فتك يحتاج شنبر .. أبي رأيكم جميعاً

[بايسن حار]

السلام عليكم
مساكم الله بالخير

شريت فتك 2006 ماشي 280
وراعيه يقول فاك المكينه عشان يشيل مسمار الثلاجه
يقول طاح في السلندر بس الحمد لله ماعمل ضرر وطلّعته عند ورشة التركي

شريته وبعد مده بسيطه إكتشفت للأسف انه ينقص علبه كامله كل 1000 كم
وحسبي الله ونعم والوكيل ان كان صاحبه السابق يعلم بهذا النقص وماعطاني خبر !

أخذته على ورشة التركي قال فيه ريحة زيت مع الشكمان والموتر في بداية بداية الشنبر
(كرر كلمة بدايه مرتين) وصوت المكينه ماتلاحظ عليه اي شي
قلت يالله سو له شنبر قال نصيحه لاتسويه هالحين لأنه في بداية الشنبر خله بعدين أفضل :confused:
وطلع كان مستعجل
وانتم وش رايكم لاهنتو

1- هل لو سويت شنبر ترجع مثل المكينه مثل وكالتها والا السالفه فيها خرط وكبس ومدري وش ؟
2- والا أخذ نصيحته واقعد على هالحال رغم اني تعبت كل شوي وانا رايح اشتري علبة زيت وكل يوم أسحب العيار
3- مع صرفية الزيت الكبيره الآن هل يسبب ذلك ضعف في العزم ؟؟
4- وليه نصحني اني ما أسّويه هالحين يوم شاف انه بداية شنبر


والا أبيعه في هالوقت وأبدأ عناء رحلة البحث من جديد مع هالسياره الغير متوفره بكثره في السوق:(
مع العلم اني معجب جدا بالفتك وكان نيتي إستخدام لـ 4 سنوات أو أكثر كذلك اذا الله أراد

وش تنصحونا فيه

[راعي المجهم]

عاااااااااادي جداً كل السيارات تنقص
حط له زيت اسمه ايزي بور تلقاه عن ساكو قيمته 40 ريال تقريباً
ممتااااااااااز لللسيارة الي تنقص ومجربه على موتري كان ينقص نص علبة مسافة 500 كيلو
وبعدها الحمد لله ضبط

[بايسن حار]

مشكور على التجاوب ياراعي المجهم
بس ياليت تعطينا وش وظيفة الزيت بالضبط

لأنه من كلامك انه عالج مشكلة ضعف شنبر المكينه !!!
وهذا شي مب سهل !

[بواسامه]

بعد واشتر غيره

طع شوري

[SGL]

هل الموتر يدخن دخان أزرق ولو خفيف حتى لو مافيه أدعس بقوه وشوف وبعدين تسقيط الشنبر حنا سويناه أشكل من مره وماشيه معنا السيارات ولاأحلى أهم شي المهندس الخبره والقطع الأصلي وشيك على المكينه شوف الكرتير فيه تهريب أو الصوفه لاتقول تهريب بسيط أمكن النقص منه

[ابوسند9]

اخوي بايسن
شوف حتى لو مسمار الثلاجه طايح ماله دخل في في مشكلة نقص الزيت وانت تقول انه اخرج المسمار بدون ضرر
لذا احب افيدك ان مكينة الفتك افضل مكينه ,,واشوف ممشى 280 الف قليله على موديله
وانا معي فتك ماشي اكثر من 350 الف واجلده جلد خطوط وبر واغير الزيت من 8 الاف الى 13 الف وما ينقص واحد ملم
لذالك اتوقع ان المشكله عندك من بلف التبخير روح للوكاله واشتر جديد وركبه انت بنفسك
وحط زيت التر سفن 6.5 لتر بدون سيفون و6.8 لتر بالسيفون
بعدين اعلم ان الفتك ما يعاير الزيت اللى الصبح لان الزيت يا خذ وقت ما نزل يعني مو زي المكائن الاخر
اكرر كلامي لك ولا تستعجل

[mr.salih]

اخوي هل لا رفعت عيار الزيت والسياره شغاله يطلع بخار ؟

[بايسن حار]

هل الموتر يدخن دخان أزرق ولو خفيف حتى لو مافيه أدعس بقوه وشوف وبعدين تسقيط الشنبر حنا سويناه أشكل من مره وماشيه معنا السيارات ولاأحلى أهم شي المهندس الخبره والقطع الأصلي وشيك على المكينه شوف الكرتير فيه تهريب أو الصوفه لاتقول تهريب بسيط أمكن النقص منه

شكرا على التجاوب اخوي sgl
الدخان أسود مب أزرق وعلى طاري المهندس الخبره أعتقد والله أعلم ان ابو صالح التركي خبره في هذا المجال يقول الشنبر يطلع عليّ مع قطع غيار اصليه بـ 5000 ريال ,
ولايوجد تهريب من ناحية الكرتير أو الصوفه
ومادام انك قد عملت شنبر لموترك فيما سبق فهل هناك خرط والا كبس
والا الشغله كلها تبديل قطع تالفه فقط ؟؟




اخوي بايسن
لذالك اتوقع ان المشكله عندك من بلف التبخير روح للوكاله واشتر جديد وركبه انت بنفسك
وحط زيت التر سفن 6.5 لتر بدون سيفون و6.8 لتر بالسيفون
بعدين اعلم ان الفتك ما يعاير الزيت اللى الصبح لان الزيت يا خذ وقت ما نزل يعني مو زي المكائن الاخر
اكرر كلامي لك ولا تستعجل

يامرحبا ابوسند
انا قلت للتركي ان شاء الله ان يكون السبب بلف التبخير قال : لا للأسف
يقول لأني اذا دعست بقوه أشم ريحة الزيت مع الدخان الاسود معناته بعض الزيت يطلع مع الشكمان وهذا ضعف شنبر
والزيت اللي انا أحطه هو الترا سفن
اما من ناحية معايرة الزيت فكلامك صحيح وأعايره كل صبح لكن للأسف أشوف نقص رهيب جدا بعد ما أمسك خط طويل 300 كم وفوق

---
فيه حاله حصلت معي مره وحده بس , طلعت من الرياض وتوقفت عند نقطة جوده
لما تحركت من عند النقطه جا كتمه بسيطه ثم طلع دخان أبيض كثيييييف جداً لدرجة انك ماتشوف السياره اللي وراك ثم رجع الوضع عادي بعدها بثواني , مع العلم ان خويي اللي معي غير البنزين الى أخضر رغم اني أنا اعبي أحمر , قد يكون السبب تغيير البنزين وقد يكون بلف التبخير




اخوي هل لا رفعت عيار الزيت والسياره شغاله يطلع بخار ؟

مرحبا اخوي
ماعمري والله عايرت والموتر شغال للأسف !
بس أذكر مره مشيت بالموتر 3 كم فقط الصبح ثم وقفت ابي ازيد الزيت فتحت غطا الزيت وقسم بالله اني كأني فاتح قدامي ترمس شاهي :D
بخاااااااار يتصاعد ما أدري هذا طبيعي والا لأ

[التعـ King ـديل]

انت رحت للخبير وابو صالح خبره باترولات ولكن ممكن يصيب وممكن يخطي لانه بشر وليس ملاك

دامك رحت له مر على الوكاله وخلهم يسوون للموتر فحص كامل وبعدها قارن بين كلام التركي وكلام الوكاله وراسلني اعلمك وش تسوي قبل تفك مسمار واحد

[ابو هشام]

مستحيل يطيح المسمار ومايخدش السلندر او يخرب الشنابر

انا طاح عندي المسمار وعمل فتحه تدخل ارنب

ماعندي شك 1 في المليون ان سيارتك تحتاج توضيب مكينه

بالنسبه لسؤالك هل المكينه ترجع زي ماكانت
طبعا ترجع زي ماكانت اذا القطع مهي تجاري واذا المخرطه ممتازه في حال خرطت السلندر

[SIF]

رأيي والأمر يعود لك
الوقت هذا السوق مرتفع بع الموتر وابحث عن غيره حتى لو تأخرت
السيارة إلي خرابتها واجد تكرها وماتكون ظهر لك والله اعلم

[sgl2002]

اريحك من الموضوع كامل

افتح الغطا حق الزيت والسياره تشتغل

اذا طلع بخار وهواء وتحسس بيدك شوف فيه هوا

فهذا شمبر

انت ماتقدر تبين الا بعد الفك، ممكن الاضرار بسيطه

او بعه واشتر واحد ثاني، وفيه حاجه : الفتك انا اقول مستحيل تحصل نظيف استحاله استحاله الا قليل جدا

اغلبها مجلوده

[ابو هشام]

رأيي والأمر يعود لك
الوقت هذا السوق مرتفع بع الموتر وابحث عن غيره حتى لو تأخرت
السيارة إلي خرابتها واجد تكرها وماتكون ظهر لك والله اعلم

وين قريت ان الباترول خراباته كثيره

يعلم الله الباترول قعد عندي 13 سنه ماغير بواجي وزيوت وفلاتر

هل اقتنيت باترول

[ابوسند9]

مستحيل يطيح المسمار ومايخدش السلندر او يخرب الشنابر

انا طاح عندي المسمار وعمل فتحه تدخل ارنب

ماعندي شك 1 في المليون ان سيارتك تحتاج توضيب مكينه

بالنسبه لسؤالك هل المكينه ترجع زي ماكانت
طبعا ترجع زي ماكانت اذا القطع مهي تجاري واذا المخرطه ممتازه في حال خرطت السلندر
اخوي ابو هشام
انا طاح عندي المسمار ومشيت على السياره 20 كيلو وهو يالله يمشي ويقطع وكنت اعلم انه المسمار طايح رغم اني ملحم كويس لكن من الجلد انفك وبعد ما وصلت البيت فكيت الثلاجه واخرجت المسمار ب ماص طويل والى يومك مافيه اللى العافيه والكلام له اربع سنوات
اخوي بايسن
انت تقول انك فتحت الغطاء وطلع هواء قوي والله اشك انه من البلف متسكر وفي هذي الحاله ينحشر الهواء داخل المكينه وفي هذه الحاله يخرج با القوه مع الشنبر ويخرج معه الزيت وبعدين بلف التبخير بلاش غيره ولا انت خسران والبنزين لا تعبي اللى 91
وكلام ابو صالح مو كلام منزل خذ العلم

[ابو هشام]

اخوي ابو هشام
انا طاح عندي المسمار ومشيت على السياره 20 كيلو وهو يالله يمشي ويقطع وكنت اعلم انه المسمار طايح رغم اني ملحم كويس لكن من الجلد انفك وبعد ما وصلت البيت فكيت الثلاجه واخرجت المسمار ب ماص طويل والى يومك مافيه اللى العافيه والكلام له اربع سنوات


صادق ياخوك يمكن اتوازن المسمار في خلوص البواجي ولو انه شي غريب وما قد سمعت انه قطعه معدنيه تطيح داخل السلندر وينجو من تخريب كامل. اﻻنسان يتعلم واليوم اتعلمت شئ جديد.

جزاك الله خير

[بايسن حار]

انت رحت للخبير وابو صالح خبره باترولات ولكن ممكن يصيب وممكن يخطي لانه بشر وليس ملاك

دامك رحت له مر على الوكاله وخلهم يسوون للموتر فحص كامل وبعدها قارن بين كلام التركي وكلام الوكاله وراسلني اعلمك وش تسوي قبل تفك مسمار واحد


ماقصرت الله يعطيك العافيه
يمكن اروح للوكاله بس الموت اذا مغطوك يومين والا 3 لأني بعيد عن الرياض ودوامي مقدر أخليه الا يوم بطلعة الروح





ماعندي شك 1 في المليون ان سيارتك تحتاج توضيب مكينه
بالنسبه لسؤالك هل المكينه ترجع زي ماكانت
طبعا ترجع زي ماكانت اذا القطع مهي تجاري واذا المخرطه ممتازه في حال خرطت السلندر

قصدك تحتاج شنبر (نص توضيب)
ما أعتقد تحتاج توضيب كامل الموتر عزمه حلو وصوت المكينه طبيييييعي جدا ومريح





او بعه واشتر واحد ثاني، وفيه حاجه : الفتك انا اقول مستحيل تحصل نظيف استحاله استحاله الا قليل جدا
اغلبها مجلوده

هذا اللي مخليني متمسك فيه للحين
ان اللي في السوق كله تعبان
واللي معي مب أقشر , بدي وكاااااله وكله سلييييم من الصدام للصدام موتر نظيف
وفجأه طلعت هالمشكله اللي ضربت مخي !

والا لو كان تويوتا كان قرشته للمعارض واشتري واحد غيره لأنه متوفر
ماقصرت يالنشمي .. لاهنت





انت تقول انك فتحت الغطاء وطلع هواء قوي والله اشك انه من البلف متسكر وفي هذي الحاله ينحشر الهواء داخل المكينه وفي هذه الحاله يخرج با القوه مع الشنبر ويخرج معه الزيت وبعدين بلف التبخير بلاش غيره ولا انت خسران والبنزين لا تعبي اللى 91
وكلام ابو صالح مو كلام منزل خذ العلم

الله يبيض وجهك يابو سند , أنت والاخوان اللي تجاوبوا مع هالمشكله
ويعلم الله اني أدعيلك

فيه حاجه نسيت أقولها ممكن انها تدعم نظريتك

http://www.m5zn.com/image.php?img=14341407.jpg

لالحظ في الصوره الأولى .. مصور من عند فلتر الهوا
تشوف الصاجه اللي تحت رقم 1 عليها زيت .. هذي ماعليك منها إنكب زيت بسيط عليها قبل يومين
لكن ركز على الحديده اللي عليها أسهم ثم شوف الصوره الثانيه


http://www.m5zn.com/image.php?img=14341408.jpg

شوف عليها زيت .. قبل شهر شفت عليها زيت ومسحتها بمنديل تمااااماً
وسافرت ومسكت خط طويل , بعد ما رجعت تفاجأت ان رجع الزيت عليها !
هي أسفل راس المكينه على ما أظن !

[ابوعبدالله 93]

يالغالي عاير الزيت وشم ريحته الزيت ريحت بنزين شنبر مافي ريحه الحمد ل الله بلف التبخير منسد مايوصل للبلوف زيت سبب النقص البلف التبخير

[بايسن حار]

........up

[شامان]

http://www.mekshat.com/vb/showthread.php?t=283037

[سوبر VTC]

اذا ع كلامك دخان ابيض فهي جلد بلوف
اقرا ردي بخصوص ال١٠ دقايق

http://www.mekshat.com/vb/showthread.php?t=285036