المساعد الشخصي الرقمي

مشاهدة النسخة كاملة : الرجال طق عظمه واليوم ماداوم؟ وش تفسيره؟


محسن الظن
19/01/2013, 07:17 AM
صبحكم الله بالخير
أخوي عمره 23
أمس قام من النوم يبي يصلي الجمعة إلا
ويسمع صوت ( طاخ )
كان الصوت صادر من أعلى الظهر والدمع صار
يطلع مع العين لا إراديا
وقعد يتألم ولاقام إلا بصعوبة راح
للمستشفى عطوه علاج كحة والبلغم !!!
قال أنا العظم عندي طق ليش الكحة
عطوه أبره مسكن
لازال يتألم وصار الجلوس والاستلقاء عنده متعبه
راح اسعاف مستشفى الايمان سووا له اشعة
وقالوا الطبيب الشعبي في إجازة
الألم في أعلى الظهر من الجهة اليمنى

سوينا تدليك في البيت ومشينا على ظهره الأطفال
وناس قالوا غلط الي سوتوه
انتبهوا تحركون العظم لابد من انسان فاهم
ولا ترى بيروح عليكم الرجال

عطونا الحلول وليش هذا الصوت؟
وهل يمكن يسبب مشاكل مستقبلا؟
دلونا على أحد يمكن يروح له يعدل العظم
في الرياض
وياليت يكون جنوب الرياض
abo.hesham
19/01/2013, 10:25 AM
الصوت يمكن من عصب منعقد من النوم في مكان بارد والظاهر حله الدهن بزيت والتدليك
والله يشفي اخوك وكل مريض
الحربي حاتم
19/01/2013, 10:51 AM
بسم الله الرحمن الرحيم
ماعندنا علم وأنا أخوك لكن نقول الله يشفيه شفاءً لايغادر سقما ولا علة
محسن الظن
21/01/2013, 05:19 PM
الصوت يمكن من عصب منعقد من النوم في مكان بارد والظاهر حله الدهن بزيت والتدليك
والله يشفي اخوك وكل مريض
مانفع التدليك اليوم الألم زايد عليه
كل يوم عن يوم يزيد