الحطب والسمر .... من اين لنا به ؟؟ [الأرشيف]

بن نويشر

15/01/2013, 03:04 PM

السلام عليكم جميعاً ...

الحقيقة لا يخفى عليكم ان الحطب والسمر في الرحلات هي فاكهة الرحلات وفاكهة الشتاء ، ولا يخفى على الجميع بقرار وزارة الزراعة بوقف بيعه نهائيا في اسواق الحطب لا في العزيزية ولا في غيره . ومحاربة كافة السيارات بأنواعها من بيعه .. ومصادرتها وبيعها بالمزاد وبأرخص الاسعار ...

ولكن يا جماعة الخير ما البديل ؟؟
يعني الواحد في المستقبل يطلع بدفاية معه ؟!
وش الحل يا جماعة الخير ،،،
الحقيقة انها مشكلة ...

dasman

15/01/2013, 03:09 PM

يامرحبا يابن نويشر الله يعينك استعمل الفحم وشتسوي مالنا غيره احرمونا من السمر والحطب الزين

فارس ولدي

15/01/2013, 03:17 PM

لا تستعجل

كلها ايام وبينزلون الحطب الاوروبي

واذا انتهت الكمية بيسمحون ببيع السمر كما كان

كما سمعنا ان فيه 50 الف طن من الحطب الاوربي في السوق عن قريب

ابواديب33

15/01/2013, 07:07 PM

موجود في نواحي الابواء والمدينه المنورة بكثرة

aglanco

15/01/2013, 07:28 PM

الساحل مليان
من جيزان الى المدينة
وغابات سمرية
اتمنى انها تبقى على حالها
ابشرك نحطب لنفسنا من ديرتنا اللي يكفينا
ولانقص شجر ابدا ابدا ابدا
الله يعينك
يابن نويشر على الغلاء

غالي1

15/01/2013, 07:46 PM

الاحتطاب الجائر هو سبب المنع

أبوحافظ

15/01/2013, 08:06 PM

قرار سليم منع الاحتطاب

لكن التوقييت خاطىء جدا لاسباب

وقت الشتاء لا زلنا في ذروته

عدم توفر البديل

بن نويشر

15/01/2013, 11:29 PM

الحين حتى لو بتجيبه من برا .. حجزوك وصادروا منك الحطب.
كما سمعت ان فيه سرق ونهب لسوق الحطب بالنسيم .. بسبب المنع

قناص مزاجي

15/01/2013, 11:45 PM

البر مليان حطب والشعبان مليانه طلح والفياض مليانه سدر

بين الغضا

15/01/2013, 11:54 PM

قرار غبي لان مافيه بديل مناسب

فايروخ27

16/01/2013, 12:53 AM

كذا يشجعون الكشاته على قطع الاشجار والاحتطاب

كلها مصالح وصفقاات هاااي هاااي على حساااب المستهلك والبيئه

abu-5a1ed

16/01/2013, 10:33 AM

طيب يا اخوان واللي محتاج حطب ضروري الليله

السفاري

16/01/2013, 10:38 AM

انا مع قرار المنع وكان المفترض يطبق من زمان لكن آلية ووقت تطبيقه سئية جدا كان من المفترض يطبق النظام بالصيف مثلاً لقلة الاستهلاك فيه وليتأقلم الناس على الوضع اما ان يطبق في عز الموسم فهذا قمة الجهل والتخلف ثم على كلام من ذهب للسوق لم يتم توفير البدائل حتى اليوم لايوجد بالسوق الا فحم .

http://www.mekshat.com/vb/images/misc/progress.gif

الرماية

16/01/2013, 10:45 AM

يتوفر لدينا حطب الماني

تفضل هنا

http://www.mekshat.com/vb/showthread.php?t=534165&page=17

ناصح

16/01/2013, 10:48 AM

تفضل

http://www.mekshat.com/vb/showthread.php?t=546287

مكشاتي مدني

16/01/2013, 11:44 AM

والله حرمونا من الحطب في عز الشتاء ياليتهم اجلوا القرار شوي و طبقوة بالصيف انا قبل 3 ايام رحت لسوق العزيزية بالرياض للحطب والفحم والله ولاحبه حطب مالقيت شيء ابد بس فحم فقط واشوف جيب شرطة يدور على محلات بيع الحطب يقول ممنوع واي حطب يبيعونة غرامة ويصادرون الحطب ولا شفنا حطب مستورد لا اوروبي ولا صومالي الله يعين بس

الحربي حاتم

16/01/2013, 01:55 PM

بسم الله الرحمن الرحيم
المفروض هذا من زمان وأستغرب من اللي يقول المحل الفلاني فيه حطب هو ناقص إحتطاب وتدمير الله يدمر اللي دمروه

PATROL

16/01/2013, 02:49 PM

لو الناس عندها ثقافة طريقة الاحتطاب كان ماعندك مشكله!
يعني المفروض ان الواحد يقطع من فروع الشجره وطرافها ويترك قلعها من جذورها!

جيبي جايزلي

16/01/2013, 03:43 PM

غريبه الدعوا منع وراعين الدداسن منتشرين بطريق ديراب بعد اشاره حي الفواز وقبل اشاره الحراس الوطني

يا كثرهم

الرحال2222

16/01/2013, 06:36 PM

قرار سليم منع الاحتطاب

ديرتنا اصلا صحرا
والحطابة ماخلو شي اصلا قضو على الاشجار الباقية

عبدالعزيز113

17/01/2013, 01:25 AM

مالنا الى البرتوبس

دايم الخير

17/01/2013, 01:33 AM

مافي شك ان الاحتطاب اللامعقول اضر بالناس جميعا

لكن ان يمنع في هذا الوقت لصالح .... فهذا ظلم للوطن والمواطن

إلى متى تكون القرارات بناء على مصالح مجهولة الهوية؟!

حسنا انت منعت ما البديل ومن هو صاحبه ؟!

الله المستعان

ابوأنس1

17/01/2013, 07:57 PM

السلام عليكم
اسعد الله مسائكم جميعا
قرار منع الاحتطاب اعجبني ومن مؤيديه
لكم منع بيع الحطب وبهذا التوقيت لاحول ولا قوة الا بالله
توقيت خاطئ وسيئ حسبي الله ونعم الوكيل
ولقد اطلعت على موضوع لمحلات الرمايه يبيعون كيس الحطب ب49ريال
المبلغ هذا كنت اشتري فيه حطب يكفي ثلاث ليال والنار ماتطفي
وكذلك محلات اخرى تبيع المستورد من 20ريال وطالع ومايكفي
قرار منع الحطب بهذا الوقت خاطيء ليش ماوفروا البديل اولا اذا مصممين على المنع
بهذا الوقت في الشتاء يمنع الله المستعان

ابوغلاالقصيمي

17/01/2013, 09:03 PM

المشكله ان الحطب المستورد نشارة خشب ومصبوغ ودخانه خطيرررررررررررر

ابوناص

17/01/2013, 11:22 PM

ابشركم وصل للسوق مستورد ممتاز جدااااا الا وهو الحطب الروسي الان انا قدامه وشابين فيه والله ماتفرقه عن اطيب السمر لا شعله ولا ريحه ولا شكل

مع اني ضد المستورد بس يوم شفته قلت هذا الدواء وتقول سمر قرض ماهو مستورد

بس عيبه سعره الكيس ب ٥٠ ريال ووزنها ١٠ كيلو غالي غالي غالي

لو سعره من ٢٥ الى ٣٠ يكون ممتاز

ابوأنس1

18/01/2013, 01:12 AM

السلام عليكم
وينه هالحطب الروسي
موجود بالقصيم او الرياض
وعند من والكيس كم قطعه يجي فيه

ابوناص

18/01/2013, 01:17 AM

السلام عليكم
وينه هالحطب الروسي
موجود بالقصيم او الرياض
وعند من والكيس كم قطعه يجي فيه

من سوق الحطب في الرياض ولا حسبت كم قطعه بس وزنه 10 كيلو

ابوأنس1

18/01/2013, 01:33 AM

مشكور وماقصرت اخوي

Abo Alia

18/01/2013, 08:49 AM

ما فهمت ماذا تقصد انت والاخوان بان الحطب قد منع
انا هذا الاسبوع وانا جاي من الرياض الى الدمام شفت الحطب ينباع في محطات البانزين عادي

بين الغضا

18/01/2013, 11:43 AM

المفترض التشديد على الاحتطاب مب على بيع الحطب لانه خلاص تم قطعه

ابوأنس1

18/01/2013, 01:43 PM

كلامك صحيح يا(بين الغضا)
لكن وين التطبيق الصحيح للامر
..............
بالنسبة للي يقول وين منع الحطب وانه يباع بالمحطات عادي
خلك على وضعك ولاتدقق عشان ماتنقهر من اللي صاير
انا رحت اليوم لمحل الحطب ببريده ولقيت الاسعار دبل
حسبي الله على من سعى بها القرار بالوقت هذا الله لايوفقه
ليش ماسعى فيه بالصيف اللي راح لكن مانقول الا حسبنا الله ونعم الوكيل

* ابو باسل *

19/01/2013, 09:20 AM

قرار صائب والله يوفقهم ويأخذ بأيديهم وياليته من زمان وبصراحه الاونه الاخيره صار احتطاب جائر من قبل المواطنين ومن قبل العماله حتى الاشجار الخضر تقطع وتترك لتيبس ومن ثم العوده لها واجتثاثها من جذورها وهو السبب في هذا القرار اوديه كانت مليئه بالاشجار الان اصبحت خرابه لماذا لماذا هذا الفعل من ابن البلد اولأ قبل العماله ولو سكتوا عن الوضع فبعد فتره سوف تصبح بلادنا شبه صحراء تخلو تمام من الاشجار بجميع انواعة .
وانا اويد جدا معاقبة من يحتطب او يقوم بنقل الحطب عبر المنافذ بمصادرة سياراته والسجن لما يقل عن عام ليكون هناك رادع وخوف وعدم جشع ودمار للبيئه .

ذائع الصيت9

19/01/2013, 12:51 PM

الواجب يكون في تخطيط قبل المنع وان يكون البديل متوفر

أحب القمرا

19/01/2013, 01:11 PM

يا اخوان الرجال يسأل وين يحصل الحطب ، وانتم بارك الله فيكم قلبتوا الموضوع استفتاء بين مؤيد ومعارض لقرار المنع .

الرماية

24/01/2013, 12:44 PM

يتوفر لدينا في محلات الرماية

حطب سدر بلدي من مزارعنا

ويتوفر لدينا حطب الماني

الشاهر سعد

24/01/2013, 07:48 PM

يوم الاربعاء 1434.3.11 قريب المغرب مريت سوق الحطب في المدينه ويبيعون الحطب المحلي
وبكميات كبيره ولايوجد منع

الطرس ممدوح

25/01/2013, 12:07 AM

لا تستعجل

كلها ايام وبينزلون الحطب الاوروبي

واذا انتهت الكمية بيسمحون ببيع السمر كما كان

كما سمعنا ان فيه 50 الف طن من الحطب الاوربي في السوق عن قريب

كلام في الصميم

ناصح

25/01/2013, 01:51 PM

لا تستعجل

كلها ايام وبينزلون الحطب الاوروبي

واذا انتهت الكمية بيسمحون ببيع السمر كما كان

كما سمعنا ان فيه 50 الف طن من الحطب الاوربي في السوق عن قريب

غير صحيح

واتمنى أن تنظر للموضوع من منظار وطني وبيئي إذا كنت تحب البر والمكاشيت

تفضل هنا رعاك الله

http://www.mekshat.com/vb/showthread.php?t=546287

ناصح

25/01/2013, 02:59 PM

المشكله ان الحطب المستورد نشارة خشب ومصبوغ ودخانه خطيرررررررررررر

غير صحيح

وأنا استخدم الحطب المستورد من عدة سنوات

الأخطر منه فناء اشجار بلادنا ...