مشكلة كتمة النيسان الفتك

[نيسان فتك]

السلام عليكم ورحمة الله وبركاته
مساكم الله بالخير
المشكلة اللي عندي بالفتك هي الكتمه
شلت دبة التلوث وضبط شوي ورجع يكتم
غيرت بواجي ونفس الشي كاتم
غيرت فلتر البنزين ونظفت حساس الهواء وضبط لمدة اسبوعين تقريباً لين طفت لمبة المكينة ورجع يكتم مره ثانية علما انه في مرة من المرات ديورت ولفيت الدركسون الى اخره وطفى الموتر وقال لي واحد من الشباب انه هالحركة من طرمبة البنزين فهل هذي المعلومة صحيحة؟
واللي عنده علم يفيدنا


وآسف على الاطاله

[التعـ King ـديل]

شيك على الطرمبه والمجاري اللي طالعه منها للمكينه وبتشوف السبب وين

مع اني اشوف انك تفحص كمبيوتر افضل

[مجنون الفتك]

فلتر الهواء غيرته او لا تاكد

[المميـز]

:

ينقل للخيمة المناسبة

:

[نيسان فتك]

شيك على الطرمبه والمجاري اللي طالعه منها للمكينه وبتشوف السبب وين


مع اني اشوف انك تفحص كمبيوتر افضل


يعني ممكن تكون الطرمبة خربانة؟
ووين احسن :good2: ورشة فحص كمبيوتر بالدمام؟

[نيسان فتك]

فلتر الهواء غيرته او لا تاكد

والله فلتر الهواء له سنة وشوي تقريبا ماغيرته
واللي باين لي انه الى الان نظيف

[عصاقيل الدخله]

انتبه لا تكون معبي بنزين 91 اخضر تراها صارت لواحد من الشباب يوم عبئ 95 احمر انحلت المشكله

[نيسان فتك]

انتبه لا تكون معبي بنزين 91 اخضر تراها صارت لواحد من الشباب يوم عبئ 95 احمر انحلت المشكله

والله ياخوي من عرفت الموتر وانا اعبيه 95 احمر

[نيسان فتك]

اخوي sgl الله يعطيك العافية على النصيحة (بالخاص) وراح اشيك على هالامور كلها تحياتي لك

[العطاوي a511]

فلتر الهواء يغير كل 50 الف كيلو غيره لان فلتر الفتك لو يجلس ميه سنه شكله نظيف اعرفه عله غيره وغير صفايه البنزين اول قبل تغير الطرنبه وجرب بس لاتنسى تفصل البطاريه وتعيد البرمجه

[نيسان فتك]

فلتر الهواء يغير كل 50 الف كيلو غيره لان فلتر الفتك لو يجلس ميه سنه شكله نظيف اعرفه عله غيره وغير صفايه البنزين اول قبل تغير الطرنبه وجرب بس لاتنسى تفصل البطاريه وتعيد البرمجه

الله يعطيك العافية اخوي العطاوي
ان شاء الله اني بغير فلتر الهواء اليوم او بكره وعسي الله ينفع به
اما صفاية البنزين توي مغيرها مالها شهرين

[ls1.5700]

اخوي نيسان فتك
اللمبه ماتولع الا عندك مشكله كهربائيه فقط
وللي يقول لك طرنبة بانزين مع احترامي له مايفهم بالفتك
طرنبة البانزين حتى لو هي خربانه ماتولع لمبة التشييك
المشكله عندك بحساس الثروتل فيه اللتماس او احد الاسلاك مفصول او الفنش ماهو راكب
انصحك تفحص كمبيوتر ويطلع لك كود العطل وتعرف من ووين المشكله بالضبط
او يمسح رموز الاعطال المسجله داخل ذاكرة الكمبيوتر

[ls1.5700]

ولا تنسى تشيك على كتاوت الثروتل
مكانه بجنب الشوته على الرفرف الايسر فيه خمس كتاوتات
ثلاثه لونهم ازرق وثنين بني
بتحصل كتاوت الدعسه ثالث واحد من جهت السايق
بدله مع واحد من الزرق

[نيسان فتك]

اخوي نيسان فتك
اللمبه ماتولع الا عندك مشكله كهربائيه فقط
وللي يقول لك طرنبة بانزين مع احترامي له مايفهم بالفتك
طرنبة البانزين حتى لو هي خربانه ماتولع لمبة التشييك
المشكله عندك بحساس الثروتل فيه اللتماس او احد الاسلاك مفصول او الفنش ماهو راكب
انصحك تفحص كمبيوتر ويطلع لك كود العطل وتعرف من ووين المشكله بالضبط
او يمسح رموز الاعطال المسجله داخل ذاكرة الكمبيوتر


لمبة المكينة كان سببها تنظيف حساس الهواء وجلست اسبوعين تقريبا مولعة وطفت
واللي قال انها طرمبة البنزين ماقال لانها مولعة لمبة المكينة هذا قالها يوم لفيت الدركسون بقوة وطفت السيارة
هذا اللي حبيت اني اوضحه لك
وان شاء الله خلال هاليومين راح افحص كمبيوتر واشوف الخلل وين بالضبط
وشاكر لك مرورك

[عزتيلك]

اخوي مورتك احيان وقت التشغيل يتاخر ما يشتغل الا بعد ما تحاول كم مره واحيان يشتغل على طول وعزم موترك ضعيف اول ما تمشي ومع التعشيق اذا كان قير عادي واذا دعست يكتم شوي ثم ينطلق بسرعه كن ما فيه شي اذا الاعراض هذي في موترك هذي طرمبة البانزين اكيد ميه بالميه معي جيب ربع تايوتا 2003 وصارت معي المشكله وغيرت الطرمبه والحين ما يشتكي من اي مشكله وصارة مع اد الاخوان معاه فتك 2002 وغير الطرمبه وضبط موتره

[أوتارالقلب]

ياخي مدام فيه كتمه عطه اوكسجين يمكن فيه ربوهههههه
كلن يعطيه رأي فالنهايه يبي يبيعه تشليح
لكن اقرب شي الكتاوت بالرفرف الايسر تلقا اثنيين ورا بعض شل الي يم السواق ونظفه عن الغبار ورجه
كان الموتر تماتيك يمكن شبكه القير
ثاني شي كثير الي يشكي من هالمشكله فالنهايه تلقا عامل البنشر ينظف القربه وينسا القماش فيها ويكتم الموتر

[نيسان فتك]

اخوي مورتك احيان وقت التشغيل يتاخر ما يشتغل الا بعد ما تحاول كم مره واحيان يشتغل على طول وعزم موترك ضعيف اول ما تمشي ومع التعشيق اذا كان قير عادي واذا دعست يكتم شوي ثم ينطلق بسرعه كن ما فيه شي اذا الاعراض هذي في موترك هذي طرمبة البانزين اكيد ميه بالميه معي جيب ربع تايوتا 2003 وصارت معي المشكله وغيرت الطرمبه والحين ما يشتكي من اي مشكله وصارة مع اد الاخوان معاه فتك 2002 وغير الطرمبه وضبط موتره

والله ياخوي من ناحية التشغيل مااشوف فيه مشكلة
لكن الكتمة فعلاً يكتم شوي بعدها يرجع طبيعي

[العطاوي a511]

الله يعطيك العافية اخوي العطاوي
ان شاء الله اني بغير فلتر الهواء اليوم او بكره وعسي الله ينفع به
اما صفاية البنزين توي مغيرها مالها شهرين
اجل عندك تنسيم بالقزوز اكيد ميه بالميه فك القزوز وودها المخرطه يمسحونها وغير الوجه وشوف فيه شروخ لحمها بالزهر وادعس وعطنا الوضع

[نيسان فتك]

ياشباب فحصت اليوم الصبح بالكمبيوتر وقالوا لي كل شي تمام:good2: ولله الحمد واحتمال كبير يكون من طرنبة البنزين

[الدوسري2010]

شيك على فلتر الهوا غيره احسن لك بعدها طرمبه البنزين

[باترول 4500]

تأكد من خرطوش الهواء دايم ينشق ويسبب كتمه حط عليه شطرطون وإن شاء الله يضبط

[نيسان فتك]

شيك على فلتر الهوا غيره احسن لك بعدها طرمبه البنزين

الله يعطيك العافية وان شاء الله اليوم راح اغير فلتر الهواء
وشاكر لك مرورك

[نيسان فتك]

تأكد من خرطوش الهواء دايم ينشق ويسبب كتمه حط عليه شطرطون وإن شاء الله يضبط

اليوم ان شاء الله درزن شطرطون ههههه
بس مايتأثر الشطرطون مع حراره المكينة ويسبب لي مشاكل؟

[ls1.5700]

ياشباب فحصت اليوم الصبح بالكمبيوتر وقالوا لي كل شي تمام:good2: ولله الحمد واحتمال كبير يكون من طرنبة البنزين

مارايح يبين معهم شي مدام للمبة التشيك انجن ماهي والعه
خليها حتى تولع وبعدين وديه الفحص وتبين المشكله

[باترول 4500]

اليوم ان شاء الله درزن شطرطون ههههه
بس مايتأثر الشطرطون مع حراره المكينة ويسبب لي مشاكل؟
ههههههههههه
لا ما يتأثر إن شاء الله أنا حاطه لي فوق الشهرين وإلى الحين مضبوط

[SGL]

الشطرطون خذ العريض الكبير وليس شطرطون أسلاك الكهرب الصغير

[العطاوي a511]

ياشباب فحصت اليوم الصبح بالكمبيوتر وقالوا لي كل شي تمام:good2: ولله الحمد واحتمال كبير يكون من طرنبة البنزين
عطيتك العلم اللي يجمد على الشارب قزوز مليون بالميه لاتقعد تجرب وتخسر عمرك اضبط القزوز واهم شي كراسي الشكمان شف الخربان وغيره لان الشكمان اذا يهتز ينسم القزوز مره ثانيه ويصير مااستفدت شي

[أصيل حجآ زي]

http://www.mekshat.com/pix/upload/images39/mk55341_zaz.gif
الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .
اللهـُم بـك أهـتـدي وبـك أسـتـعـيـن وبنبيك مُحمدٌ أقتدي .



أخي الكريم :
نظف نظآم الوقود ///



للتخلُص من التكتيمة :
قد تحتآج لتصفية ووزن نظآم الأشعآل
أو تغيير ووزن خلوص البوآجي .


وقد تحتآج تنظيف نظآم الوقود :
أشتر مُنظف وقود من شركة مستوبيشي .
يوجد مـــُنظف لنظآم الوقود تبيعهُ شركة متسوبيتشي
بقوآرير { قنينة} تــُشبه قوآرير العطر غير أنها معدنية .
http://www.zerotohundred.com/newforums/attachment.php?attachmentid=351310&stc=1





http://www.dealershipaccessories.com/stores/images/items/item_50467.gif




أشتر قآرورتين من 37 الحبة .
وضعها مع نصف الخزآن .



وجربها حتى أخر قطرة بالخزآن
{ لا تنزل عن رُبع الخزآن كثير } .





أو مٌنظف أس تي بي STP
بس أشترهُ من قطع الغيآر مختوم
لا تشتريه من الشيش { محطآت المحروقآت }
يغشوه جمآعة علي بآبا .
يعبو لك وأذا وليت { أقفيت } أستعآدو العلبة
وعبوها بنزين وبآعوها على غيرك لذلك لا يكون لها فعآلية .
بتقول لي ملصقة { صحيح } يلصقوها بالغرى بريآل :


http://www.speeding.co.uk/acatalog/fuelinjectorcleaner.JPG



http://images.thehappymotorist.co.uk/product-images/big/hm_1766.jpg



http://cn1.kaboodle.com/img/c/0/0/155/6/AAAADF2gxzMAAAAAAVVuNg/clorox-78358-stp-fuel-system-cleaner-12oz.jpg?v=1305276265000






أشتر قآرورتين
منظف متسوبيشي
السعر حوآلي 37 .
قوآريرها { العلب / القنينة }
مثل قوآرير العطر بس معدنية :





عب العلبتين مع نصف الخزآن
وأستخدمها حتى النهآية .



أذا البوآجي ما هي أصلية
أو أذا خلوصها ما هو موزون صح
تُسآهم في التفتفة وفي ضعف العزم وفي مشآكل كثيرة للمُحـرّك .



كــيـف تـغـيـر الــبـوآجـي وكـيـف تـقـراء مـؤأشــرآتـهـا { دلالات } الخرآب من لونه (http://www.mekshat.com/vb/showthread.php?t=254734)



بـعـض حـلـول تـفــتـفــة مـُحـرك سـيـآ رتك / فحص الشآحن وتغيير البوآجي بأصلي. !!! (http://www.mekshat.com/vb/showthread.php?t=227152)



درس في / لــو نــط { خـرج } بـوجـي أشــعــآل مـن مـُحـرك سـيـآرتـك ؟؟؟ ما الحل ؟ (http://www.mekshat.com/vb/showthread.php?t=237847)






موفـق
وتلقى خير بأذن الله




""" و اللهُ أعــــــــلـم وأكـــــمـــل """




أن تـرى أني قـد أفـدتــُـك بــشيء ذي مـعـنى ...
وأستحق مـــــــنــــــــــــك دعوة صالحة
فـــلا تــنــــــــــــــســآني :no2:
مـــــن صــــــآلـح دُعـآك .
فأنت كريم وأنا أستآهل .



http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html) :burnout2: http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)





تـحـيـــــــآتي



<<< أبـو عـبـد الـرحـمـن >>>
""" الأصـيـل الـحـجـآزي """

[ابوسند9]

اخوي
الشاب ما قصرو
لكن تاكد من صفاية البنزين
وشيك على لي التبخير لايكون منفصل من مكانه وشوف موقعه يسار غطاء الزيت على طول بغطاءالمكينه والطرف الاخر راكب بالثلاجه

[نيسان فتك]

الحمدلله تم حل المشكلة بالاستعانة بالله ثم باعضاء منتدى مكشات
فلكم الشكر واخص اخونا ابو عبدالرحمن (اصيل حجازي) على توجيهاته
والمتمثلة في تفريغ علبتين من منظف متسوبيشي في نصف خزان البنزين فكانت هذه حل لمشكلة كتمة الموتر
فجزا الله كل من شارك في هذا الموضوع ومن ابدى ملاحظاته وتوجيهاته كل الخير

[تميم2222]

^_^ شكك تحن السياره ... الفتك لاتحنه عطه كم فجره في الشهر .. ويضبط معك ..