استفســــــــــــــــــار؟؟؟

[ريما القحطاني]

السلام عليكم

اخواني انا سجلت بالمنتدى لأحصل على الرأي السديد والأفضل ..
أرغب بشراء سيارة لوالدي حفظه الله ولا اريده ان يعلم بذلك وانا فتاة ليس لي خبرة بالسيارات ولكني اميل لشراء سيارة حوض لان والدي يفضلها ويستعملها حاليا(نيسان84) لكنها باتت قديمة لذا انا بحاحة لمساعدتكم ,,

أنا ساشتري موديل 2013 ددسن نيسان ابيض فما رأيكم ؟؟؟

لكن حاليا احترت بينها وبين الهايلكس والنافارا..:redcar:

الله يخيليكم لاتبخلون علي بردودكم ابيها تكون هدية ذوق وتجي على الي ببال ابوي بس كيف؟؟؟



مشكورين وجزاكم الله خير

[SGL]

الددسن والهايلكس كلهن مايحتاج بس النافرا خله يبعد عنه وذا الوالد يعتني باالسياره ياخذ ددسن وذا يدق سلف ومايعبر السياره ياخذ هايلكس بعدين الهايلكس قطعه متوفره لاكن الددسن متوفره لاكن بقله والسبب الحمراني ومثل ماقلت كلهن يكدون لاكن أسعارهن مدري عنها باالوقت الحالي

[ابوسند9]

حياك الله
والله يحفظ لك والدك
انا اقول ددسن افضل واريح من الهايلوكس ورارخص بواجد
تماتيك اريح له اذا كنتي تبغين غمارتين
او غماره
واذا كنتي بالرياض تقدرين تتصلين على معرض نجد وله اربع فروع واشوفهم الافضل من ناحية الاسعار
والله يكتب اللي فيه خير
ولو وضعتي موضوعك في خيمة السيارات وتجهيزاتها افضل لكثرت الرواد

[ريما القحطاني]

صباح الخير


مشكورين الله يجعلها في موازين حسناتكم ..

[م ح م د 17]

حجم مكينه الهيلكس 2700 و حجم مكينه الددسن 2400
كل السيارتين طيبه ماعليها كلام و شعبيتها معروفه في المملكة .
بالنسبه لي أفضل الددسن بدون سبب مقنع , أو لأني استخدمه

و الله يطول بعمره

[هايل العتيبي]

حياك الله اختي
انا افضل لو تسألين الوالد بالأول وش السياره الي تعجبه
يمكن تشترين سياره وبعدين ماتعجبه

[ريما القحطاني]

:(ما أقدر أسأله لأنه بيحلف ويكسحني وقد سألته بطريقة غير مباشرة وحاولت كذا مره لكن ماجاوبني ولما سألت أخوي(بدون مايحس اني ابي اشتري) قالي احلى شي ددسن فل كامل اللي تكون مراياتها الخارجيه تتصفط اوتوماتيك وتجي ريموت ..


اش هالمخلوقه وكيف هي ما أدري..

[x.ls1.x]

دام معه نيسان 84 الي هي ددسن خليه عليها بس نيسان ددسن 2013 ,, النيسان مايمله راعيه وهي الافضل له باغلب الضن لن بينهم عشره

[السرحان502]

الي يبيه اتوقع ددسن gl-e هو الي يجي مرايا كهرب

[hail_ksa]

توكلي على الله وخوذي له نيسان داتسون 2013
راحه ومراتب أفضل وبتكون مألوفه على الوالد عكس الهايلوكس اللي ماجربها ولو بيجربها ما أحتفظ بالددسن كل هالمده من 30 سنه ماشاء الله



والله يجزاك خير على برك في والديك

[ريما القحطاني]

صباح الخير

مشكورين جزاكم الله خير ماقصرتوا..

خلاص قررت واشتريت اليوم ددسن2013 وان شاء الله تعجب أبوي ..

[على رمشي تمشي]

ماشاء الله شريتي لوه ددسن - الله ينطيه من خيره ويكفيك شرهه

[ريما القحطاني]

صباح الخير

الحمدلله كما ينبغي لجلال وجهه وعظيم سلطانه قدمت السياره لأبوي البارح وأعجبته مررررره يقول والله انها اللي على بالي حسيت اني ملكت الدنيا يوم جت على نفس اللي يبي ..

الله يعطيكم العافية وان شاء الله انزل صورتها قريب ..

[بايسن حار]

طالما ان معاه ددسن الأن

فالأفضل له ددسن غمارتين فل كامل 2013
وصل الله وبارك

[ابو خالد 111]

الله يبارك فيك ويخليه لك ويطيل بعمره

والله يطعمه خيرها ويكفيه شرها

واهم شي البر بالوالدين وعساها بموازين حسناتك

[الفناتير]

الله يكتب أجرك

[مدهوش]

كفو يا بنت النشامى ومبروك عليكم السيارة وعز الله انك فعلتي الصواب وفي ميزان حسناتك ويبرونك عيالك بإذن الله .

[ابوميس الحلوه]

مبروك على الوالد السياره
وهنيئا له فيك
واسأل الله ان يريك مايسرك من ذريتك

ويارب تجعل ميس مثلك :)