مشكلة القير في كابرس 95

[طلال1419]

السلام عليكم ورحمة الله وبركاته :

عندي مشكلة في موتري كابرس 95 عداد اكتروني LTZ وبداية المشكلة :

كنت اعبي بنزين 91 وكان الموتر تمام لم يكن به اي اشكال ومن الللقافة غيرت البنزين 95 وبمجرد خروجي من محطة البنزين اخذ الموتر يكتم واصبح عدد السرعة تابث على الصفر ومع المشي يتغير بس ليس بانتظام ويرجع للصفر ويتغير والسيارة تمشي واصبح القير لا يغير الا بعد الدعس على البنزين عندما احرك وبعد التغير يكون عزم السيارة ثقيل
المهم استشرنا بعد الزملاء قالوا غير الفتر والزيت وغيرتها ونفس المشكلة وقالوا اعمل تنظيف للبخاخات وعملت لها تنظيف واصبحت السيارة تمام ماشاء الله تغير بكل سهولة والعدد رجع يعمل كمان كان سابقا ولمدة تقريبا اسبوع وهو تمام وبعدها رجعت لا يقير الغير الا بعد الدعس على البنزين والعدد لا يعمل تابث على الصفر وغيرت حساس القير باخرى من سيارة ثانية ولم يتغير شئ

اغلب محلات القيرات قالوا لزم توضيب للقير هل اجد عندكم حل لمشكلتي وانا احساسي يقول ان المشكلة كهربائية الفزعة ياالربع

[SGL]

هل غيرت الصفايه أذا لا غيرها وذا ماظبط نعطيك الحلول الثانيه بس خلك متابع موضوعك

[طلال1419]

حياك الله ياالغالي

نعم غيرت صفاية البنزين ونفس المشكلة

[بشير حسن]

أخوي جرب تعمل برمجة للسيارة وان شاء الله راح يضبط معاك

[مالك كروز]

والله يا أخوي لاتوضب ولا تتعب عمرك لانك بتخسر مثل ما خسرت أنا والله العظيم ( موضب + وغيرت كمبيوتر القير ومخه بعد ولا صلحت اموري والسيارة عندي مايغير القير في السرعات ابدا ولا ادري وش حل المشكلة ) وخسرت 6000 ريال قيم قطع غيار وبرمجه و توضيب وزيت وفلتر ولا بغت تروح المشكلة ولا ادري وش سالفتها حسبي الله على الشفر ومشاكله وأنا ملبق سيارتي اللحين في البيت وماني عارف وش اسوي

الله يعينك ويعيني

و نصيحة اخوي بيع موترك واشتر تويوتا او نيسان او هيونداي والله اطلق من الشفر بـ100 مرة ..

[SGL]

هذا من الحساس أكشف عليه وشوفه أيت واحد حساس هواء أوغيره وغير الفلتر أذا كان قديم فلتر الهواء والجربكس ماله علاقه بعداد الهوى لانك انت تقول بعد التنظيف ظبط ورجع لو الجربكس خربان ماكان ظبط ورجع

[طلال1419]

لله يعينك اخي مالك كروز ان شاء الله تنحل مشكلتك

جزاك الله خير اخي sgl على متابعتك لمشكلتي بس وين اعمل تشييك على الحساسات ؟

نعم زي ماقلت انا عندي احساس ان المشكلة ليس في القير نفسة لأنه اول ماتشغل السيارة ماشاء الله القير عند التعشيق يقفز الموتر بس مايغير الا اذا دعست بنزين يبداء يلقم وماتحس بعدها بالتغييرات ويكون طبيعي بس يثقل اذا وقفت ومشيت يكون تقيل ف القومه واذا طفيت الموتر وشغلته وعشقت يقفز الموتر بس نفس الشئ دعسة على البنزين حتى يغير

[SGL]

روح محل كميوتر يكشف عليها أمس كان في موضوع عن حساسات الظاهر فاالصفحه الثانيه شوفه موضوع جيد وكل الحساسات الي عندك هو منزل صورها مع طريقة كيف تعرف الخربان منها

[SGL]

ياأخ مالك كروز أذا موترك كروز أنا ماني عارف وش قصتها باالقير أعرف أثنين معهم هذي السياره ونفس مشكلتك وواحد منهم غير الجربكس وقلتله أنه ماهو منه وتحديته لاكن غيره وماتغير شي نفس أول الخراب من منظم القير أو حساس بس وين الورش الورش الفاهمه

[طلال1419]

السلام عليكم ورحمة الله وبركاته

ابشرك اخي الحبيب sgl انحلت المشكلة والحمد لله وله الفضل صراحة ماني ماتكد بالضبط اين الخلال ولكن سوف ابين كيف انحلت رب ضاره نافعة

فكرت وقلت خليني اودي السيارة للمغسلة واغسلها بستم امكن القير من تحت ف طين وتراب واكيد ف شئ يعيق القير من العمل
رحت لمغسلة قريبه من الحي وتوصيت بالعامل بـ (5) ريال لزيادة التنظيف من اسفل عاد ابو هنود ماقصر قام بالواجب وزيادة هههههههههه

جيت اشغل قالت السيارة خلى ابوهنود ينفعك والخمسة ريال تنفعك كمان يمين شمال مافي امل تشتغل دفينها خلصت تمسيح وتلميع اشتغلي طيب مافي امل دفه لخارج المغسلة يادي الورطه خمسة ريال جابت العيد ف الموتر
المهم خليتها لهذا اليوم ف الظهر رجعت م العمل رحت لها شيكت على البواجي واسلاك كلوا تمام ف فيش حق فلتر الهواء كان مفصول

http://www.mekshat.com/pix/upload03/images128/mk32037_img.jpg

ركبته حاولنا لين مااشتغلت السيارة والحمد لله قلنا بسم الله والله ياشباب وهذا بفضل الله العدد اشتغل والقير بفضل الله تغيير مافي احسن منه ولله الفضل والمنه والحمد لله وهذي تجربتي والحمدلله وكل الشكر للأخوة ف هذا المنتدي الطيب المبارك وجزاكم الله كل خير

[SGL]

مبروك روح الي يقولك وظب جربكس وقعد فحط عند ورشته وذا قدرت تصدمه أصدمه وريحنا منه

[طلال1419]

رفع الله قدرك مكشاتي sgl والله اني كنت ناوي على التوضيب بس قلت لما يخبط مرة القير ههههههههه

ولله اني عرضتها ع ورشة كبيرة ف الدمام قال لى الفني سوري ماعنك وعن التوضيب لزم يتوضب القير ياعمي بدل غير قال مافي غير هيك سبحان الله بس ف فلبيني صراحة قال لى م البداية قبل ماف توضيب شوف كهربائي احسن بعدين انت خسارة بس كان يلمح على التوضيب ههههههههههه

لعل هذي تجربة لكل من يعاني م نفس مشكلتي ان لا يستعجل ف مسالة التوضيب ويشوف حلول آخرى وبعدها اذا مانفع يتوكل على الله ويكون التوضيب آخر علاج

[Hawawii]

مبروووووووووووووووووووووووك