مشكلة عجزت ألقى لها حل !؟!؟!

[mooma]

السلام عليكم ورحمة الله وبركاته ...

حياالله الجميع

كيف حالكم إن شاءالله دوم بخير

ياأخوان أنا عندي مشكلة بموتري (هايلكس 2001 كربليتر ) سببت لي قلق وأرق :)

من جد يعني رحت لكذا ميكانيكي وعجزوا يحلون المشكله إلى ما أيست منها بس قلت يسأل أخواني في مكشات الله يجزاهم خير ان شاءالله يفيدونا بالحل

المشكلة هي/ السياره ماتحمي ؟؟؟ يعني أشغلها الصبح ان شاءالله درجه الحراره 5- الموتر يشتغل وكأنه من دقيقه كان شغال (يعني الار بي ام يكون 700 دوره ) تحت الواحد يعني لازم أنا أحميه (ومضه/ هل ذا الحركة تضر المكينه ؟ أقصد اني أنا أحمي الموتر يعني أصير حاط رجلي على البنص لمدة 2دقيق وأخلي الار بي ام على 1.5 (1500دوره) هل فيها اشكال؟؟)

المهم رحت لكذا ميكانيكي (3 ميكانيكيين) 2 اتفقوا على انه حساس تحمية زي السبرنق اذا اشتغل والموتر بارد هو يسحب البنص عشان يزود سرعه المكينه والثالث يقول ممكن من ليات(لي) مويه تحت الكربليتر هي ممكن تكون فيها مشكله ؟؟؟

الخلاصه بالموضوع أن الموتر كرهته الصراحه ومليت من بربسة الميكانيكيه فيه

فطلبي منكم الله يعافيكم / أبي ميكانيكي دكتوراه في المواتر الكربليتر :) يعني يعرف يتعامل مع الموتر صح ويضبطه لي ويصلح مشكلة عدم تحمية السياره بدون مايحوس ويبربس بدون نتيجه

(لأن الي قبل كلهم جربو وحاسوا في الموتر بدون مايصلحون المشكله :mad:)

طبعا موقعي الرياض

وأرجوا أنكم تتحمولني ؟؟ ياليت مايكون أبعد من صناعية النسيم - أو صناعية القديمه ) ( الشفاء والسويدي ددايم يضيع فيها عقده:D)
أنا ساكن بمخرج 11

وشكرا مقدما على مساعدكم

[أصيل حجآ زي]

http://www.mekshat.com/pix/upload/images39/mk55341_zaz.gif
الحـمـدُ لله والصـلاة والـسـلام عـلى رسول الله
وأزوآجـهُ الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .
اللهـُم بـك أهـتـدي وبـك أسـتـعـيـن وبنبيك مُحمدٌ أقتدي .




أخي الكريم :


ما تعجز أن شاء الله


أنت تحلها بنفسك بشحمك ولحمك { DIY } .......



حتى تحصل حل لها وتصلح الشرآقة .

دوس بنزين قليل بحيث
تكون حول 1000 د ف د RPM
يعني على الوآحد 1 وشوية زيآدة + .

أليك هذا الموضوع للأخ الكريم / أزد السرآة


به نقآش بيننا وحل للمُشكلة تحلهُ أنت بنفسك ما تحتآج أحد .


كيف من الممكن اعادة التحمية الذاتية بعد تنظيف الكلبليتر؟ (http://www.mekshat.com/vb/showthread.php?t=552866) ‏




قد يكون لي أو
مآصورة توصيل هواء الشفط
مفصول / مقطوع / منزوع / مخروم .


أو أذا بها سلك كهربي نفس الشيء أفحصهُ وفتش عليه زين .



أن شاء الله وضُحت لك الصورة { الفكرة } .



:good2:




تـحـيــــــــــآتي




<<< أبـو عـبـد الـرحـمـن >>>
""" الأصـيـل الـحـجـآزي """

[SGL]

مثل ماقلوا سوي القطعه الي ورا الكربريتر اسمها الحمايه او السخانه وركب بلف وركب بلف وركب بلف وركب بلف:D

[FORD1969]

البلف مفقووووووووووووووووووووووووود

[ajaa2009]

اخي عندماتبي تشغل الموتروهوبارد ادعس على دواسه البنزين الى الاخر مره واحده ثم وخررجلك عن الدواسه طبعن قبل ماتفتح السوتش
بعدين شغل الموتر بهذي الشغله يبين لك ان التماتيك شغال الخاص بالكلبيتر

[mooma]

أبو عبدالرحمن

الله يجزاك خير ويبارك في علمك وينفع به وجزاك الله خير على ماتقدمه من مساعده

وبخصوص المشكلة بحاول اصلحها ان شاءالله

Sgl

مشكور على مرورك أظن سيارتك هايلكس ؟؟ طيب ممكن تقولي اسم القطعه بالضبط ؟ ومكانها ؟ وكيف صلحتها

وأي بلف (وش اسمه)
وشكرا لك

FORD1969

شكرا على مرورك
وشو بلفه ؟ أين يقع

ajaa2009
مشكور على مرورك

جربت الحركة من شوي وللاسف ماضبطت


وجزاكم الله خير على مساعدتكم وتجاوبكم معي (وهذا مو غريب عليكم يا أعضاء مكشات ) عسى الله يوفقكم

[بن الزايد]

كان معي فور تونر اخو Hilux 2001 في المكينه ما كان فيه تسخين برفع دوران المحرك بل فيه عكس ذلك يوم اشغله ودرجة الحراره الجو 4 درجات امبير ضغط عند 3.5 بعد مايحمى يرتفع عند 5
وسباب منع احتكاك في سرعات العاليه
وعتقاد بعض الناس ان تسخين في سرعات عليه هو الافضل وهذا يختلف بين الموصفات السيارت
ونصيحه اذا شغلة سيارة لا تتعس بنزين لين يتغير صوت المحرك
http://i72.photobucket.com/albums/i190/soaz/4runner/IMG_0841.jpg

[SGL]

القطعه أسمها الحمايه أو السخانه وتجي ورا الكربريتر لونها أسود وفي موضوع لواحد هنا قالك عليه أصيل حجازي والبلف هذا بلف الحراره الي يركب بكوع المويه الي فوق الدنمو خذه أصلي مع ربلته تجي دائريه أنا الحمايه عندي فاصلها وموتري يشتغل ولا أحلى وسمعت كمان انه لها وزن بس أنت سويها

[mooma]

جميعا شكرا لكم جزيلا على مروركم العطر

أخوي بن الزايد شكرا على مرورك

أخوي sgl

شكرا لك على ردك وبخصوص القطعه ان شاءالله باتسر الصبح بروح أشتريها

بس أنا مشكلتي ماأعرف أركب شي بنفسي أبد يعني هذي الحماية مثلا حتى لو حاولت بجيب العيد >>>(له تجارب سيئة ) فهل ممكن أوديه للميكانيكي يركبه لي ويوزنه

وعندي سؤال أخير / هل لو أترك الموتر بدون أصلح هالقطعه هل فيه ضرر على المكينه (يعني انا أحميها أقعد ادوس للبنص وأخلي الار بي ام على 1 وشوي لمدة 2 دقيقه ) هل فيها ضرر ؟؟؟

[SGL]

شوف الحمايه نادر تخرب أنا كانت عندي ماهي شغاله بعد تنظيف الكربريتر أشتغلت عندي لاكن فصلتها ويقلون لها ميزان وكمان حتى هي تتنظف بس أهم شي بلف الحراره لازم تركبه ولاتفكه أبد حر برد غبار مطر خله وغير البواجي. وصفاي البنزين وراح يظبط معك ودعسك لسياره خفيف مافيها ضرر

[mooma]

^^^^^^^
الله يجزاك خير ويعافيك

سسسؤااااااااال أخييييير (تحملني الله يعينك ههههه)
مافهمت قصدك بالبلف الحراره

الحراره عندي تمام يعني اذا احتمى الموتر اشتغلت المروحه (يعني الحراره عندي موزونه الحمدلله تمام ولا بها خلاف )

وسؤال ثاني / بما أن الموتر مايحمي طيب ؟؟ أنا قلت لك اني ادعس عليه خفيف دقيقتين صح؟ طيب لو ما أدعس له أبد يعني أخليه يحمي من نفسه ( ياخذ بهالحاله من 4-9 دقايق حسب حالة الجو (4دقايق حراره الجو 22 و9 دقايق حراره الجو 10 ) هل هذا أفضل بدال ما ادعس له ؟؟

[SGL]

أنت عداد الحراره يرتفع للنص ولادايم تحت ردلي وراح أجاوبك على الباقي;)

[mooma]

^^^^^^^
ايه العداد اذا احتمى الموتر ومشيت يرتفع لحد مايوصل النص بعدين يثبت عليه

[SGL]

على كذا فيه بلف والتحميه خله ألين يرتفع العداد على أول خط أو فوقه بسيط بعدين أمشي على مهلك وراح يرتفع بعدها عاد لاشفته ارتفع فوق شويه أمشيبه 120وتوكل ولاتخاف:good2:

[mooma]

^^^^^^
مشكور على متابعتك
الله يجزاك خير ويطمنك بالعافيه دوم

طيب يعني على كذا ذا الحركه مامنها خلاف (أحميه بنفسي دقيقه أو دقيقتين والعداد فوق الواحد بشوي )

[SGL]

مابها خلاف بس مثل ماقلتلك خلي عداد الحراره يرتفع للخط الاول او فوقه بسيط وحرك وخلك ماشي على مهلك اللين تطلع من الحاره وبعدها أمش عليه

[mooma]

اضافه بسيييييطه(والله اني عارف اني ابلشتك)

طيب أنا ما أرتحت لحركه اني احميه

فبأسألك هل أشعل الموتر واتركه بدون ما أحميه (يعني اخليه الى ما يحمى لحاله) هل هذا مافيه خلاف

لانها متعبه وغير كذا الموتر دايم في الكراج يعني اشغله واخليه على راحته هل هذا عادي

وأبشر ياأخوي بسوي كل الي قلت لي عليه ولله يجزاك خير ويرزقك ويوفقك

[SGL]

انا موتري يوم اشغله مع البرد يطفي ادوس على الدعسه خفيف واجلس داعس ابو ثواني علشان مايطفي وبعدها ارفع رجلي عن الدعسه وخله يتنافض الين يحمى ويصفى ومشي وطبعن مع البنزين الاخضر يحوسك مع التشغيل لاكن الاحمر يفرق عنه بسيط باالتشغيل واقدر ارد الحمايه وريح نفسي بس ماابغاها لانه احيان يشتغل من اول سلف وبدون ماأدعسله واحيان غير ادعس لاني اشغله يشتغل ويتنافض ويطفي

[mooma]

اها فهمت ّ(نفس الشي يصير معي اول ما أشغله ينتفض له نص دقيقه وعقبها يركد)

وشكلي بسوي مثلك ادعس له شوي لين ما يصفى وعقبها خله يتنافض الى ما يحمى

واشكرك شكرا جزيييييييلا على سعة صدرك

وجزاك الله خير