بخصوص زيت الديزل

[وجه النهار]

أخواني الأعزاء
من مشرفين وأعضاء
السلام عليكم ورحمة الله وبركاته

أنا توي شاري باترول 2005 ديزل
وحبيت اسأل عن ممشى الزيت
سألت واحد من الرجاجيل شرواكم
وقالي لا تمشي عليه أكثر من 3000 كيلوا
وأنا أحس إنها شوية
فـ قلت يا رجال ما لك ومال وجع الرأس
اسأل هـ الشقردية اللي بهـ المنتدى الشامخ
وبإذن الله يفيدونك
فــ وش رأيكم
جـــــزاكم الله خـــــير

[أبوسعد111]

وعليكم السلام ورحمة الله
فعلاً رفيقك صادق
أو تقريباً لا يتعدى الـ 4 آلاف كيلو
ولاتعتمد على الممشى على طول (لإختلاف الجو بين صيف وشتاء)
أهم شئ شيك على لزوجته قبل تغيرة
وأنصحك
بزيت فوكس تيتان

بالتوفيق

[ابو جارد]

وعليكم السلام ورحمة الله وبركاته

انا عندي باترول 2000 ديزل

اغير زيت المكينه كل 5000

ولازم تشيك على الزيت كل 1500 او 2000 كيلو
لانو بعض مكاين الديزل تنقص زيت بشكل طبيعي

انا استخدم نوع اسمه البديل لزوجه 50 بس عيبه غير متوفر
واذا مالقيته استخدم زيت شل روتيلا لزوجه 40 وهو ممتاز جدا

وابتعد عن فوكس تيتان
نصيحة مجرب

ونصيحه ثانيه فلتر الديزل كل 25000 كيلو غيره
وتسخين الموتر لا تغفل عنه

والله يبارك لك بهل الموتر

[مركز حراره]

حياالله اهل الديازل
5000 وحط بالك اذا هو ينقص بس ماعليك الباترول حليل

[Bader-M]

وعليكم السلام ورحمة الله وبركاتة

اعقتد ان 5 الالف قليلة يمكنك ان قطع مسافة 10 الف كم دون مشاكل

يمكنك متابعة هذا الحساب تجد معلومات تهمك عن الزيت

https://twitter.com/badermotors



زيت_محرك (https://twitter.com/search?q=%23%D8%B2%D9%8A%D8%AA_%D9%85%D8%AD%D8%B1% D9%83&src=hash)#

موفق

[شنكار]

عليك بشل روتيلا وغيره من 5 وطالع...

[وجه النهار]

الإخوان الأفاضل
ابو سعد
ابو جارد
مركز حرارة
Bader-M
شنكار
بيض الله وجيهكم على هـ المعلومات
الواااافية
ومروركم العطر
بارك الله فيكم

[حسين السبيعي]

الله يبارك لك فيه وانا ارشح لك زيت بترومين فهو غير مكرر وانصحك بتغيير فلتر الزيت مع كل تغييره وكذلك غير فلتر الديزل كل عشرة الااف كيلو حتي تعيش مع طرنبة الديزل \وبتوفيق

[بن الزايد]

اي زيوت من الإمارات العربية المتحدة لا لا تستخدمه
وغير ذلك حسب ريالاتك بتلقى الغالى والرخيص وغيره على حسب لزوجه زيت من ملمس
اختبار الزيت الطريقه توضع طرف العيار على رفرف وتنقط نقطه فيه تنتظر لين توقف بس بتنزل على الارض لانه جديد اما المستهلك سوف يتحرك ببطء كلما زاد الكربون كلما تقل سيولته "والله تعبت " مباركه عليك لين تبيعها