العسه ايام بيوت الطين - والبقر في الشوارع تندح

[سحاب نجد راعي شقراء]

السلام عليكم ورحمه الله وبركاته

هذي سالفه في حي الدويخل يالي تعرفون الدويخل وهذا حي من احياء شقراء القديمه

تدرون ان رياضه التزلج على الارض رياضه شقراويه من سنه بقر عبد جعله للجنه ووالدينا والمسلمين اجمعين وعبد هذا واحد من اهل شقراء كان يربي بقر واجد قولو وشلون اقول لكم

اجي ومعي اثنين بعد مهوب لحالي ونلقا البقر مربظات ونجيهن مع ورا ونلحقهن ونتمسك في اذنابهن ويجرنا على الارض انتم خابرين السكيك منول في بيوت الطين كل شوي يجي سكه معترظه واحد من الي معي وهو متمسك في ذنب البقره وتسحبه وتجي سكه وتلف البقره على سرعتها وفيه باب ناسن مطرف يويقون علينا ولا يرده الا وسط البيت مع اللفه دفر الباب عليهم لانه انطلق من ذنب البقره وهي مسرعه وجاه طق جاه طق بجميع الاواني المنزليه ولا نسمع الا اهل الدار يقولون ياها الي ما تستحي على وجهك تدخل في دارنا انت وعصاقيلك الي كنهن محاريث رماد يا ولد فلانه هههههههه يعيرون امه طيب وش دخل امه تعيرونها هههههههههههه طلع علينا بشكل ثاني هههههههههه ما طلع هو بنفسه لا نطلوه اهل الدار نطل في السوق هههههههههه ايه وش عليهم فلا ليح هههههههههه وجميع انواع الخرايط في وجهه هههههههه وفيه عرجه تعوره رجله مدري وش الي ظاربها ومفلوق مع راسه والدم يظرب ظرب ورحمته امهم قالت انثبر فيذا اجيب شين يوقف الدم وتروح وتجيب ورق شاهي يعني شاهي فت وتقوم وتذره على الجرح او الفلقه وياقف الدم لان الا ولين الا انفلق الواحد وصار الدم يصب حطو عليه ورق شاهي وياقف سبحان الله العظيم وبس

وعلى طاري السكيك والبقر ايام بيوت الطين ابا اعلمكم بسالفه ايام الشباب اذكر مره رحت من عند سوق شقراء القديم وسمه حليوه اثر فيه العسه الي يحرسون الدكاكين منول ويوم شافوني وهم ينطلقون على ركض وش انت ياولد وش انت ياولد ونحاش عنهم ويلحقوني ونا عاد معصقل وفيني سرعه ماتنوصف يازين الشباب وبس ههههههههههه وهلحين يالله اقوا امشي ايه على قوله المثل ان خلاك الموت ما خلاك الكبر المهم وروح مع السكيك بين بيوت الطين وذا الكلام قبل لا يجي الكهرب وركض والدنيا ضلمى ماتشوف يدك مغير حاط يديني قدامي ونا اركض اخاف اخبط في جدار ولا ادمي ولا شي وروح مع سكه اسمها سبع الملاف لان فيها سبع لفات وقريبات مع بعض وركض ياجماعه ونا مدري وش الي قدامي الدنيا خرمسه يعني ضلمى ونا على سرعتي ولا دريت الا ونا على بطني طحت في بقره رابضه وطيح في الثانيه وتكرفس يعني وطيح والعسه وراي وحسهم يقولون وشذا البليه الي طحنا فيه وشوا ويفكني الله منهم كله من بركات ها البقر تصدقون ان راعي العسه مهبول تصدقون انه يحلت الواحد بالمشعاب الي معه ولو يجي في الراس ما بغى الرجال شي ويموت تصدقون بعد ان عندي مشعابين حقات راعي العسه الا لحقني وحلتني اخذتها ونحشت ههههههههههههههههه هذي من سواليفنا عن اول ويازين اول وبس

فيه واحد يقولي الناس تارث اراضي وتارث دراهم وبيوت ونا ابوي يوم مات موصيني على دهن احطه في سراج ابو دنان وفي جلاجل ههههههههههههههه

الله يوسع صدوركم بالعافيه يالغالين وهذا هو المطلوب

سبحان الله وبي حمده سبحان الله العظيم - عددخلقه وزنه عرشه ومداد كلماته

[سامرنجد]

فيه واحد يقولي الناس تارث اراضي وتارث دراهم وبيوت ونا ابوي يوم مات موصيني على دهن احطه في سراج ابو دنان وفي جلاجل ههههههههههههههه
__________________________

هههههههههههههه الله يبارك فيك بس سالفه الي جاهم مدرعم مع الباب قويه

وهذا الي موصيه ابوه هههههههههه عزالله ماورث غير الشقا

وسعت صدورنا وضحكت من قلبي وانا اتخيلك تجدع بالعسه

[سحاب نجد راعي شقراء]

فيه واحد يقولي الناس تارث اراضي وتارث دراهم وبيوت ونا ابوي يوم مات موصيني على دهن احطه في سراج ابو دنان وفي جلاجل ههههههههههههههه
__________________________

هههههههههههههه الله يبارك فيك بس سالفه الي جاهم مدرعم مع الباب قويه

وهذا الي موصيه ابوه هههههههههه عزالله ماورث غير الشقا

وسعت صدورنا وضحكت من قلبي وانا اتخيلك تجدع بالعسه


ياهلا ومرحبا ومسهلا

الله لا يلومه هو ويا دهنه السراج ههههههههههههههه

اما العسه منول هبال وبس ماعندهم اي تفاهم اذا ما وقفتا يلوحك بالمشعاب من بعيد ههههههههه

يازين منول بس يخوي لو مافيها الا راحه البال

شرفتني شرف الله مقدارك يالغالي

[بندر بن ناصر]

http://www.arabswell.com/vb/mwaextraedit6/extra/68.gif


-
-

-
-
-

[Al3rands]

هههههههههههه يازين ايام الشباب

[خوي مخباته]

اي والله الشباب زين ومافيها سؤال ,,,,,,,, شيخ / اخوي /الغالي ,,, سحاب نجد
يعطيك الف عافيه وماقصرت وقصص ترد الروح وتسلي الخاطر وعز الله عذروبك الوحيد
انك صادق وصافي النيه

جعلك تسلم ماقصرت ولا جا قصور . .

[وحيد قلاسكو]

الله يعطيك العافيه والصحه ............ويديم سوالفك الحلوة وكلك جميل ياجميل:D

[أبوفيصل 2007]

هههههههههههههههههههههه يا لبى سوالفيك انت رفيق سفر ولو لبغداد ههههههههههههههههه كلام جميل وسوالف مزكرتشه من ايام الطيبين الله يذكرهم بالخير
كن بخير دائماً

[راعي 505الدلة]

وعليكم السلام ورحمة الله وبركاته
لاهنت على هالسوالف الممتعه متعك الله بالعافيه
ويازين سوالف اول ..الله يعطيك الصحه والعافيه
تقديري

[حمد69]

وعليكم السلام ورحمة الله وبركاته
هلا والله براعي شقراء .. سوالفك فيها براءة وعفوية ويازينها ما تنمل وياسلام على أيام الشقاوة والمغامرات والشيطنة..
وترى لنا نفس القواسم المشتركة...وهذه لها دور في حياتنا من حيث الجرءة وعدم الخوف والتصرف في وقت الشدة حين يتطلب الأمر التصرف للخروج من مأزق او موقف خطير...
عندما كنتُ صغيراً في حدود 13 أو 14 سنة كان عندي سباحة سترة نجاة ولمن ينزل الوادي.. وعيدي إذا نزل في وقت الصبح، ألبس السترة واروح داخل الوادي بحيث يحملني في مجراه وانا طافي أكثر من كيلو ونص .. طبعا ماشي خوف من غرق أو جروح من اغصان الاشجار أو الأصتدام بشجر أو حجر..
يا زينها من ايام.. ليتها ترجع:(

[النبهاني]

عليكم السلام ورحمة الله وبركاته
ياهلا وغلا بسحاب
الله من اول العسه له قيمه على وقته
والعسكري له قيمه والمدرس له قيمه
وكلن له قيمه
وهالحين عسى الله يستر من تواليها
الله يعطيك العافيه يابو نوره

[SAS2]

هههههههههههه طلع علينا بشكل ثاني هههههههههه ما طلع هو بنفسه لا نطلوه اهل الدار نطل في السوق هههههههههه


يا حلوك وياحلو سوالفك يا سحاب والله يخلي هالاصيبع الي يكتب

ماشالله عليك ما تجلس في بيتكم ابد تسعسع بهالشوارع لين وقت العشاء

هههه وشكلك ان لقيت عشاء برا ما رجعت لبيتكم ابد

الله يخليك يا جدنا العزيز ويوسع صديرك بالعافية

[قوافي ( أم نهار )]

حياك ربي اخوي ابو نوره
الله يوسع صدرك بالعافيه
زين ان ماجاه إلا نطله برا البيت ما خبطوه بعجراء
العسه اللي يشوفون بالليل وانا صغيره كنت احسبهم جن
اشكرك اخوي على سوالفك المميزه والجميله بارك الله بك
تحياتي وتقديري واحترامي
اختك
..قوافي..

[سحاب نجد راعي شقراء]

http://www.arabswell.com/vb/mwaextraedit6/extra/68.gif


-
-

-
-
-

الله يبارك بعمرك يالغالي

[سحاب نجد راعي شقراء]

هههههههههههه يازين ايام الشباب

اي والله يازينها وياشين الكبر بعد

[سحاب نجد راعي شقراء]

اي والله الشباب زين ومافيها سؤال ,,,,,,,, شيخ / اخوي /الغالي ,,, سحاب نجد
يعطيك الف عافيه وماقصرت وقصص ترد الروح وتسلي الخاطر وعز الله عذروبك الوحيد
انك صادق وصافي النيه

جعلك تسلم ماقصرت ولا جا قصور . .

والله شهادتك لي فخر لي يالغالي الله يحفظك

[سحاب نجد راعي شقراء]

الله يعطيك العافيه والصحه ............ويديم سوالفك الحلوة وكلك جميل ياجميل:D

الله يحفظك يالغالي من كل شر

[سحاب نجد راعي شقراء]

هههههههههههههههههههههه يا لبى سوالفيك انت رفيق سفر ولو لبغداد ههههههههههههههههه كلام جميل وسوالف مزكرتشه من ايام الطيبين الله يذكرهم بالخير
كن بخير دائماً

ههههههههههههههه الا بغداد ما نبيها هههههههههههههههه دور ديره ثانيه وما يخالف القلب خضر هههههههههههههه

انت والله الي خوتك تنشرا الله يحفظك

[سحاب نجد راعي شقراء]

وعليكم السلام ورحمة الله وبركاته
لاهنت على هالسوالف الممتعه متعك الله بالعافيه
ويازين سوالف اول ..الله يعطيك الصحه والعافيه
تقديري


الله يعافي قلبك يالغالي من كل شر

والله انك صادق يازين اول كله مهوب سوالفه وبس يخوي فيذا الزمن كن الواحد عايش غريب اي والله وين اول وين هلحين فرق السماء عن الارض

الله يحفظك ويوفقك

[ذائع الصيت9]

هذا زمن الطبين

[سحاب نجد راعي شقراء]

وعليكم السلام ورحمة الله وبركاته
هلا والله براعي شقراء .. سوالفك فيها براءة وعفوية ويازينها ما تنمل وياسلام على أيام الشقاوة والمغامرات والشيطنة..
وترى لنا نفس القواسم المشتركة...وهذه لها دور في حياتنا من حيث الجرءة وعدم الخوف والتصرف في وقت الشدة حين يتطلب الأمر التصرف للخروج من مأزق او موقف خطير...
عندما كنتُ صغيراً في حدود 13 أو 14 سنة كان عندي سباحة سترة نجاة ولمن ينزل الوادي.. وعيدي إذا نزل في وقت الصبح، ألبس السترة واروح داخل الوادي بحيث يحملني في مجراه وانا طافي أكثر من كيلو ونص .. طبعا ماشي خوف من غرق أو جروح من اغصان الاشجار أو الأصتدام بشجر أو حجر..
يا زينها من ايام.. ليتها ترجع:(


والله انك صادق يالغالي في كلامك

يخوي وشلون كنا بزور منول ونطب في القلبان يعني الابار ونسبح فيها وكانو اهلنا يعتمدون علينا في شي واجد اذكر اهلي جعلهم للجنه وكل مسلم كان عندنا مزره وفيها اكثر من 600 نخله غير الرمان والترنج والليمون وكانو مخلين النخل علي في كل شي انا الي القح ونا الي اشوك ونا الي اركب العذوق ونا الي احصد وكان عندنا فوق ال 100 راس من الغنم ونا الي اعتني فيها وكان عمري 14 سنه بس وكل ها المسؤليه علي وشي عادي دور فيذا الوقت احد بها العمر يعتمد عليه الا من رحم ربي

الله يحفظك يالغالي من كل شر ويعطيك طوله العمر ان شاء الله تعالى

[سحاب نجد راعي شقراء]

عليكم السلام ورحمة الله وبركاته
ياهلا وغلا بسحاب
الله من اول العسه له قيمه على وقته
والعسكري له قيمه والمدرس له قيمه
وكلن له قيمه
وهالحين عسى الله يستر من تواليها
الله يعطيك العافيه يابو نوره


والله انك صادق منول كلن له هيبه وهلحين الله يدفع البلا حتا الابو ماله هيبه الله يكفينا شر هاالدنيا

[سحاب نجد راعي شقراء]

هههههههههههه طلع علينا بشكل ثاني هههههههههه ما طلع هو بنفسه لا نطلوه اهل الدار نطل في السوق هههههههههه


يا حلوك وياحلو سوالفك يا سحاب والله يخلي هالاصيبع الي يكتب

ماشالله عليك ما تجلس في بيتكم ابد تسعسع بهالشوارع لين وقت العشاء

هههه وشكلك ان لقيت عشاء برا ما رجعت لبيتكم ابد

الله يخليك يا جدنا العزيز ويوسع صديرك بالعافية

ههههههههههههه ذكرتني بصبعي ونا اقول ناسيه ههههههههههههههه والله العظيم اني الا هلحين انقر بصبع مثل ماتنقر الدجاجه هههههههههههههه يخوي عجزت اكتب بصابعي كلهن حاولت بس يطلع كلامي بالصيني حتا انا ما اعرف اقراه ههههههههه

الله يحفظك يالغالي

[سحاب نجد راعي شقراء]

حياك ربي اخوي ابو نوره
الله يوسع صدرك بالعافيه
زين ان ماجاه إلا نطله برا البيت ما خبطوه بعجراء
العسه اللي يشوفون بالليل وانا صغيره كنت احسبهم جن
اشكرك اخوي على سوالفك المميزه والجميله بارك الله بك
تحياتي وتقديري واحترامي
اختك
..قوافي..



ههههههههههههههه يكفيه ماجاه وبعدين مشعاب العسه عندي اثنين منهن هههههههههههههههه محتفض فيهن ذكرا قشرا هههههههههههه

الله يحفظك من كل شر يالغاليه

[مطارد مطر]

الله يعطيك العافية
ونفذ الوصية


هههههههه

[حصريا001]

هههههههههههه
ذكريات الطفولة لها طعم خاص بكل مواقفها
واعتقد كان كل واحد منكم في اخر الليل قبل لاينام كان ينقش الشوك من رجوالة من كثر التزلج على الارض

واحسن رياضة لي في الصغر كانت التزلج في اماكن تجمع الامطار في الروض .... وياهي ذكريات في انواع السقوط
ههههههههه

[سحاب نجد راعي شقراء]

هههههههههههه
ذكريات الطفولة لها طعم خاص بكل مواقفها
واعتقد كان كل واحد منكم في اخر الليل قبل لاينام كان ينقش الشوك من رجوالة من كثر التزلج على الارض

واحسن رياضة لي في الصغر كانت التزلج في اماكن تجمع الامطار في الروض .... وياهي ذكريات في انواع السقوط
ههههههههه


شرفتني شرف الله قدرك ومقدارك