فشق بيبي b&P 36/6

[ابو وغش]

بسم الله الرحمن الرحيم


b&p فشق اول مرة يمر علي وصناعته ايطالي وصراحة شكله حلو وبصراحة متخوف منه لان بعض الشباب يقول صار مضروب جاه ما جا الكاكا وRC و ناس تقول لا اصلي والي جربه تكفون يعلمني رايه فيه وبالذات في الطيار
وهل هو احسن من الفكتوري هاي سبيد في الطيار والسلام

[غريب أطباع]

بالنسبه لي جربته على السوبر بنلي رقبه باكستانيه على بطوط بارتفاع مناسب ما اعجبني رميه الارسي الاسود افضل منه بكثير

[albikal]

اغـلب فشق البي بي مضروب ’كونوا على حذر منه

[ابو وغش]

بس غريب في ناس يمدحونه

[الشمالي 555]

اقول خذه وماجاك عندي انا مالي اسبوع مجربه والله العظيم سم على الطير يعني موت على طول بس بالطيار يبي له رجال يرمي لأنه يضم بالحيل ويسوق سوق ماهو طبيعي

[albikal]

اقول خذه وماجاك عندي انا مالي اسبوع مجربه
والله العظيم سم على الطير يعني موت على طول بس بالطيار يبي له رجال يرمي
لأنه يضم بالحيل ويسوق سوق ماهو طبيعي

كيف تنصح الرجال وانت ماشفت اللي هو بياخذه؟

[مدمن مررقوق]

انا مجربة مع الارسي الاسود وطلع احر منه !
وفية تجربة بالصور في هالموضوع

http://www.mekshat.com/vb/showthread.php?t=534913&page=2


لكن وش رايكم بالرمنقتون 6 / 36 اطيب من ال b&p ؟ ولا مغشوش

[المتلولس]

انا اخذت صندوق الفشق ممتاز وراكد

[v506]

ممتاز وله 6 شهور او اكثر متوفر بكثره ويمتاز بالشمبر البلاستيكي خلف الفشق وممتاز جدا

[ابو وغش]

انا عن نفسي قلت انه مهوب مضروب لانه صعب فيه حلقة حول القمع صعب ينضرب يعني شغل متعوب عليه بس في ناس محترفة في الغش والله يستر من البضاعة المغشوشة وياربع نبي مشاركات زيادة ولاحظت تناقض 50%تمدح 50%تذم والله ما عرفنا

[عبدالسلام1900]

اخذت منه كرتونين وتحسفت للاسف بارد مرره
انصحك بالارسب وبس

[جارنشيا]

ياغالي نصيحه اخ
اسألني انا
اقسم بالله ان الرجال لهم شهر واكثر يبحثون عن فشق البي اند بي
هالفشق دخل من بعد عيد رمضان للسعوديه بكميات محدوده وكان اغلب الناس متخوفه منه
بسبب عدم معرفتهم بهالزائر الغريب
وبما انا ثقافتنا محدوده في مجال الصيد لانعلم بأن شركة بي اند بي من اقدم واعرق شركات
تصنيع فشق الصيد في العالم والتاريخ يشهد وابحثوا عن هالاسم وتجدون مايبرهن صحة كلامي
المهم في بداية دخوله للسوق تخوف الكثيرين وغامر البعض بشراءه وبعد فتره قصيره انقطع
ولازال الكثير من الشباب يبحثون عنه حتى تاريخ هذا اليوم . والبعض نادم على تفريطه
في فرصة امتلاك اكبر قدر ممكن من احتياجه .
اول فشق ايطالي يمر علي فيه فخامه ودقه بالتصنيع وابداع وشي متعوب عليه . (vip)
وانا على بالي شي جديد ولكن بالبحث عنه اكتشفت ان حنا يالشعب ( السعوديين )
جديدين عليه . هههههههههههههه
فشق ايطالي اصل ومنشاء ويستحق الاقتناء وعلى فكره ترى اسمه ( بشكيري ) .

[بيكال الوشم]

انا اتعجب من اللي يقول مظروب و لا ماهوب صلف ولا بارد يا جماعه انتم من جدكم تتكلمون ؟؟؟
انا رميت به طيار دسته و نص قسم بالله صدع راسي من صوته
و صراحة للواقع مثل ماقال احد الأخوان سم على الطير
لكن للطيار صعب صعب جداً ما ادري السبب لأنه يظم بقوه و يسوق و يفرش فرش للحلبي غير المعتاد
او ان السبب ندفته ( رجف البندق للرماي ) قوية بالحيل لأنه بصراحة يرجف رجف مهب طبيعي يا عيال

[عقاب11]

ياغالي نصيحه اخ
اسألني انا
اقسم بالله ان الرجال لهم شهر واكثر يبحثون عن فشق البي اند بي
هالفشق دخل من بعد عيد رمضان للسعوديه بكميات محدوده وكان اغلب الناس متخوفه منه
بسبب عدم معرفتهم بهالزائر الغريب
وبما انا ثقافتنا محدوده في مجال الصيد لانعلم بأن شركة بي اند بي من اقدم واعرق شركات
تصنيع فشق الصيد في العالم والتاريخ يشهد وابحثوا عن هالاسم وتجدون مايبرهن صحة كلامي
المهم في بداية دخوله للسوق تخوف الكثيرين وغامر البعض بشراءه وبعد فتره قصيره انقطع
ولازال الكثير من الشباب يبحثون عنه حتى تاريخ هذا اليوم . والبعض نادم على تفريطه
في فرصة امتلاك اكبر قدر ممكن من احتياجه .
اول فشق ايطالي يمر علي فيه فخامه ودقه بالتصنيع وابداع وشي متعوب عليه . (vip)
وانا على بالي شي جديد ولكن بالبحث عنه اكتشفت ان حنا يالشعب ( السعوديين )
جديدين عليه . هههههههههههههه
فشق ايطالي اصل ومنشاء ويستحق الاقتناء وعلى فكره ترى اسمه ( بشكيري ) .
الله يزاك خير حنا نشري ذهب مانشري فشق وبطرق ملتوية ما نأخذ من المصدر وتبي عندنا ثقافة25 خرطوشة ب 40 دولار وهي من شركاتها الام بدول الخليج 6 دولار ثقافتنا مكسورة ((واجد الي فاغر فاه على الشعب السعودي))

[الشمالي 555]

اخذت منه كرتونين وتحسفت للاسف بارد مرره
انصحك بالارسب وبس
ماعليش مع احترامي لك ممكن انك ماعرفت له بالطيار او مرماه لكن بارد اخالفك الرأي إلا في حالة وحده كانه مغشوش ولا بنظرتي انا إذا هو الأصلي بالنسبة لي أحر فشق مر علي إلى الآن . وتقبل مروري

[قلم5]

من جرب الونشسترx3 عيار12
7.5/32

[ابو وغش]

والله صادقتو ياربع فشق قوي وبخصوص سوال قلم5 الفشق هذا مجرب للطيار ما شاء الله عليه في القوقسي والسوادي والسوداي من قريب

[راعي الشبب511]

الفشق معروف من زمان لاكن مقطوع له سنين والي موجود بالسوق
ما اضن فيه مضروب والله اعلم
وصراحه فشق طيب
والسنه هذي سنة البي بي والرمنقتن

[ابو وغش]

ما قصرتو ياربع بس الرمنغتون الجديد الاخضر كيف وقعه في الطيار والواقع