فقط لملاك ستوقر 2000 وأهل الخبرة

[هيضة]

السلام عليكم ورحمة الله وبركاته

يسعد صباحكم / مساكم

اتمنى الجميع بصحه وعافية

اخواني اهل الخبرة واهل التجربة , اتمنى ماتبخلون علي بالنصيحة

ابي استفسر عن الستوقر 2000 , من حيث :

-التجربة بالمرمى.
- هل هي صبورة وتتحمل او دلوعه.
-ماهو الضغط المناسب للفشق الي ترميه فيها (يعني من كم لكم تتحمل).
-هل يوجد لها ترهيم (تشكات او مخزن للفشق) , او لا تحتاج للترهيم .
- حرارة صوابها(مقارنةً بالمواصير اليابنية) او اي مواصير ترهيم.

حبيت ان اضع الاستفسارات الي طرت على بالي والي عنده شيء زيادة لا يبخل علينا , والفائدة للجميع ان شاء الله

اتمنى عند كتابة الرد يوضح انه الرد مبني على تجربه , او وكالة انباء يقولون , او مالك لهذا السلاح

[العبوب]

وعليكم السلام


انا امتلك استوقر 2000 صراحه بندق ما يختلف عليها اثنين لها سنتين عندي ماشفت منها الا الطرب والوناسه من ناحية حرارة الرمي والسوق الطيب@@ بالنسبة للفشق انا رميت فيها الى ضغط (40)@@ يجي لهامخزن اضافي متوفر بالسوق بقيمة (500) نوع ممتاز لكن قبل تركب المخزن في حبه صغيرة في راس المخزن لازم تبردها حتي يركب المخزن@@ بالنسبة الى حرارة الرمي لاتسال طرب في طرب @@ بالنسبة هل يوجد لها ترهيم مواصير زي السوابر ماعندي خلفيه عن الترهيم بس من مواقع تجربه مايحتاج ولاتفكر بترهيم الماصوره


لكن اسمع عند بعض الناس يذكرون الحذفه يسار انا ماشفتها ولاهي عندي ولكن اتوقع سبب الحذفه تركب الصوره بشكل غير صحيح او شد التشك زياده عن اللازم @@ وسلامه الجميع

[قناص الأشهب]

أعطاك العلم السليم
وهذا رئيي عن تجربة

[v506]

- السعر( متوسط قيمتها 7800).
-التجربة بالمرمى.يقولون حاره
- هل هي صبورة وتتحمل او دلوعه.من جربها مدحها
-ماهو الضغط المناسب للفشق الي ترميه فيها (على حسب فيه ماقنوم وفيه سوبر ماقنوم).
-هل يوجد لها ترهيم (تشكات او مخزن للفشق) , او لا تحتاج للترهيم .يجي معه تشكات
- حرارة صوابها(مقارنةً بالمواصير اليابنية) او اي مواصير ترهيم.ممتااازه

[ابو خالد 1400]

نفس كلام العبوب وازيد عن تجربه نفس رمي بلاك ايقل ٢ رمينا بنفس الفشق انا تشك 685 وصاحبي رمى بماصوره مرهمه لاكن الصبر كل الناس تمدح البلاك ايقل ٢

[ابوليان 1]

رهمت عليها مخزن بنلي وصارت تلك بعد الطلقه الخامسة دورت شد بلدها مالقيت

[هيضة]

الله يعطيكم العافيه جميعكم كلن بنكه

وبنسبة لاخوي ابوليان 1 ,


اتمنى من الجميع المشاركة في ابداء رأيه ,
وياليت الي ماعنده شيء جديد يضيفه يكتفي بالقراءة مانبي يطول الموضوع بردود (فادوك الاخوان) وما شابهها

ياليت نرتقي شوي عن التفكير بعدد المشاركات

[ابوليان 1]

عيبها الوحيد الطيار يبغالك رمي دقيق او تأخذ سبعه ونص او تسعه ونص وسلامتك وانشالله أني افتدك

[أبوشهد الخثعمي]

ان شاء الله يفيدونك الشباب

[هيضة]

الله يعطيك العافيه ابو ليان كفيت و وفيت بيض الله وجهك

ياليت نسمع آراء البقيه الله يعطيكم العافيه

ابو شهد الخثعمي , لا تعليق صراحه ومشكلة منتديات مكشات بهالنوعية من الردود

[عاشق الوسم 30]

ياهلا باالغالي

انا عندي ستوقر 2000
لي شهرين شاريها
تطرب ماشالله

بس خفت من حاجه
رميت فيها ضغط 42 يطلع الصوت قوي
ماني مرتاح لضغط 42

والله يوفقك
ويفيدونا لاخوان

[تساهيل1]

ستوقر 2000

رما فيها خويي طغط 40

رمى خمس ورا بعض وعبا المخزن وكمل الرمي

وانفجرت السبطانه من النص وستر الله على عيونه

التركي يخوف جدا

كانك. ناوي عليها لا تتعدي 32 احتمال تعيش ...

احتمال وليس اكيد

وبالتوفيق

[العبوب]

اللي مالحق يلحق وياخذ له استوقر ترا عقب ايامه ماراح تاخذها بالخمس طعش (( وحطو كلامي على بالكم))

وسلامة الجميع

[تساهيل1]

اللي مالحق يلحق وياخذ له استوقر ترا عقب ايامه ماراح تاخذها بالخمس طعش (( وحطو كلامي على بالكم))

وسلامة الجميع







هههه البيكال

وهي روسيه وتكد وتمد وتدبل في رمي الظغوط لو تمري 20 ورا بعض عتدي
ماوصلت 12


لاكن كل شي جايز هاليومين المهبل اللي طايحه في البر ئ
والصيد واإجد

والدليل شف راعي المقلاه اللي بخيمة العدد
حط نادر او منقطع وشف المطفق
هههههههآهإ
استغفر الله

[العبوب]

هههه البيكال

وهي روسيه وتكد وتمد وتدبل في رمي الظغوط لو تمري 20 ورا بعض عتدي
ماوصلت 12


لاكن كل شي جايز هاليومين المهبل اللي طايحه في البر ئ
والصيد واإجد

والدليل شف راعي المقلاه اللي بخيمة العدد
حط نادر او منقطع وشف المطفق
هههههههآهإ
استغفر الله



تسمع المثل اللي يقول


(( الحي يحييك والميت يزيدك غبن))


لو خيروني بين الاستوقر والبيكال اخذت الاستوقر وانا مغمض مالي ومال برودة الرمي
ياخي الاستوقر جميع المواصفا خفه ورمي وسوق وشي يطربك


البيكال ثقل وبرودة رمي حتي مع انواع الشكات ما تنفع

وسلامتك

[تميم2222]

ناجحه .. وممتازه .. بس انتبه فيه شي منها يرمي ضغط وشي مايرمي اظاهر ان ستوقر3500 هي اللي ترمي الضغط ... اما 2000 3 انش.... وتاكد من معلومه وسلامتك

[هيضة]

الله يعطيكم العافية جميعاً

وكل من ابدأ رأية يشكر ، لكن لا زلت اطمح بالمزيد من التجارب والمعلومات

وبنسبه للستوقر ٢٠٠٠ تعتبر مثل البلجيكيه اقصد من نحاية الضغط يعني لاتحرص ترمي بضغوط عالية حدها بالكثير ضغط ٤٠
اما ستوقر ٣٥٠٠ فهي تعتبر غازية وتتحمل الرمي بالضغوط وفرقها عن ما سابقتها المكينة و تحملها بالرمي بالضغط ، لكن يفرق السعر قرابة ١٠٠٠ ريال ونادر وجودها لانه يقولون جت كمية بسيطه وانقطعت

هذي معلوماتي الي توصلت لها وقلت افيد الجميع، والي عنده اضافه لا يبخل علينا

[ابوسعد 2011]

الاستوقر الفيين تمشي الحال حقت موسمين با الكثير
وانفجرت مع كم واحد من 36 - 1
وسلامتك

[العبوب]

علا كثر ما قريت عن الاستوقر وسعمت عنها لم اسمع ان الاستوقر قد انفجرت الا في هذا الموضع سبعين الف موضوع في المنتدا كلن يثني عليها ويمدحها @@ وشكرن

[فرخ الجني]

يا ناس يا هوه انا ابي احد انفجرت معه ستوقر ولا بيكال يورينا صورها ويعطينا القصه كامله مهب بس يقول انفجرت ويمشي

[mlikhunter]

الستوكر2000 حجرتها 76 ملم يعني مغنم و3500حجرتها 82ملم يعني سوبر مغنم وهي بندق ماعليه غبار ترخيص من بيرتا (كما مذكوربالكتلوج)

[mlikhunter]

وللعلم اي بندق تستخدم عتادغير ملائم ينفجر,,, انا رايت بيكال منفجر سبطانته

[براء محمد]

الاستوقر بندق بمعنى الكلمه ولها عندي سنتين وكل سنه ارمي بها ضغط 40 ولا انفجرت

[هاوي ربوع الديرة]

استوقر سوقها ماشي ومطلوبه رميها حار تطرب

[Al_zenad]

خلونا نتكلم من الواقع
الاستوقر مع ابن عمي لها قراية 3 سنوات يرمي فيها ولا اشتكى منها
واللي اشوفه انها خفيفه ومدتها طيبه و حرارتها لاباس
وقبل يومين طالعين نرمي طيار ورمى فيها كم رمية بعيدة صراحة حاره
واذا تبي بندقك تعيش معك سواءا ستوقر والا سوبر لاتعديها ضغط 36 لأنك ماراح تحتاج غيرهم الا نااادراً
تحياتي لك

[هيضة]

الله يعطيكم العافيه جميعا

بعض الردود شككوني انهم خايفين يطير سعر الستوقر وجالسين يشوهون من جودتها انها تنفجر خخخخخخ

ابشركم شريت وحده وطلعت اجربها على مخطم قوقسي صراحة ممتازه

لكن فيها مشكله بسيطه خدي اليمين يوجعن تقل قالعن ضرس ، مدري هي من العدزب والا من كثر الرمي

ولا زلنا نطلب منكم المزيد الي عنده شيء يضيفه

[ابوسعد 2011]

من وجهة نظري ما اعجبتني

[احساس الجروح]

الله يعطيكم العافيه جميعا

بعض الردود شككوني انهم خايفين يطير سعر الستوقر وجالسين يشوهون من جودتها انها تنفجر خخخخخخ

ابشركم شريت وحده وطلعت اجربها على مخطم قوقسي صراحة ممتازه

لكن فيها مشكله بسيطه خدي اليمين يوجعن تقل قالعن ضرس ، مدري هي من العدزب والا من كثر الرمي

ولا زلنا نطلب منكم المزيد الي عنده شيء يضيفه

انا سألت كم واحد معه ستوقر 2000 يقول انها ترجف واول مايوجعك خدك
لكن اعتقد لانها جديده ..فيبيلها تمرين طال عمرك ارم فيها فشق 32/6 حوالي اربع دستات وتلين وتضبط معك ان شاءالله ويخف رجفها وبعدها ارم بالضغط اللي تبي..هذا اللي اعرفه واهل الخبره يفيدونك

[sg'hk]

والله الاستوقر حليلة وتفي بالغرض بس المشكلة الحذفة اليسار لو لها حل 100%

[مشعل 884]

بصراحه سعر الستوقر في بحر ال 7000 مغري جداً

[ابوعاشة]

خذ كلام واحد مجرب وعارف شريتها ماكلت اسبوعين وخربت علي اول شي رميها يهول العقل ويبرد التسيد ووزنها خفيف بندق طيبة لاكن جودتها رديئة خربت معي الجسر انفك وطاح وفيه قطعة بالجهاز انكسرت وصلحتها مع الجسر وبعتها وانا ماكملت نص صندوق وكل الي رميتة ضغط 36 و 32 جهازها مايقارن بالبنلي حتى لو كان انرشا درفن ثقيل ومع الوسخ يلك

والحين معي بيكال وراضي عنها تمام الرضا ومريها رايق مع تشك 690

في النهاية انت راعي مقانيص تبيلك بندق للعمر شطب عالستوقر لانها حقت موسمين بالكثير وتبدا تغثك وتخرب

[مشعل 884]

بصراحه الستوقر سعرها مغري
ولكن كم وصلت الان ياشباب

[هيضة]

الله يعطيكم العافية

انا وجهة نظري صعب تحصل بندق ماتخرب , لكن انت تقارنها وتقيسها بتوفر قطع الغيار
يعني اذا خربت فيه قطع غيار لها فهذا شيء جميل , هذا اذا خربت

سعرها صراحه جميل جداً خصوصاً ان الترخيص للحين مافتح , وكل بندق له مزايا وعيوب

اما اني بشتري سوبر في بحر 20 الف والله تبطي , ولا حط فوقها 7 آلاف حق الماصورة سلامات مشتري سياره؟

عاد الله وكبر يالصيد الي عندنا كل ماله وهو بردى كثرة المبزرة وكثرة القناصة , يعني مثل هذي حقت تبريد تسبد وتشفي الغليل

وصراحة البندق ماشاء الله عليه ممتازة

[بحر الخليج]

مبروك عليك الستوقر يا اخوي هيضه والموضوع عن الستوقر تكلمنا عنه اكثر من مره ولكن نعيد للفايده وستوقر 2000 عندي لها تقريبا سنه وبندق حلوه طبعا لا تقارن بالبنلي والبريتا لكن بندق تتحمل الكد وانا رميت فيها الى الان 3 صناديق ونصف والله ماشفت منها الا الزين وانا مركب لها مخزن 11 طلقه رميها حلو وسوقها ممتاز وبالنسبه للرجف بتخف عليك بس بعد ما ترمي ب4 او 5 دستات
والي يقول انفجرت وما دري ويش يا ناس لا يتكلم الا الي انفجرت معه ونوع الفشق لاني ارمي فيها ضغط 40 وما عندها مشكله مع العلم ان 1 _36 كافي لان رميها حار وسمعت اناس يتكلمون عن الحذفه صراحة وبكل امانه بندقي ما فيها اي حذفه فيها فقط زمه للهدف القريب والي يبي يجي ويشوفها انا مستعد ويشوف كيف ادبل عليها ب12 طلقه مع العلم اني اغسلها بعد كل 8 دستات تقريبا للحفاض فقط وكل البنادق تحتاج تغسيل حتى البنلي لانه كانت معي سوبر بنلي 1 وبعتها قبل 6 سنوات لظروف ولا السوبر ماتنباع والله واللي يمدح البيكال كانت مع اخوي بيكال والله من النكد برودة رمي ثقل في المقدمه اجزاء ما تنسحب الا بالقوه وغازيه تتوسخ كل 3 دستات وباعها اخوي وشرى ارثميس تركيه 32 انش والله انها حلوه والى الان تحت التجربه وان شاء الله اسوي لها موضوع مستقل ولا تقولون اني اسوي دعايه للستوقر او اضعها فوق منزلتها لاوالله بندق حسب تجربتي فيها ممتازه للي فلوسه اقل من 10000 يعني الا مايقدر البنلي والبريتا ترى الستوقر تؤدي الغرض لين الله يفرجها والاخ المحترم ابو عاشه والله انها حازت في خاطري يوم ما توفقت معك الاستوقر لانه يمكن فيها خلل مصنعي لكن اللي اقوله ابشر باللي يرضيك لانك استشرتني فيها ولا توفقت معك مع العلم ان بندقي والله اني شاريها منجبر عليها ولا اعرفها الا من مدح ناس شرواكم والان طلعت قد المدح ولله الحمد وان شاء الله بنزل تقارير عن صيدها في خيمة الصيد البري ولكم كل الاحترام والتقدير
أخوكم / بحر الخليج

[بينلي]

الستوقر جربتها

عيبها الرجف الرجف

الحاضن والاخمس فيبر عادي صلب غير قابل امتصاص الصدمات

حامل الزناد فيبر مقوى

فيها ميزه حرارة رميها ممتازه جدا

خفيفه اجزاءها سلسه

وشريت سوبر فنشي

صراحه حرارة الرمي لصالح الستوقر اما بتنظيم الرش السوبر

لكن كل البندقيتين الاتساخ نفس بعض


تتميز السوبر بعدم الرجف نهائي وتثبت ع الكتف سريع وخاصه للطيار

يعني لولا رجف الستوقر كان ياسلام

توفي بالغرض بدل الشوازن الغاليه

والي يبي حرارة رمي وسوق ياخذ ستوقر بس يتحمل الرجف وضرب الخد يعني يتحمل الكفوف


هذي صورة البندقيتين

http://www.m5zn.com/image.php?img=14483737.jpg (http://www.m5zn.com/out.php?code=14483737)

[ابوذوق]

هل الستوقر مقنوم ؟؟؟
يعني كم طول حجرة النار؟؟