ابي طريق مادخل الرياض فيه مسافر من القصيم للدمام

[قصوم1]

السلام عليكم ورحمة الله وبركاته

ولاعليكم كلافة ابي هالطريق بدون مادخل الرياض وزحمته وقلقه مسافر بكرا ان شاء الله بحول الله وقوته من القصيم للدمام

[الوافي.]

يعتمد متى مشيك من القصيم لان فيه اوقات في الرياض تكوون الشوارع خالية من الزحمة
واحسن شي انك تمشي من القصيم الساعة 12 توصل الرياض ثلاثة الفجر وتكون الشوارع فاضية

[أبوسعد111]

سلمك الله
وأنت على مدخل الرياض وقبل لاتوصل نادي الشباب بيجيك مخرج طريق الامير سلمان يطلعك يسار جهة الشرق
علامة اوضح لك ( بجانب الطريق فيه عمارة طويلة " برج " ) تخليها يمينك ووجهك شرق
تستمر على هذا الخط حتى يطلعك على طريق المطار ويمينك جامعة الاميرة نورة
تطلع يمين حتى تتعدى الجامعة ثم بتدخل على الدائري الشرقي
أستمر عليه حتى يجيك مخرج 8 وبيسارك مبنى كبير لشركة سابك
خذ المخرج بيطلعك جهة اليسار وبيكون وجهك شرق تكون بكذا دخلت طريق الدمام
أو
تدخل الرياض حتى تجي بجانب مركز الملك عبدالله المالي وبعده بتدخل الدائري الشمالي خذ المخرج وأطلع يسارك جهة الشرق وعلى إمتداد هذا الدائري بتمسك طريق الدمام
وفيه لوحات بتوضح لك الطريق

وشف الخط الذي بيناسبك

آمل أن الوصف واضح
وتروح وترجع بالسلامه
موفق

[محرين باالخير]

حياك اخوي
قبل ماتوصل الرياض بعد مفرق تمير يجيك مخرج يقولك الثمامه الرمحيه رماح علي مااظن اطلع معه يسار يجيبك مع الثمامه وهو طريق الرياض القديم لين ينزلك علي طريق الدمام من عند سوق البعارين ويبعدك عن الزحمه وساهر ويختصر المسافه . اتمني اني افدتك وتصحبكم السلامه

[راعي الرائد]

قبل الرياض بحوالي 80 كيلو تاخذ مخرج دقله الصمان ومع المخرج تاخذ يسار متجها شرقا و تستمر مع هذا الطريق حتي يلتقي بطريق الرياض الدمام و هذا الطريق خارج مدينة الرياض

[لهيب الشوق]

مخرج دقلة الثمامة رقم 8

[زهير بن سلمان]

السلام عليكم

اريد طريق ما يمر بي وسط الرياض

من القصيم للدمام

وشكرا

[الوسم]

مخرج دقلة الثمامة رقم 8

طيب ... وبعدين ؟؟؟