رايــكــم بالاتــيــمــا 2013

[شراع]

السلام عليكم ورحمة الله وبركاته



ابي رايكم يااخوان بالاتيما 2013 لاني ناوي اخذ لي موتر

ووش الافضل .. كامري ولا ابتيما ولا التيما

ووتوقعون اول دفعه بيكون فيها مشاكل .. وهل بتنزل التيما قير عادي ..؟

لاني سالت بفرع العيسى الي بالوشم قال ماهي نازله ابد !!

والي يعرف موقع فرع العيسى نيسان الرئيسي يفيدنا

[مطر وربيع]

التيما الشكل الجديد ماينزل قير عادي ابد
وانصحك بفل كامل 6 او 4 سلندر لان الي اقل منها مشلح مواصفاتها

[كاريرا]

مالك ومال وجع الراس كلها سنتين وتبدا خرابات وقطع غيار غالي وغير متوفر

انصحك بالتويوتا صبور وماسك السعر ومايتعطل ولا يغدربك بالخطوط الطويلة النسيان حساس مصنوع لاوربا

شف اغلب السيارات تويوتا قليل اشوف ناس معهم مكسيما او التيما

راحت ايام النسيان من عام 1997 وراحو الطيبين

[شراع]

بس الكامري قالوا ان الامان فيها معدوووم

[باترول 88]

الاتيما الجديده الصرااحه خيياال تفوقت على جميع فئاتها واخذت افضل سياره من ناحيه الامان
قبل فتره بسيطه سوو لها افتتاح بوكاله العيسى الي بالدائري مخرج 4 وصار في احتفال وبوفيه مفتوح وهدايه قيمه
الصراحه كان الافتتاح روعه
وايضا عرضوا مواصفات الاتيما واخذت جوائز كثير في معرض دولي في اوروبا ويبدا سعرها السياحي من 82 الف ومصافتها حلوه تحي بصمه وتشتغل بزر ومانع انزلاق وابي اس وسيدي ومواصفات اخرى ما اذكرها
ولاكن الي يخوفك انها اول دفعه يعني ما قد احد جربها

الكامري هج عنها سعرها سياحي جدا مافيها اي مواصفه ابدا مكيف وقير ومكينه 76 الف
واخر ضحيه ولد عمي طلع اوريون فل كامل وبعد مامشت 4 الاف انفك عليه ركبه الكفر الامامي وضرب ماصووره والحمد لله افي اصابات وعوضوه الاوكاله بالمبلغ كاش

بالمسبه للكوري الصراح من عام 2011 وهو مكتسح السوق ومبدع
سعرها مناسب وقطعها رخيصه ومتوفره وايضا عمليه
السوناتا والابتيما نص فل فتحه بانوراميه abs وحساسات وست تعشيقات ومصوافات كثيره وسعرها 84 الف

ولكحريه الاختيار

[كاريرا]

اذا خايف من الموت بيجيك وانت بفراشك

بلا امان بلا هم توكل على الله واترك الكماليات

على كذا يبيلك ارباق علاقي وانت وسط بيتكم

[باترول 88]

هههههههههههه
ونعم بالله
اجل ابنط من فوق بيتنا واتوكل على الله
يجب علينا اولا التوكل على الله ثم فعل الاسباب

[شراع]

لاهنتوا ويعطيكم العافيه

الي يقول تخاف من الموت ومادري وش

نتوكل على الله والواحد لازم يفعل بالاسباب الله يصلحك

[كاريرا]

لاتنط وتقول ماراح اموت اكيد نطقك سبب موتك

اانا اتكلم عن وسائل السلامة اللي يعيبون فيها تويوتا

يعني محد مات من اللي معهم مرسيدس او بي ام وهن افضل امان بالعالم

بيقول واحد كلهن اريباقات طيب فيه عرق وانفضخ ومات وش دخل الاريبقات

شف اختبار تصادم السيارات ياليوتويب تدري ان تويوتا افضل امان من السيارات الامريكية

[شراع]

يعني انا اطلع كلام من راسي كذا

http://www.youtube.com/watch?v=uVLENd3g13w

شف المقطع الله يحفظك وناظر الارباق كيف طلع

[على رمشي تمشي]

والله اشوفه بالمعارض الجديده تغيرت بالحيل وصارت جميله - افكر اخذ لي وحده ان ربك يسره ان شاء الله

[azd]

فى سياره ما ذكرتوه
انا جربت التيما وكامرى وهوندا اكود
افضل شى الهوندا ثم الكامرى ثم التيما

[abahal]

مالك ومال وجع الراس كلها سنتين وتبدا خرابات وقطع غيار غالي وغير متوفر

انصحك بالتويوتا صبور وماسك السعر ومايتعطل ولا يغدربك بالخطوط الطويلة النسيان حساس مصنوع لاوربا

شف اغلب السيارات تويوتا قليل اشوف ناس معهم مكسيما او التيما

راحت ايام النسيان من عام 1997 وراحو الطيبين


استغفر الله العظيم كلامك فيه ادعاء بعلم الغيب ؟؟ الموتر جديد ولا مشى فتره طويله عشان تحكم

عموما انا كان معي 2005 واغلب اوقاتي سفرات ومسافات طويله وخارج السعوديه والحمدلله ماعمره تعطل معي ولا غدر بي مع اني ادعس كثير

[بدر00]

تبي النصحية الممتازة لاتبعد عن الاكورد شكل ممتاز واقتصادي واقل خرابات من جميع السيارات مثل الالتيما والكامري والابتيما واول شئ الاستخارة وانا خوك
وامنيتي لك ان الله يرزق بموتر يسر خاطرك

ودمت بود

[turkiq]

نيسان ابدعت في الالتيما الجديدة بكل تفاصيلها
عني لو بشتري سيارة متوسطة خياري الاول بيكون الالتيما الجديدة
4 سليندر تحت الفل اشوف سعرها مناسب جدا مقابل مواصفاتها

ومدام الشباب جابو طاري الكامري انصحك تهج عنها .. اللي جرب الموديلات السابقة من كامري
يعرف انها من ردئ لأردى والمشكلة انها اغلى من غيرها .. ما تدري على ايش !!!

[كاريرا]

مو علم غيب هذي فرضيات ودراسات مع الاثباتات

شف اغلب الشريطية وين تلقاهم وشف اغلب السيارات بالخط

يعني الناس كلهم غلط وانت صح الله يهديك

صحيح من قال ان الاكيورد افضل من الكامري والالتيما

لانها ياباني ميه ميه وحاليا امريكية وهي افضل سياراة من حيث التحمل والمكدة والشكل والامان وغيرها

يعيبها ان قطع الغيار بعضها غالي جدا وبرضو غير متوفر بكثرة مثل التويوتا

والسبب الوكيل النايم لو كانو شاطرين مثل تويوتا كان شفنا الميستوبيشي كافضل سيارات العالم من حيث الصبر والتماسك

[قرم التميمي]

ابعد كل البعد عن الكامري

[أبوأسامه...]

عزيزي الكامري يقولون زينه بس هل انت تحب الورش


أو البنشري صديق عبي زيت نص علبه انا أجي من الرياض


يأخي كلن على هواه وكلنيمد رجليه على قد حافه


أما بالنسبه لي جربت الكامري 2007وكاله مطلعها اصفار الي مع أخوي

بعدها حرمت اني اشري من شركة تويوتا


وأخوي الينكل ماجا طاري السياره قــال (( انا ضلمت نفسي ثلاث سنين حفضت الورش والكهربائيين ))

والحين معه إدج له سنتين شاريه مستعمل ما دخل الورشه ابد حتى الفحمات ماغيرها من شراه


اخوي ولك حريت الاختيار وانتظر قليل من الوقت وسأل عن احد استخدمها لو تلقا احد ماشي عليها 30000 تكفيك بالتجربه


اما بالنسبه لي لو اخترت من بين الكامري والصينيه اخذت الصينيه

[abahal]

مو علم غيب هذي فرضيات ودراسات مع الاثباتات

شف اغلب الشريطية وين تلقاهم وشف اغلب السيارات بالخط

يعني الناس كلهم غلط وانت صح الله يهديك

صحيح من قال ان الاكيورد افضل من الكامري والالتيما

لانها ياباني ميه ميه وحاليا امريكية وهي افضل سياراة من حيث التحمل والمكدة والشكل والامان وغيرها

يعيبها ان قطع الغيار بعضها غالي جدا وبرضو غير متوفر بكثرة مثل التويوتا

والسبب الوكيل النايم لو كانو شاطرين مثل تويوتا كان شفنا الميستوبيشي كافضل سيارات العالم من حيث الصبر والتماسك

هل هناك شي دراسات وفراضيات واثباتات مستقبليه بدون علم الغيب ؟؟ هي السياره تغيرت بالكامل كيف ثبتت الدراسات ؟؟

ياخي انا حشرتك وتورطت والمشكله التصريفه هي نفسها تحت مسمى علم الغيب دراسات مستقبليه حكمت انها سنتين وتخرب وووالخ

واما بالنسبه للاكورد انت قلتها كانت ياباني وصارت امريكي يعني اقل جوده

[كاريرا]

يأخي كلن على هواه وكلنيمد رجليه على قد حافه


قصدك كلن ينام ع جنبه اللي يريحههههههههههههه

تيب اخوي a b a h a l

افتح نفس الموضوع بموقع تويوتا العربية او نسيان وهناك النقاش من اهل التجربة

ماذكر احد من ربعي شرا مكسيما او التيما الا وباعها بعد سنه

ومانجح غير السفاري

واكثر اللي اعرفهم معهم كامري صارلها اكثر من خمس سنين

واحد من الشباب فاك كامري 98 فل كامل باعها قبل سنه ب45000 نظيفة ميه ميه

جبلي ماكسيما نفس الموديل ونفس النظافة بالسعر هذا

الله عرفناه بالعقل ماشفناه


واما بالنسبه للاكورد انت قلتها كانت ياباني وصارت امريكي يعني اقل جوده

هذي مدري كيف يتقبلها العقل مايصير صناعة امريكية مشكوك فيها

اساسا مواصفاتهم متشدده مثل الالماني والايطالي والياباني يعني الجودة ثابتة