي وواقف كل شي فيه تمام

البلا في التشغيل اذا كان حار فقط؟

ع العموم الاحتمالات ثلاث الحين:

بلف الراجع-وحاولت اصلحه وقالوا مايتصلح الا يتغير
الديلكو مع انه موزون لكن برجع اتاكد من وزنه
احد البواجي مايوصل شراره


وفيه حاجه ان الدعسه بعض الاحيان ترتفع من نفسها ثم ترجع

[ls1.5700]

خلاص هنا المشكله مدام البوجي مايوصل لها شراره فـ اكيد المشكله منه
ماهو من الراجع
شيك على السلاك او موزع الشراره الديلكو

[sgl2002]

^^^

انا بتاكد بس بيوم ليل كذا اشوف واتاكد من الاسلاك

والبواجي بغيرها واركبها بنفسي

والديلكو بفتحه من وبشوف

[SGL]

هذا يجيه بنزين زياده لاكن أنشاء الله تنحل المشكله الصفايه وش وضعها وماعتقد منها بس شوف وهل جربت منظف مستوبيشي

[SGL]

أرسلي صوره للبلف الراجع واضحه ابيه يكون باين مكان تركيبه وش راكب فيه وعطني الصوره على الخاص

[راعي الرجم]

تأكد من سلك الكويل دايم يصير مقطوع من الداخل وتاصل الكهرب بصورة غير سليمه غير سلك الكويل وجرب
واذا وصل الكهرب يكون توقيته خطاء بنسبه معينه ودائما الرمي يكون بسبب الكهرب والدليل ان احد البواجي ما يصله كهرب

[sgl2002]

الله لايهينكم

وهذا اللي انا شاك به الكهرب


اخوي sgl ما اقدر اصور وارفع لاني استخدم من الايفون

لكن موقعه هو عند اول بخاخ حجمه بحجم حلاوه بنص ريال
فيه ٢ ليات اللي هي حقت البنزين

[قناص في البر]

هذي المشكله تجي من سببين
الاول: وزن الديلكو لا توزنه باليد اوزنه بالمسدس الوزن مايتعدى 60 ريال للي يخاف الله
الثاني : غير الابليتين وغير معها البوبينه مره وحد وسعر الثنتين 40 ريال وكالة البوبينه 25 والابلتين 15
هذي الي لها دخل في تشغيل السيارة

وهذي اشياء استهلاكيه وماهي غاليه ابدى بالشي الي مو غالي

اما البواجي واسلاك البواجي كويس انك تغيرها بس مالها علاقة بمشكلتك
تحياتي،،،

[قناص في البر]

اي نسيت انتبه للي يركب البوبينه والابليتين لازم يركبها صح عشان لا تسمع طرطعه مع الشكمان

[sgl2002]

^^^
بس ماتوقع ان عندي بليتين وشغلات زي كذا
الديلكو الكتروني ماهو عادي

[العطاوي a511]

اخوي عندي فتك من يوم شريته يرمي من الشكمان ولا لقيت له حل الا قبل امس والحمدلله بالصدفه فكيت الصاجات اللي على القزوز ابي اشوف حساسات الشكمان واسلاكها لقيت القزوز تنسم وفيها شرخ لحمته بلحام الزهر وضبط الموتر ماعاد يرمي صار العزم اقوى شي بسيط

اللي قاهرني ليش مايطلع صوت من تنسيم القزوز ؟؟؟؟؟


من ناحيه الدخان الاسود اللي عندك واضحه عندك تراكم كربون نضف مدخل الثلاجه فكها انت بسيط مسمار واحد بس وغير فلتر الهواء جديد الفلتر لازم تغيره كل شهرين اقل شي لقيت بمنتدى اجنبي ان الفلتر اذا ماهو نضيف يضعف عزم الموتر ويضر البخاخات ويرفع الحراره
وشيك على القزوز ترى التنسيم مايبان ولاله صوت لازم تفكه وتشوف الله يعينك

[sgl2002]

^^^
اخوي العطاوي عاد انا عندي تنسيم في القزوز


لكن والله كسلت من الروحه للصناعيه

ابخلي الموتر لين يوقف ثم اوديه