مشاهدة النسخة كاملة : للجميع عامه ولاصحاب البرادو خاصة الرجاء الافادة
السلام عليكم
ابي اركب تانكي على برادو الشكل الجديد 2003 وطالع وابي رايكم في افضل محل له
وتحياتي للجميع
بن فيصل
01/09/2006, 09:15 PM
الاخ وسيم
توني مركبه هالاسبوع وسيارتي برادو 2005
اذا كان الكفر الاسبير تحت الشنطه مالك الا مكان واحد اذا تبيه خارجي ....
والمكان هو بين دعاسات الباب والشاص كل جهه 31 لتر..
وهو مخفي تماماً .....ولازم ترجع لروابط تركيب التوانكي في هالمنتدي عشان تاخذ المواصفات بشكل عام...
وهناك مشكله كبيره طلعتلي وهي انه تم ربط التاكي في بودي السياره والشاص مما سبب رجه غير طبيعيه ...
وسوف احاول حلها بتثبيت التانكي في بودي السياره فقط بدون ربطه بالشاص ....
واي معلومات ثانيه حنا مستعدين
أبو مسفر
02/09/2006, 01:22 AM
بالنسبةللبرادو وارد ابو جميل ما تقدر
لكن حق البازعي أو الخليجي اللي استبنته معلقة تحطه وانت مرتا
محمد العبدالسلام
02/09/2006, 11:10 AM
اخي الغالي
شف عند الرمايه شارع التخصصي خزان على شكل مستطيل فيبر جلاس سعة 60 لتر قيمته 230ريال ممتاز انا معي برادو من الموديل القديم ومركبه تحطه خلف المرتبه الثالثه بالراحه وخفيف ووذف تقدر تنزله بسهوله وتحمله متى ما تبي وهو عندي من العام الماضي ولافيه كلام
مشكورين جدا على الافادة
الاخ بن فيصل الرجه قوية انا راعي خطوط واذا انحلت المشكلة عندك الرجاء الافادة
واستفسار هل البرادو فيها صوت هواء انا عندي هواء مزعجني
الاخ ابن نجد وشلون اثبت التانكي الفيبر يعني وش يفرق عن الجركل
وشاكرين
بن فيصل
03/09/2006, 03:40 PM
الاخ وسيم ....
بالنسبه للرجه انا قاعد ادور لها حلول وجربت بعضها ونجحت لحدود 80% وابعلمك حال انتهائي منها
واما ما يخص الصوت ففيه صوت تسمعه من جهة الكتف الامامي للسياره
الاخ العزيز بن فيصل وش صار على الرجة
انا في انتظار افادتك
شاكرين لك
نسيت اسئلك من ركبته عنده وبكم وش نوعه ستيل والا حديد
تحياتي
بن فيصل
13/09/2006, 08:39 PM
الاخ وسيم .... تحيه
سبب الرجه ان ابو هنود ربط التانكي في بدي السياره وفي الشاص بدون حتى ما يحط ربلات !
ونصيحتي ان يتم الربط في البدي فقط او في الشاص فقط ويكون فيه فراغ نص سنتمتر على الاقل عشان ما يكون فيه احتكاك ولا تنسى تزيل حمالات الدعاسه الى في الوسط عشان يكون فيه فراغ اكبر ويكبر معك التانكي (31 لتر ) كل جهه..
ستانلس ستيل درجه اولى
السعر غالين بلحيل 1200ريال
في ورشة المواهب في الصناعيه القديمه في الرياض
تاخذ شارع الامير سلمان باتجاه الشرق يجيك النفق خلك من فوق ولف يمين يصير وجهك جنوب اول شارع 36 قبل مسجد العويضه لف يمين تجيك الورشه يمين
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir