بلف حرارة كابريس 2006

[rashed2]

هل لو نزعت بلف كوع حرارة هل في فائدة او مشكلة

[tf11]

بلف الحراره مهم للحفاظ على درجة حرارة المحرك بمعدل معين
ومافيه اي فايده من نزع البلف .. لكن البلف يحتاج تغيير اذا ماكان يفتح ويسكر بصوره طبيعيه

[صريح المقال]

السلام عليكم ورحمة الله وبركاته :)

البلف مهم جداً للمحافظة على حرارة المكينة وموية اللديتر على حدٍ سواء .

عند إزالته يصير الماء يدور بإستمرار وهذا خطأ وإذا بغيت تفصيل أكثر ابحث عن مشاكل نزع أو إزالة بلف الحرارة لأني مانيب خبير لكني مطلع وأقرأ ولا أستطيع شرح السلبيات بشكل واضح واعذرني اخوي :)

لكن تستطيع مثل ما تفضل اخونا الي قبلي:

1- تغير البلف إذا فيه مشكلة وما يفتح ويسكر بشكل صحيح .

2- تغير البلف لواحد يفتح على حرارة أقل (بعضهم يسميه بلف رياضي) وهذا ميزته يفتح على حرارة أقل من المفروض أو من حق البلد ويركبونه الي يعدلون على مواترهم أو حقين التطعيس أو المقاوم أو أو ... إلخ :)

بالنسبة لي ناوي أركب واحد ان شاء الله بالصيف لأن درجات الحرارة في منطقتنا تصل لمستويات عالية قد تضر بالموتر ولا يستطيع المحافظة على حرارة المكينة (وهذا سبب خراب ثلاجات الأمريكي بكثرة خصوصاً في وسط نجد حيث الحرارة الشديدة) .
وهذه وجهة نظر قد تحتمل الخطأ قبل الصواب وأنا ما أنصح لكني أعلمك وش ناوي أسوي بإذن الله :)
(مع العلم ان موتري أمريكي ولكن مهوب كابرس)

وإذا كانت مشكلتك مع الحرارة فابحث عن حلول كثيره لا تشتمل على إزالة البلف وأولها تنظيف وتصييخ اللديتر ووضع ماء مناسب والتشييك على الليات والثلاجة، وقد يكون لها برمجه لضبط البلف أو تغيير سرعة المراوح أذكر أخوي سوا فيها زي كذا :)


أخوي كان معه كابرس 2006 جابت له المرض ما خلى شي ما سواه عشان الحرارة بالصيف مافيه فايدة يوم مضبوطة ومن بكرة تفور معه على الخط وهو ماشي أو واقف ما يفرق معها وأخشى ان تكون عين لأنها كلفته آلآف الريالات من دون فائدة بالأخير باعها :)

الله يسهل أمورك ويبارك لك في حلالك ومالك .

هذا مالدي فإن أصبت فمن الله وحده، وإن أخطأت فمن نفسي والشيطان .

والسلام عليكم ورحمة الله .