المساعد الشخصي الرقمي

مشاهدة النسخة كاملة : استفسار هل يوجد سوق للصقور بالرياض ..واين يوجد ؟


تحتمس
19/01/2013, 07:07 PM
السلام عليكم ..
استفسار يا شباب هل يوجد سوق للصقور بالرياض ..واين يوجد ؟
سوق للصقور وليس سوق الحمام..سوق خاص بالصقور .. ارجو التكرم
بوصف الموقع او المكان لي داخل الرياض ... لكم منى كل تقدير واحترامي
هواي البر 2
19/01/2013, 07:34 PM
يفيدونك اهل الرياض
صقارمبتدئ11
19/01/2013, 07:48 PM
موجود انا ماني من الرياض بس اذكر ان مكانه عند سوق الديره اذا ماني ناسي
(هزاع)
19/01/2013, 09:49 PM
ابشر
يوجد سوق للصقور ويوجد ايضا محلات في موقع اخر
اما السوق اذا جيت للرياض اسئل عن موقع المحكمه الكبره وهو قبلها ب 300 متر ولابغيت احداثيت السوق ارسلتلك الاحداثيه
ايضا يوجد بالرياض بشارع سلمان الفارسي ثلاث محلات ويجاورهم السويبع حق الاجهزه ايضا ولابغيت احداثيتهم بلغني
امر وش تبي بعد
دولاار
20/01/2013, 03:05 PM
هلاابك اخوي تحتمس
طال عمرك يوجد سوق بالرياض وخاص بالصقور فقط سواء محلاات والا حراج
والحراج سلمك الله يكون يوم الخميس الصباح فقط ولاازم تكون هناك بدري يعني من الساعه 7 لين تقريبأ الساعه 9ونص الي 10 وينتهي السوق وانا افضلك الحراج لاان يكون فيه محرج ومزاد على الطيوروالاسعار كويسه وايضا الطيور تكون واجد وانت عاد شف وش الي يجوزلك والمحلاات ابد في نفس الحراج يعني الله يطول بعمرك حراج الطيور قدام المحلاات
وبالنسبه للوصف امسك طريق الملك فهد لين تجيك لوحه مكتوب فيها قصر الحكم او الصفاة اطلع الكبري حقها بتجيك اشاره
اذا كنت جاي من الشمال خذ الاشاره يسار شوي وبتجيك اشاره خذ معها يمين امشي سيده شوي تلقاهم على يمينك
واذا كنت جاي من الجنوب مثل الي قلتلك طريق الملك فهد تجيك لوحة قصر الحكم اطلع على الكبري تجيك اشاره خذ يمين
امش سيده تجيك اشاره وانت واقف عند الاشاره طالع على يمينك بتشوفهم على طول
اتمنى اني قدرت افيدك
وبالتوفيق
تحتمس
20/01/2013, 09:44 PM
بيض الله وجيهكم يا رجاجيل ... وكثر الله من امثالكم
الوصف واضح وما قصرتو الله يرحم والديكم