الفوارق الجوهرية بين الددسن الخليجي والسعودي

[شهم1111111111]

السلام عليكم ماهي الفوارق الجوهرية بين الددسن السعودي والخليجي ياأهل الدراية والخبرة والمعرفة أريد فقط من أهل الخبرة والدراية التعليق على هذا الموضوع كي أستفيد ويستفيد الجميع كمستهلكين لأن هناك فرق في السعر كبير بين الددسن الخليجي والسعودي... أرجو الإجابة على الأسئلة التالية وبالترتيب
أقصد مايلي:
1-هل هناك فرق في القير؟
2-هل هناك فرق في حجم المكينة؟
3- هل هناك فرق في الدفرنس؟
4- هل هناك فرق في نظام حقن الوقود؟
5- هل هناك فرق في دائرة تبريد المحرك؟
ممكن فرق طرنبة الماء- ممكن فرق في الراديتور - ممكن في الثرموستات(الكوع)- لا أعلم ولكن لماذا السعودي يوجد به مروحة تبريد كهربائية مع المكيف
6-هل هناك فرق الهورس باور؟
ملاحظة:
أنا لا أعتبر التمثال فرق أو الخطوط أو لون السيارة من الداخل فهذه أشياء جانبية ولا اعتقد انها تفرق في السعر

[م ح م د 17]

اللي سمعت عنه كثيير ان الددسن المكسيكي صوته أخف و يوصل 200 في السرعه
و التايلندي صوته مزعج و لا يوصل 200 .. و الله اعلم . هذي قرايها من هالمنتدى

[SMRAN]

اول مره اسمع إنه فيه مكسيكي .. على ماأظن كلام في كلام من عام 2010 وكله تايلندي الددسن والنفارا...

[خبايا انسان]

خذ العلم مني ,,, انا شريت لي ددسن 2009 على ايامه سعودي ,, وبيني وبينك ندمت اني شريت سعودي لان الخليجي فيه مواصفات بنظري انها افظل ,, وبعطيك الفوراق بينهم ,,

السعودي سعره في البيع والشراء اغلى من الخليجي

السعودي يجيه فيه مروحه مكيف امام الاديتر وبالضبط خلف الصدام الامامي بينما الخليجي ماتجي مروحه مكيف

السعودي اكسسواراته كامله اما الخليجي ينقصه بعض الاكسسوارات وحتى لو اخذت الجي ال فان الخليجي بيجيك ناقص فرشات ارضية وناقص مساكات يد الي ف التنده ويجيك مراياته عاديه وليست كهرب

--------------------

جميع ماسبق يدل على ان السعودي افضل ولكن الفرق الجوهري بالاسفل ....


السعودي الكارونه حقته احشر من الخليجي

نمر القير ف السعودي سريعه وبينما الخليجي ممتازة النمر في نظري وتجربتي

السعودي عند ال 120 وفي النمره الخامسه تسمع صوت حنه ف المكينه !! لدرجه انك تفكر ان فيه نمره سادس ولازم تعشق << الفايده هنا انه يعطيك فزه ف القومه ولكن ماهي ذيك الفزه الي بتخليك تلاحظ فرق بين السعودي والخليجي

بينما الخليجي ف الخامس عند ال 120 مرتاح تماما وحنة عاديه مو مثل الخليجي ,,,


السعودي ف الرابع يقطع على 165 ,, بينما الخليجي ف الرابع يجيب ال 200 والخامس يرتاح الموتر



السعودي يفصل على 170 تقريبا اما الخليجي مايفصل ,,


الفرق الجوهري ف الكارونه ,, والله اعلم

[م ح م د 17]

^^ وش سالفة التنده ممكن توضح ؟ هي فتحت السقف يعني ؟ و على ددسن ؟
سقف الددسن لو طلع فوقه ورع خفس . اتمنى توضيح هالنقطه بصورة . لأني من يوم اعرف الددسن و السقف ضعيف .

[على رمشي تمشي]

^^ وش سالفة التنده ممكن توضح ؟ هي فتحت السقف يعني ؟ و على ددسن ؟
سقف الددسن لو طلع فوقه ورع خفس . اتمنى توضيح هالنقطه بصورة . لأني من يوم اعرف الددسن و السقف ضعيف .

قصده قضابات اليد إلى بالتنده من داخل الموتر ماهو إلى برا - ماقصر خبايا انسان وانا والله ماعندي خبره به - موفقين

[خبايا انسان]

ايه نعم قصدي مساكات اليد

[شهم1111111111]

والله شرينا خليجي مكسيكي ...قزازكهرب 2013 ومثل مال قال أخونا خبايا إنسان مافيه فرش أرضية ولا مروحة تبريد كهربا
أيضا ً السيارة مكتوب عليها صناعة مكسيكية
لكن انا خبرتي في الددسن عام 1992 والله إنها احسن من سيارتي....هذي تناقز مهي بعيد عن الهايلكس في المناقز وبعدين صوت المكينة قوي خاصةً جهة اليمين وانا ماعديتها 120 كلم واسمع الصوت قوي
أيام الددسن ال92 وإلى الآن عندي مافيها هالصوت ولاتناقز
وش رايكم

[شهم1111111111]

أيضاً لا يوجد فيها إيرباق ولا حتى للسائق
لودريت مافيها إيرباق كان ماشريتها
لني أذكر واحد من إخوياي كان عنده ددسن سعودي98 وفيها إيرباق
أنا خبرتي كلها في الأمريكي وماأستخدمت الا أمريكي والددسن 92 حقت الوالد

[شهم1111111111]

اللي لفت انتباهي يوم فتحت الكبوت وقمت أتأمل شريتي شيء غريب وهو قربة الماء حقت المساحات موجودة قدام الرديتر على الرغم من كبر المساحة فاضية قريب من المساحات
أيضاً خزان الفريون قدام والله احس إنها صناعة أمريكية ماهي يابانية وكلنا عارفين ان المكسيك هي بنت أمريكة

[أبوسعد111]

بارك الله فيك على الإفادة

[الحربي01]

الددسن التيلندي هو الخليجي يجيك مسكت الباب حقته كامله سوداء ابعد عنه هو اللي في حنى في المكينه وحشر بالقيير ومافي مروحه اماميه ويفصل حتى لو فصلت عداد الكيلو برضو فصل 175

[ابراهيم 2003]

السلام عليكم ورحمه الله وبركاته
عندي ددسن موديل 2010 خليجي تايلندي صناعته يجي فيه حنه وعندي ددسن موديل 2009 يباني اصلي مافيه حنه ويقاوم كل الددسن الى فيهاا حنه

[اليامي قطر]

متااااااااابع

[ابوصالح3]

السلام عليكم عندي ددسن 2014 مكسيكي فل كامل والله انها مامشت 10 الاف لهالحين

الديكور حق المكيف طاح والقربة حقت ماء المساحات انشقت والله يستر من تواليها

ولاعاد فيه صناعة يابانية ابد ابد كلها مكسيكي وتايلندي

[اليامي قطر]

شباب بسألكم بخصوص الهلي هل هي يابانيه الى اخر موديل ؟؟

[الشرقيه 03]

لا من بعد 2005 كلها تايلندي

[المنيعي1]

انا جربت السعودي 2005 و2009و2014
والخليجي 2012
كلها حاشره وبه حنه
ولو احصل الي يقولون كرونته كبيره ومريحه اخذته بس من يدلنا عليه بحثت بالمعارض يقولون كله واحد