للبيع مقلاه ايطاليه نادره .... مقاسين ..... وجديده بالكرتون ..... ام تاج

[ابوفهد الشريف]

بسم الله الرحمن الرحيم
اللهم صلي على محمد


للبيع مقلاه ايطاليه 100 %
جديده بالكرتون
المتوفر حبتين فقط
وحده مقاس 36 والثانيه مقاس 32


ماركة
ROYAL
DESSINI


على السوم
كل حبه لحال او للكل

الموقع الرياض والتسليم يد بيد
واللي خارج الرياض الشحن على المشتري


وهذي الصور



http://im31.gulfup.com/PAo11.jpg (http://www.gulfup.com/?oA8Hci)
http://im31.gulfup.com/9h4k2.jpg (http://www.gulfup.com/?nqgpY3)


هذي مقاس ال 36


http://im31.gulfup.com/b97R3.jpg (http://www.gulfup.com/?6YIPnJ)
http://im31.gulfup.com/dHAd4.jpg (http://www.gulfup.com/?eJHaVV)
http://im31.gulfup.com/h7Q85.jpg (http://www.gulfup.com/?YigV3b)
http://im31.gulfup.com/T54T6.jpg (http://www.gulfup.com/?p5zjnX)


وهذي مقاس ال 32


http://im31.gulfup.com/kgly7.jpg (http://www.gulfup.com/?wwIlao)
http://im31.gulfup.com/lPWR8.jpg (http://www.gulfup.com/?zfTNQu)

وهذي لتوضيح الحجم

http://im31.gulfup.com/Ocjq9.jpg (http://www.gulfup.com/?PXDIca)

[مطفش الطيور]

المقاس الصغير اسومه ب100 ريال

[بن.حسن]

حي الله اخي الكريم ابوفهد

اسوم الحجم الصغير بــ 150 ريال

وإذا لك حد الرجاء إبلاغي

رزقك الله من فضله الواسع

-------------



--------------

[مطفش الطيور]

ارفع ب 170 للحجم الصغير والله يرزقك من واسع فضله

[ابوفهد الشريف]

مطفش الطيور , بن.حسن
شرفني مروركم
وسوماتكم طيبه وباقي عليها
ومالي حد
تحياتي

[abu omar , Sudair]

السلام عليكم ..

الحجم الكبير 150

[ابوفهد الشريف]

جزاك الله خير
وباقي ع البيع

[ابوخالد]

الكبير علي ب١٧٠ ريال

[ابوحسن ...]

الكبير علي ب 200

[check point]

الكبيره ب 220

[ألفخر]

ب التوفيق..

[ابوفهد الشريف]

جزاكم الله خير علي السومات
وياجماعه الخير تراها ايطاليه اصل وفصل
ماهي من الصينيات اللي ماليه السوق
والمقاسين من افضل المقاسات

وباقي ع البيع

[jood]

هلا يالغالي


حبيت استفسر
عن الفرق بينه وبين الهًوم ماستر الصيني الموجود

اذا سبق لك التجربه
ارجوا الإفادة

[rami52]

السلام عليكم
اسوم الثنتين بـ 350 ريال والله يبارك لك

[مطفش الطيور]

اسوم الكبيره والصغيره 380 ريال والله يرزقك

[ابوخالد]

الكبير ب٢٥٠ ريال

[ابوفهد الشريف]

اخوي jood
والله لم يسبق لي مقارنتها بالانواع الصينيه
وياليت احد الاعضاء يفيدنا ممن قامو بتجربه النوعين
لكن الاكيد ان الصناعه الصينيه ماتقارن بالايطالي

سوماتكم طيبه وباقي ع البيع
علما ان السوم واصل للكبيره 250 وللصغيره 170 = 420 للثنتين

وبارك الله فيكم

[قلم5]

اسوم الكبيره والصغيره 450 ريال والله يرزقك

[ابوفهد الشريف]

الحد للجميع ب ٥٠٠
او ٢٦٠ للكبيره
و ٢٤٠ للصغيره

والمشتري يرسل رقمه
والله يرزقنا بحلاله عن حرامه

[صياد القصب]

ارجو الإتصال
0544441652

[مطفش الطيور]

شريت الصغيره لك رساله على الخاص
بشرط الايكون لاخي صياد القصب خاطر فيها

[ابوخالد]

الي الاخ صاحب الموضوع ابوفهد

والي جميع الاخوه
انا اسحب سومتي عن السلعه والي كانت ٢٥٠ ريال الان والله لقيتها سعره عند المحلات بسعر اقل بكثير والله يرزق الجميع علما انها نفس المعروضع وياليت نتاكد قبل مانعرض ونسوم الان الفرق شوي حار

[ابوفهد الشريف]

تم البيع
الرجاء اغلاق الموضوع

[دليل البر]

الصغيره سعرها في سوق السباله 100 ريال ايطالي اصلي

[شنكار]

ماهيب نادره يالغالي....
في كل محل
والفرق بينها وبين الهوم ماستر في الارتفاع...

[«نجم الخير»]

مااشوف بين الهوم ماستر وايطالي فرق بالاستخدام


لكن السعر مبالغ فيه

[علي 8]

موجوده بكثره في السباله الكبيرة 115 والصغيره 95

[jood]

حرام عليكم اتقوا لله

[أحب القمرا]

وين الادارة عن مثل هالاستغلاليين والدجالين ؟

[ابوفهد الشريف]

اول شي الله لايحلل ولا يبيح كل من اتهمني بالظلم
انا كنت اليوم بمحل برق الحيا لادوات الرحلات
عندهم الهوم ماستر (((( الصينيه )))) مقاس ال 36 ب 130 ريال
كيف تقولون ان الايطاليه ب 100 او 115 مستحل تكون بهالسعر

ثانيا انا بعت الحبتين للاخوان صياد القصب والاخ مطفش الطيور
ومستعد ارد قيمتها لهم لو ثبت ان سعر الايطاليه اللي انا عارض ب 100 او ب 115 لمقاس ال 36

الحمد لله الله مغنيني بحلاله عن حرامه
ولاني بحاجه اكذب او اغش انا بخير ونعمه بفضل من ربي
ولاني حاط بجيبي ريال حرام عشان مكسب 100 ريال اقل او اكثر كما يعتقد البعض

انا اطالب كل الاخوان اللي قالو ان سعرها 115 او اقل يثبتون كلامهم
المشكله ان الكثير من الاعضاء (( يطيرون بالعجه )) بجهاله ويقولون كلام سيحاسبهم الله عليه
ويحللون ويحرمون علي كيفهم

ما اقول الا حسبي الله ونعم الوكيل

الغريب ان بعض الاغراض تنعرض هنا بثلاث او اربع اضعاف قيمتها الحقيقيه
ولا اشوف احد منكم تكلم
مثال : مواقد البريموس اللي تنعرض علي 1000 ريال اقل او اكثر
ماحد تكلم عليها علما ان قيمتها الحقيقيه ماتتجاوز ال 300 ريال للجديد منها
والا بحجه انها مقطوعه من السوق
علما ان البديل موجود وبمواصفات افضل بكثير وباقل من هذا السعر بكثير
انا لا اعني احد بهذا الكلام والله يرزق الجميع
لكن لا يكون الكلام علي ناس وناس لا

عموما اهل العقول براحه
والعاقل خصيم نفسه
وفمان الله

[ابوفهد الشريف]

وين الادارة عن مثل هالاستغلاليين والدجالين ؟

اتهمتني بالاستغلالي وبالدجل
برد عليك بكلمه حسبي الله ونعم الوكيل

[ابوفهد الشريف]

حرام عليكم اتقوا لله

حسبي الله ونعم الوكيل

[ابوخالد]

والله العظيم وهذا انا موجود شاريها من محل المروج ب١٤٠ ريال امس العصر وأنا كنت احسب فيها فرق عن الصيني لقيتها واحد
وبنسبه لما يعرض وهو غير موجود بسوق ويبالغ في سعره هذا المفروض ان الأعضاء يخلونها يخيس عنده ويعطن الشي حجمه والله لا يحلل كل من غش مسلم

[ALMOVEED]

السلام عليكم

امس شريت وحده مقاس 40 ونفس الشركه 160 ريال

[شنكار]

قبل اسبوعين من السبالة انا شاريها نفس الماركة بالظبط
مقاس 36 ب115 ريال

والله على ما اقول شهيد

[واي فاي]

بس ودي اعرف وش ميزتها وكيف طريقة استخدامها ووش تصلح له

اشوف الناس هابين بها ولا ادري عن استخداماتها

[وهج الحياة]

بسم الله والصلاة والسلام على رسول الله

اولا يجب احسان الظن باخونا المسلم فقد يكون نفسه هو شراها من احد زعم له انها غالية جدا وانها صفقة له ولا يعرف انها موجودة .
وثانيا قد تكون الموجودة في السوق مقلدة حتى لو كانت متشابهة جدا والفاصل الدخول للموقع الاصلي للشركة الايطالية ومعرفة السعر .
وثالثا لا اظن ان احد يكتب باسمه ويعرف ان سعرها هكذا ويكذب في الاسعار وخصوصا في منتدى مثل مكشات فيه خبرات كثيرة وكبيرة في مثل هذه المواضيع .
رابعا بالنسبة لموضوعات فيها استغلال مثل مثال الاخ المواقد وغيرها
فأنا اعتقد الكثير من الاشياء فيها مبالغة في اسعارها مثل المواقد الدرابيل بعض الاجهزة ولكن هناك بعض الهواة يحبون شراء مثل هذه الاشياء وبعض الناس يستغل حب الناس للقديم ويبيعها بسعر غالي والسوق موجود ومعروف الاسعار فيه .
خامسا واكرر يجب احسان الظن بالاخ وهذا لا يمنع من تنبيه الاخوان بأنها بسعر اقل في مكان اخر بدون القدح والذم واتهام النيات لأنه قد يكون هو اول المغشوشين .
بارك الله فيكم وجزاكم الله خيرا

[تالي الوادي]

تم الذهاب صباح اليوم للسبالة للتأكد من الأمر بنفسي ، فوجدت ماذكره الإخوة الأفاضل صحيح 100%
سعر الكبيرة مقاس 36 ب 115 والصغيرة مقاس 32 ب 95
مع العلم بأن الصناعة إيطالي 100%
يعني الفارق بالسعر كبير جدآ مع أسعار صاحب الموضوع ؟!!
ولكن لنحسن الظن في أخينا صاحب الموضوع ، فلعله قد تم إستغلاله والنصب عليه من قبل أحد الباعة ، أو شيء من هذا القبيل ؟!!

[سهيل اليماني2]

العجيب لو كل ينغش وشلون بن حسن يسوم بهالسومة هو صاحب القدح المعلى في هالامور الا ان الاصلي درجات

[أبو نـآيف]

سوق مكشات للاسف اصبح يفتقد للمصداقية

بدايه من البريموس وغيره من خرد حراج بن قاسم اللي تسمى اثريه ونادره وهذا غرر

والله يرزق الرزق الحلال الزلال التاجر الامين

[بن.حسن]

العجيب لو كل ينغش وشلون بن حسن يسوم بهالسومة هو صاحب القدح المعلى في هالامور الا ان الاصلي درجات



حي الله اخي سهيل


انا من البشر الذين خلقهم المولى وماني معصوم عن الخطاء


وعند ما سومت لم اكن اعلم بسعرها الحقيقي وذلك بسبب


بعدي عن الأسواق والجديد فيها


وقد تكفل بعض الاعضاء بالتوضيح بادب جم والاخر خرج عن ذلك


ومثل ما تفضل اخونا الكريم وهج الحياة برده العطر


يمكن يكون اخونا ابوفهد لا يعلم بسعرها في الأسواق واخدها بسعر مرتفع


ولك كل الشكر على حسُن الظن في اخوك المسلم


-----------------------

[جيبي جايزلي]

سوق مكشات للاسف اصبح يفتقد للمصداقية

بدايه من البريموس وغيره من خرد حراج بن قاسم اللي تسمى اثريه ونادره وهذا غرر

والله يرزق الرزق الحلال الزلال التاجر الامين


احسنت هذا الكلام اللى يجمد على الشارب طمع بعض الناس اعمى البصيره

[صاع ضروس]

سبحان الله والحمد لله ولا إله إلا الله والله أكبر
يا أخوان خلونا نقفل الموضوع فقد أعطى الكثير رأيه فباعتقادي يكفي ما تم والله سبحانه وتعالى أعلم بالنوايا
مع تغليب حسن الظن ( على الأقل من وجهة نظري )
لنتكاتف في عدم جر منتدانا الغالي الى طريق لا نريده وليبقى شامخاً تسوده المحبة والثقة كما عهدناه
غفر الله لي ولكم ولجميع المسلمين

[aglanco]

سبحان الله والحمد لله ولا إله إلا الله والله أكبر


يا أخوان خلونا نقفل الموضوع فقد أعطى الكثير رأيه فباعتقادي يكفي ما تم والله سبحانه وتعالى أعلم بالنوايا
مع تغليب حسن الظن ( على الأقل من وجهة نظري )
لنتكاتف في عدم جر منتدانا الغالي الى طريق لا نريده وليبقى شامخاً تسوده المحبة والثقة كما عهدناه

غفر الله لي ولكم ولجميع المسلمين


كلام كبير من شخص كبير بمستواه
الله يجزاك الف خير

[علي عليوه]

شهادة لله ويعلم الله أنها لإحقاق الحق لمن الحق معه .

رويت مادار هنا لشخص خبرة في هذه المقتنيات وذكر لي أنه اشترى واحدة من محل الصانع

في بريدة وعند المحاسب السعودي سأله هل هي إيطالية فعلا , فقال: لا

حتى لو إن الصناعة منقوشة نقش على القطعة , فهي ليست إيطالية !!!!

والله أعلم بصناعتها الحقيقية .

[1من نجد]

رد على من شوه سمعة عضو وأخ عزيز علينا نحسبه كذالك والله حسيب على الجميع


النبي صلى الله عليه وسلم قال المسلم من سلم المسلمون من لسانه ويده

ثانيا لو الأعتذار عن البيع من الشخص يكون على الخاص أفضل

ثالثا الشخص أبو فهد عرض بضاعة هو يملكها وما قال ياجماعة تراها مو موجودة عند غيري لكن ذكر أنها نادرة وما لزم على أحد يشتري من أعجبته يسوم ومن لم تعجبه يتركها
رابعا بحكم تخصصي باالشغلات التراثية أحب أقول لكم حتى ألعاب الأطفال القديمة

تم تزويرها وتباع على أنها القديمة والأصلية يعني حتى أدوات الطبخ ممكن تباع عليك وهي مغشوشة
وتفتكر أنها الأصلية

خامسا.أشهر محلات الرحلات بالسعودية عندنا كم تبيع القطع الصينية الرديئة بضعف أثمانها والاستيكر مسجل انه ألماني أو امريكي؟؟

سادسا.أراهن وأنا عند كلمتي أي منتدى من المنتديات به شلة خاصة متفقة مع بعضها
من يعجبها تمدح بضاعته وتطبل له وتقول أنه أفضل الموجودين ويوضع عند اسمه بائع مثالي أو الخبير الفلاني أو العضو المميز ولو كان من الضالين ولكن الجهل اعمى بصيرتهم ومن لايعجبهم يهاجمونه من عضويات مختلفه ويردون عليه
وهناك منتدى بري منافس لهذا المنتدى ومعروف لأغلب الأعضاء سقط بفعل ان الأعضاء يقللون من كل عضو يقوم بعرض بضاعة ويكون له سمعة ويقومون بتشويه صورته فالحسد مصيبة أخرجت أبونا آدم من الجنة

سابعا وأخير كلمة الحق لاتغضب أحد , المشرفين المكلفين هنا بمنتدى مكشات ببعض الأقسام لايهمهم أمر المنتدى وإلا المفترض أنهم يقومون بتطبيق شروط البيع والشراء ويحذفون الردود المسيئة ولكن وجودهم كعدمهم وأكبر دليل شوفوا هالموضوع فيه مشرف رد عليه أو قفله؟؟ تجد من يتهجم عليك يبقى رده ويحذف رد صاحب الموضوع والله المستعان

[دايم الخير]

الموجود في السوق صناعة صيني حتى والمكتوب ايطالي

لذا من يقول ان الموجود بالسبالة وغيره مائة بالمائة إيطالي فهو متوهم ، المتوفر صيني ويستحال أن يباع الايطالي بـ 120 اقل أو اكثر

الفيصل بمثل هذه المنازعات يقع بين البائع والمشتري بوجود الدليل الفارق بين الأصلي والتقليد

فإن كانت إيطالي أصلي وليست صينية الصنع فهي تستحق هذا المبلغ وربما أكثر

أما إن كانت من الايطالي المضروب فالتمسوا لأخيكم عذر الجهل بالسلعة فإحسان الظن مقدم على سوءه جزاكم الله خير .

[ابوفهد الشريف]

عدم ردي على الموضوع لا يعني صحه ما أتهمت به من قبل البعض
لكن هل لو اطلنا الكلام سيتغير شي ؟؟؟ لا

بيجيك واحد بكره يقولك انه شاريها والا محصلها ب 50 ريال بعد
والاصليه الايطاليه ومن هالكلام اللي لايودي ولايجيب

عرضت الغرض وبعته ويالله لك الحمد اللي شرو مني ما اشتكو
لا والغريب ان فيه ناس تسالني عنه وترغب في الشراء بنفس السعر

وانا اوجههم للشباب اللي شارين زيه بنص السعر (( على قولتهم )) لعلهم يخدمونهم

علما اني زرت السباله شاهدت المنتج الموجود هناك وهو مختلف عن ماتم عرضه
لكن كلا بعقله راضي وكلا بيسوي اللي يجوز له

وما نقول الا الله يعطي الواحد على قد نيته
والله يوفقنا وياكم

الموضوع مفتوح واللي في خاطره شي يقوله ابدا حتا لو انه حصل 3 ب 10 ومن الاصليات عادي

لكن مواقد بريموس مصديه وعمرها 30 سنه تنعرض بمبلغ وقدره ولاااااا احد يفتح فمه بكلمه
لا بالعكس يطبلون له (( وهذا الزين .. وهذا النادر ... وهذا المقطوع ... واللي كل الناس تدوره ))
والثاني يقول (( ياحض اللي بيشتريه سعر طيب ونادر )) طيب ورا ماتاخذه انت هههههههههههههه
الين يجيك ابو الحبيٌب ويعطونه على راسه

عندي موقد من الموديلات الحديثه وصناعه صينيه من نوع ( اكس بورت ) <<< الضاهر اسمه كذا
اتحدا فيه اي موقد من بريموس ابو 1000 ريال سواءا في قوه التحمل او فالشعله او في جوده المنتج

لكن عندك ناس تدور على مذبحها

لا اله الا الله
سبحان الله وبحمده سبحان الله العضيم
استغفر الله واتوب اليه

[سهيل اليماني2]

السلام عليكم اخي ابو فهد الشريف

موضوع المقلاة الايطالية سوف افرد لها موضوع قريبا

واما الموقد السويدي فهذا لم يحالفك الصواب في الاستدلال ومقارنت الصيني بة
ياخي على الاقل ان الصناعة السويدية في المواقد غنية عن التعريف ولهم السبق وجودة التصنيع والبساطة في التقنية وخف المحمل

اما الصيني تكس سبورت والله اني شارية وبعتة على طول
انظر الى الموقد خاصة العيون حول الشرابيش تصلح بوادي فول
وكذلك ثقلة على ماقال احد الاصدقاء هذا ماهو موقد ذا شنطة كمان

ياخي ابو فهد دايم تدندن على اللي يبيع الموقد السويدي فهذا رزق لاخينا ابو فلان وبيض الله وجة على التوريد من السويد والا كان شفت الغلاء صحيح
فهذا المنتج لايوجد في السبالة ولا حراج ابن قاسم وعساك على القوة وانا اول زبون لك
وتقبل تحياتي

[ابوفهد الشريف]

ياخي ابو فهد دايم تدندن على اللي يبيع الموقد السويدي فهذا رزق لاخينا ابو فلان وبيض الله وجة على التوريد من السويد والا كان شفت الغلاء صحيح
فهذا المنتج لايوجد في السبالة ولا حراج ابن قاسم وعساك على القوة وانا اول زبون لك
وتقبل تحياتي

اخوي سهيل
الله يصبحك بالخير

انا لا اقصد احد بعينه ابو فلان رجال ونعم ولا اقول فيه شي لاهو ولا غيره من الاعضاء
والله يبارك لهم ورزقنا وياهم (( والي يعرضه ابو فلان او غيره سلع في منتهى الروعه ))
المقصد من كلامي اذا بعض الاعضاء يتكلمون عن غلاء الاسعار فانا اشبه غلاء مواقد البريموس بغيرها من القطع
وهل عدم توفر المنتج بالمحلات كفيل بارتفاعها 3 او 4 اضعاف قيمتها ؟؟؟!!!

وابيك تجاوبني انت ليش ما احد يتكلم على السلع المعروضه باضعاف قيمتها
اكيد بتقول لانها غير متوفره بالاسواق عندنا
ابقول لك : هذا مايعتبر استغلال للمستهلك وانا وانت منهم ؟؟..!!
بحكم ان هالمنتج غير متوفر يرتفع سعره لها الدرجه ؟؟

يشهد على الله اني ما اقصد احد بعينه
والله يبارك لهم فيما شرو وفيما باعو
لكن الملامه لاتكون على احد دون احد
كلنا سوا
انا شاري القلايات هذي باقل من قيمه بيعي ب 30 ريال
مكسب 30 ريال يسوي كذا
صرت حرامي ونصاب واستغلالي
المفروض اذا احد بينتقد يكون الانتقاد بناء
ويشمل الكل

واذا انا غلطان ماعندي مشكله يجي احد ويصحح الغلط بشكل لائق
وانا بتقبله بكل صدر رحب

الله يصلح الحال

[abu omar , Sudair]

السلام عليكم اخي ابو فهد

بالنسبة للمواقد السويدية ف اغلب من يشتريها ل الاقتناء ليس للاستخدام وهي لاتوجد بالاسواق مثل المقلاة الايطالية < وليس هنا حديثنا
ولكن مدامك لم تعلم بوجودها ومكسب فيها اشوفه قليل . بمعنا انك ما دبلت السعر
واعتقد ان الايطالي اصلي و تقليد واذا عندك علم افدنا نزل موضوع الفروقات بينة وبين التقليد
والمكشاتي يدور الزين والجودة في اغراضة ..