شوزل ام سبع ابر

[محمدالزبيدي]

السلام عليكم ورحمة الله وبركاته

شوزل أم سبع ابر موديل 37


شرايكم فيها يالبواردية طبعا مستعملة كم تسوى

أحيانا تكذب والزرف ما يطلع بعد الرمي(الفوارغ ) إلا باليد



http://im33.gulfup.com/mdQr1.jpg (http://www.gulfup.com/?UiEFIX)

http://im32.gulfup.com/bhmz1.jpg (http://www.gulfup.com/?LJuxyc)

[معاذ العلي]

بارود الشيبان وعشيقتهم

ارم به ان كانت صوابها زين محاره بالرمي خذها وانت مغمض

[محمدالزبيدي]

الله يجعل والدينا ووالديك للجنة
يا معاذ العلي

ونطلب المزيد
وياليت تشورون على أفضل ذخيرة لها لصيد الطيور الحجل والسمان وصيد الوبر
وصيد الرهو

[بيكال الوشم]

ما هوب ردا للشوزن و لا عذروب
لكن شوزنك الشوزن اللي بالصورة مكدودة لين طلع اللي ببطنها كله
الخشاب مغير ماهوب حق وكاله
مسامير المكينة تقدر تقول متساوية مع حديد المكينة يعني مفكوكة الف مره و هذا دليل على انها مكدودة

والله يرزق راعيها

[محمدالزبيدي]

الله يرزقنا وإياك وراعيها الجنة يابيكال الوشم

الله يبعد عنا وعنك العيب والعذروب يا طويل الذراع إنت ومعاذ العلي

إيه اعرف إنها مكدودة صاحبها متولع بالحجل لكن هل كثرة الكد يعيبها ما ابي أحط فلوسي بشيء ما يسوى

هل لها قطع غيار مثل الابرة والناتوش

[معاذ العلي]

ووالدينا ووالديك يالغالي

ايه نعم تحصل لها عند الباكستانيين

وافضل فشق للطيور الاولمبي 36-6
والشيديت الايطالي 7-32

[بيكال الوشم]

دور لك ام حبه روسية بيكال و اسأل مجرب
والله ترمي شي ما ترميه الستيڤنز و لا الونشستر ام حبة
نصيحتي لك دور لك بيكال ام حبة

[محمدالزبيدي]

مشكورين إخواني الكرام على التوضيح والنصائح

لكن وين ألقى البيكال الروسية

أنا يادوب اتلميت على هالشمطاء

[القنص عشقي]

يالزبيدي مساك منور

عليك بالقصيم ترى فيها شئ طيب ورخيص وسعره معقول
والله يرزقك بالشئ النظيف

[محمدالزبيدي]

القنص عشقي

ونعم فيك وبالقصيم واهله

بارك الله فيك