المساعد الشخصي الرقمي

مشاهدة النسخة كاملة : تكفون. ياربع اللي يعرف بالبل لا يبخل علي


فارس 615
14/01/2013, 11:00 AM
عندي ناقه خلفه وضحى صار لها سنه وثمان شهور طار وبرها وحلها زينه فيه صوره بس ماعرفت انزلها اكون مشكور لكم
محمدالزبيدي
14/01/2013, 01:33 PM
يافارس ادخل على هذا الرابط ونزل الصور من جهازك وحملها ثم انسخ الرابط اللي للمنتديات والصقه في موضوعك

http://www.gulfup.com/

أما البل مالي فيها خبرة

بالتوفيق
ثمان طعش
14/01/2013, 05:36 PM
اذا الناقه طار وبرها ومكانه صار جلد وتحتك ( تحك نفسها ) فيها جرب رح للبيطري ويعطيك لها ابرة جرب وان شاء الله ماتشوف شر
فارس 615
15/01/2013, 08:41 AM
مشكور اخوي
فارس 615
15/01/2013, 08:42 AM
لا مو جرب ماادري ايش هو بس نفس الجرب عالجتها بعلاج الجرب مانفع
سهيل الازهرا
15/01/2013, 09:16 AM
خذ من البيطري مرهم الكبريت وادهنها كل يوم مع ابرة الجرب الامريكيه الايفوميك تعطى بالجلد
ثمان طعش
15/01/2013, 08:09 PM
لا مو جرب ماادري ايش هو بس نفس الجرب عالجتها بعلاج الجرب مانفع




اكيد قرع هو يتقشر وكنه حبوب اذا كان هو خذ زيت العربي وحط معه ملح الملح كثره شوي وخذ قماش وصب الزيت عليه ودهن الاْماكن الي مافيها شعر والله يشفيها ويبارك فيها :)
almushraq
15/01/2013, 08:30 PM
فيه نوع كنه الجرب يطير الوبر والجلد مافيه شي واهذا من بعض انواع الاعلاف والمكان اذا شبك غير مكانها وغير نوع العلف

اما اذا الجلد فيه جروح وتشققات وعليه طبقه مثل الجير هذا قرع وعليك اولاً تغسلها بليفه ماء وصابون حتى تدمي (تدعكها باليفه ) وبعدها تحط دهن يا الكريم الابيض القديم الي يستخدمونه الحريم زمان اول في الشعر او الزيت المحروق
وحذاري تغسلها ويديك بدون قفاز لان القرع يعدي وانا جاء الانسان اخذ وت طويل على الشفاء
فارس 615
18/01/2013, 01:16 PM
الله يعطيكم العافيه. اخوي محمد الزيدي لما افتح. الرابط يقول تعذر فتح علامه يتوتيوب جديد مدري وش غيه ودي ارسل الصور واشوفونها.
محمدالزبيدي
18/01/2013, 03:04 PM
الزبيدي لو سمحت

ههههههههههه

روح قوقل واكتب (رفع الصور ) تجيك مواقع رفع الصور الخليج والعملاق وغيرها إضغط على مركز الخليج لرفع الصور انا أحمل عليه

أو حسب إختيارك

ارجو ان اكون قد افدتك
المهند1433
22/01/2013, 10:58 PM
أجمع لها العلاج أبرة جرب تحت الجلد الاصلي الغالي ويكرر ب13 يوم وغسيل ورش جره مخففه ويرجع وبرها
فيصل الرياض
23/01/2013, 12:30 AM
اذا جلدها ابيض هاذا جرب عليك في غسله مع جره كل 3 ايام لين يروح
اذا لا عليك بل زنجبيل المطحون مع المويه واغسلها كل 3 ايام لين يروح
صقرالمقناص
14/01/2015, 07:53 AM
ياخوي هذا اسمه قرع
وعلاجه يطول شوي
وافضل شيء تعزل الناقة عن البل الباقية وادهنها بزيت مكينة محروق
ودعان
14/01/2015, 09:05 AM
اخوي فارس القرع مايجي الابل الكبار يجي الحشو اذا الجلد متجعد والناقه اعطيتها ابره الجرب البارازيليه في اللحم
اولا ان تكون الجرعه كافيه من 20-25 وتكررها بعد اسبوعين
اذا عملت هذا ومانفع يمكن يكون مرض اسمه قضع وعلاجه كوي مطارق من يمين الخف ويساره من جانب الخف اليدين فقط