عندي مشكله يالنشاما وان شالله لها حل عندكم (فضاوه بالدركسون)

[الوكر2888]

السلام وعليكم


معي جيب ربع 2008 فيه فضاوه بالدركسون تخلي الموتر يلعب فيه الهواء شوي يمين ويسار


وش علاجها يجماعه

يااليت تشوفون لي حل او احد فنان يضبطها لي

[الوكر2888]

وينكم يامهنددسين مكشات

[sgl2002]

هذي والله واعلم

اما من الاذرعه وتقدر تشيك عليها عند اي ميزان ويسوي كبس

او مشكله بالدودة وتشيك عليها عند محلات الهيدروليك مثل الطائر اللي بالصناعيه القديمه

[الوكر2888]

شيكت عليه في ميزان البلاد وقال موترك مشالله جديد من تحت مافيه اي مشكله


بس يمكن مثل ماتفضلت من علبة الدركسون

وان شالله لي روحه للصناعيه القديمه اليوم

لكن سمعت ان فيه مسمار او ميزانيه للدوده ظنكم تنفع وتزول المشكله لو اشد عليها

[الوكر2888]

سبحان الله وبحمده

[ابوعبدالله 93]

دبل مساعد درقسون وتروح الرجه الفضاوه من الهوب شده وتروح الفضاوه

[ابوسند9]

اخوي تاكد من ذراع الدركسون الامامي لايكون فيه فضاوه ويحتاج كبس
لذا جرب الكفرات تكون عدال والسياره طافيه وبعدين لف الدركسون يمين يسار شي بسيط وعينك على الكفرات اذا شفت الطاره فيها فضاوه والكفرات ثابته فا المشكله من الذراع

[أبوأسامه...]

لا تشوف كفرات ولا شي



اسمع وركز معي انت تسوي الحركه هذي وبعدها تعرف وش مشكلت سيارتك


هز الدركسون وانت تحت عند الدواسات وانت تهز الدركسون شف العصا حقت الدركسون ان كان ما تحرك والدركسون تهزه ترا يبيله شد مثل القفيز من تحت الدركسون

وان كان تحرك افتح الكبوت وشف العصا الي تشبك بالدوده ان كان الصليب فيه فضاوه (لاعلم طريقت تصليحها)

وخل اي واحد يقعد يهز الدركسون



__((كانت بالفورد2007 مع اخووي وخلووه يغير الدوده اليمنيه ولا فيه نتيجا _ وجاني يتشكى وسويت نفس الطريقه ولقيت الي يشد الطاره مع عصا الدوده مرتخي بالحيل وشديته بمفك مقاس عشره