نبي رايكم

[Faisal alanaz]

يالربع عندي شيهانه تطرد السلم لكن من تشوف السيارات ماتطرد وكانت اول مشالله حمامتها ماتروح والحين ماعاد تطرد مثل اول

[راكااااان]

متعوده على كثرت العلف من السياره

[Faisal alanaz]

لا مأقد علفتها ف السيارة لكن ماتطير ابد وقت ما تشوف السياره

[راكااااان]

اي عارف انا اقصد انك تحذفلها من السياره واجد ان مالحقت او راح عليها شي صارت معي احذفلها مره وحده تبين ولابكيفك مافي غيرها فا رجعت زي اول عرفت ان مافي غير هاذي ياتلحقها ولا ماتعلف طبعآ اذا كانت سليمه من الأمراض لاسمح الله

[عواد الشمري2]

الطيبع هذا طبع الخلوي من الطيور مايطرد والسياره قريبه منه

[هواي البر 2]

مرحبا اخوي هد لها حمام ضعيف وخلها تصيد لمده 15 يوم وبعدها عطها حمام اقوى شوي وبتدريج واشاء الله
ترجع نفس اول ولا تحذف لها حمام من الموتر لا افلست لان بعدها مابتلحق الحمام بتلحق الموتر

[Faisal alanaz]

يعيطك العافيه يالربع على النصايح الطيبة

[جلاد الحباري]

هد لها حمام وسط يطير مسوحل لمدة ثلاث اسابيع واهم حاجه ماتفلسها وخلها تجسر عليه وبتعطيك طيار اطيب من اول وفيه حاجه ثانيه في بالي ان كان الطيره سليمه وصحتها تمام وحاذفه احتمال تردى في الطيار ولا عاد ترغب وهذي شغله مجربها بنفسي

[حشّار]

إذا طيرك وحش شي طبيعي مايطرد الوحش لين يخلي في صيدته

[(هزاع)]

لاتركت صيدتها
اما تكون زود صنعه او طبع تطبعت عليه
لاتحذفلها شي من السياره وذا ماصادت لو حمامه معثبره طمرها وشاهدها من باتسر بتشوف الصمله

[كلي فخامه]

هذا طبع الوحش مايطرد عند السيارات ....

[ذراع الذيب]

السلام عليكم ورحمة الله وبركاته


هلا والله وغلا


بأخوي فيصل


وش نوع طيرك ؟؟ هو فرخ او قرناس ؟؟ ووزنه ..طيرك صنيع او ضعيف ؟؟


كمية العلف اللي تعطيه يومياً ؟؟ هل تهده يومياً او تركته فتره ماهديته ؟؟


بأنتظارك يالنشمي

[Faisal alanaz]

السلام عليكم ورحمة الله وبركاته


هلا والله وغلا


بأخوي فيصل


وش نوع طيرك ؟؟ هو فرخ او قرناس ؟؟ ووزنه ..طيرك صنيع او ضعيف ؟؟


كمية العلف اللي تعطيه يومياً ؟؟ هل تهده يومياً او تركته فتره ماهديته ؟؟


بأنتظارك يالنشمي





شاهين جبلي قرناس 13*13 قرناس الهدد موب يومي والعلف اذا بهد اليوم الثاني اعطيه صافق ورجلين بسس

[ذراع الذيب]

هلا والله وغلا



مانقدر نقطع على طيرك ونعرف وش هي علته من خلال الشاشه لاكن هناك عدة احتمالات لعدم الارتفاع ورى صيدته وهي



ان يكون ضعيف



,,,,



او انه صنع وتمنيت انك وزنته والطير يرمك اذا ماهديته اكثر من عشر ايام



,,,,



او ان الطير متفشل وخرب طبعه لطرده على الحمام كل ما افلس تعطيه وحده ثانيه



,,,,
او ان الطير فيه مرض كالقلاع او الكوكسيديا والخ من الامراض لاسمح الله ومانقدر نفتي لك ونقول سوي كذا وكذا


ولاكن اقرب حل اقدر افيدك فيه على طير ماشفته اعط الشيهانه حمام على قدها ترددها حول السيارات يعني ريش من الموس الى الرابعه حدها ماترتفع



واكرم الشيهانه لامسكت حمامتها واعطيها ثنادي وعلى هالمنوال ثلاث او اربع ايام ورابع يوم اعطيها صافق واحد



واليوم اللي وراه اعطيها حمام وانت ادرى بحمامتك واذا كانت قويه خل فيها سبع سبع يعني من الموس الى السابعه



تبقى فيها والباقي انتفه كل غواطيها وشيل ذنيباها كله واذا صادت اكرمها اعطيها الثنادي كامله واعطيها نفس الحمامه لمدة ثلاث ايام



واذا شفتها بعد فتره متمكنه من الحمام عاد ذاك الساع اعطيها حمام قوي وروح عند صقار خبير خله يشوف الشيهانه ويتأكد انه خاليه من الامراض



وموفق خير

[Faisal alanaz]

يعطيك العافيه اخ مخاوي وماقصرت على هالمعلومات الطيبة