تفتفة بالباف الفزعه

[أبوأسامه...]

السلام عليكم


نداء إلى الاعضاء الكرام

معي باثفندر
2001

المشكلة اني كنت امشي يوم وقفت عند الاشارة قعد يتفتف بدون سابق انذار وادعسله وهو يصفي ومشيت يمكن 100متر ورجعت التفتفه ومن بكره وديته للورشه

الورشة الأولى قالي مافي معلووم هذاسياره مشكله

الصراحة ضاق صدري


جيت عند الثاني قالي توضيب


وجيت الثالث قعد يفك البواجي الثلاثه كلهن وقالي وحد بوجي عليه عليه بنزين
( طبعا الموتر يدخن ابيض قريب للون الازرق )

وتفتفه حفى قير الدبل يهتز ودخان كثيف مره



المهم قالي هذي بلوف مسكره وانصحك تغير مكينه


لا يوجـــد حــراره في السياره ولا سبق وأن احترت

لا يوجد نقص زيت ابد ولا تهريب بالمكينه

تشرب بنزين شرب غير طبيعي


طبعا لمبات الطبلون ادق بطاريه يولعن كلهن بس ان شغلت السياره يطفن كلهن

_ المطلوب هل الي قالولي صحيح ان المكينه مودعه او ألتماس بالكهرب

ابي اعرف افضل حل اغير مكينه أو اوضبها ولقيت مكاين يابانيه هل هي عمليه


شافها واحد من الشباب قالي هذا دخان بنزين السياره ماتحرق السياره الحين استخدمها يومي بس ان مشيت مع الدائري اقصى حد تجيبه 140 بعدها تصير ثقيله


وان شديت عليها اسمع صوت مثل الجنزير

[SGL]

ياخي هذولا الي باالورش قاهريني ياخي وش دخل التفتفه باالمكينة ونت صدقتهم ياخي شيك على فلتر الهواء وعلى الخرطوش لايكون فيه تنسيم وشيك على صفاي البنزين وخذلك منظف مستوبيشي من الشركه علبتين وحطها باالتانكي مع بنزين نص ومغطه خط وقلي وش صار معك وشيك على حساس الهوى

[sgl2002]

عندك خلل في الاحتراق

ممكن احد البلوف مقفل
ممكن البواجي تحتاج تغيير

[بن الزايد]

ظاهر انه بلف ترجيع فيض من البنزين غيره
لانه مغرق شمعات الحتراق من قوة سحب البستم يمص زيت من جلد البلوف ويطلعه دخان ابيض "
( طبعا الموتر يدخن ابيض قريب للون الازرق)
وصف جميل ومعبر
http://images.oreillyauto.com/parts/img/large/bwd/egr3156_primary.jpg

[SGL]

يوم تكتشف خرابها وتسويه لازم تغير البواجي أو تنظفها

[ls1.5700]

من الواضح موترك مغررررق بانزين
وعندك خلل بالاحتراق
الاحتمالات المصاحبه للمشكله
1 الاقليتر اللي هو الراجع ( احتمال ضعيف )
2 الكويلات اما خربان واحد منهم او ماهو واصل له كهرب عن طريق الكمبيوتر او الفنش ماهو واصل او سلك مفصول
او احد البواجي ضارب ( احتمال قوي )
3 قد يكون احد البلوف مسكر او فيه مشكله ( احتمال وسط )
ولا يمنع تشيك على حساسات الهوى
طبعاً اللي قال لك الموتر مبوش فـ اكيد انه عامل مزرعه ويتعلم بخلق الله

[أبوأسامه...]

ظاهر انه بلف ترجيع فيض من البنزين غيره
لانه مغرق شمعات الحتراق من قوة سحب البستم يمص زيت من جلد البلوف ويطلعه دخان ابيض "
( طبعا الموتر يدخن ابيض قريب للون الازرق)
وصف جميل ومعبر
http://images.oreillyauto.com/parts/img/large/bwd/egr3156_primary.jpg





الحين هذا بلف ترجيع الفايض من البنزين وين مكانه وكيف اعرف انه خربان

انا ابي اصور السياره بس ماني عارف انزل الصور

[أبوأسامه...]

طبغا السياره لها اسبوع وانا اداوم عليها 50 كيلو رايح و50 كيلو راجع واليوم سحبت عيار الزيت لقيته فاضي

[بن الزايد]

من اسباب ذهاب زيت بسرعه العالية تحميل زايد
تتلف عليك سلندر هذا سباب فقدان زيت
تتلف عليك شنابر هذا سباب فقدان زيت
تتلف عليك سبيك هذا سباب فقدان زيت
خروج زيت من صوف او غطاء البلوف او تلف البلوف اوتعطل pcv valve تحصله على غطا بلوف عليه لى متجه لفلتر الهواء نوع زيت

[أبوأسامه...]

بعد استخدام السياره اكثر من اسبوعين قررت اني اوضبه امس نزلته واعلمكم بالجديد

[أبوأسامه...]

مـــــــــــــــــــــســـــــــــــــــــــــــــ ــــــــــــــــــــــــــــــــــاء الــــــــــــــــــــخـــــــــــــــــــــــــــ ـــــيــــــــــــــــــــــــــــــــــــــر


القطع التالفه بالمكينه

بستم طقم مقاس 20 وشريته 900من الوكالة

شمبر مقاس 20 وشرته 340 من الوكالة

سبيكه ثابت متحرك مقاسها 10 وسعرها 130طبعا ياباني رقم 1 (مالقيت اصلي)

طقم وجيه سعرة 520 اصلي

بواجي اصلي سعرها 60 اصلي

معجون تويوتا اصلي 120

سيفون + 4علب زيت شل

سير تيمن سعره 90اصلي

شغل المخرطه 750= خرط السلندر وخرط عامود التيايمن وتركيب جلد الضراع وصنفرة البلوف والوزن

ان شاء الله مايكون هناك جديد بالقطع والله يعين على الورش

[هملول السحاب]

عسى الله يوفقك بالتوضيب ويجعل عمرك وعمر موترك مديد ان شاء الله.

[أبوأسامه...]

مـــــــــــــــــــــســـــــــــــــــــــــــــ ــــــــــــــــــــــــــــــــــاء الــــــــــــــــــــخـــــــــــــــــــــــــــ ـــــيــــــــــــــــــــــــــــــــــــــر


القطع التالفه بالمكينه

بستم طقم مقاس 20 وشريته 900من الوكالة

شمبر مقاس 20 وشرته 340 من الوكالة

سبيكه ثابت متحرك مقاسها 10 وسعرها 130طبعا ياباني رقم 1 (مالقيت اصلي)

طقم وجيه سعرة 520 اصلي

بواجي اصلي سعرها 60 اصلي

معجون تويوتا اصلي 120

سيفون + 4علب زيت شل

سير تيمن سعره 90اصلي

شغل المخرطه 750= خرط السلندر وخرط عامود التيايمن وتركيب جلد الضراع وصنفرة البلوف والوزن

ان شاء الله مايكون هناك جديد بالقطع والله يعين على الورش

طرنبة زيت اصلي وكالة سعرها 620ريـال

[أبوأسامه...]

عسى الله يوفقك بالتوضيب ويجعل عمرك وعمر موترك مديد ان شاء الله.



الله يوفقك والله يعينا على الخساير



والضاهر ان التخبيطه بسبة الغش مغير زيت وسيفون وقالي البنشري اصلي ويوم رحت ابي طرنبة زيت شاف السيفون وقالي هذا تجاري


والله يسر الأمور