يأ أهل الجيش والخيل...رأيكم؟؟

[امبارك]

السلام عليكم ياأهل الطيب والخيل..

من عنده دواء للهزة في جيب الباترول؟.. موديله 2006 سلقه عايدي وأربع أبواب من الوكاله.. على 100 يبدا يرجف!!.. وسبق أني رصصته مرتين.. وحول المية والعشرين تسمع صوت يروح ويجي مثل صوت المروحة!!.. والعجيب أن عصا القير أنفصل قبل فترة وصلحته بـ 200 ريال.. وش الرأي؟؟

تحياتي

[العشة]

2006 معناته انا مابعد انتها ضمان الوكاله رجعه لهم .

[جلمود 83]

الضمان استغله وخلك بحلوقهم

[abduallah]

لا تشيل هم لا تشيل هم دواك عندي
انا يا طويل البقى والسلامه طلعت سوبر سفاري 2005 على وقت 2006 جديد اصفار وكان واقف في المعرض ما يقارب 3 اشهر المهم اني طلعته وكان يرج على سرعة 80 الى 120 وديته لوكالة الحمراني وقال ما نصلحه هذا من وكالة الجبر مهب من عندنا وقاللي انه من الكفرات عشانه ابطا وهو واقف حبلت , ورحت لوكالة برجستون حقت الكفرات عشان يغيرونها لي على الضمان وقالو لي جب تحويل من الحمراني وجبت التحويل من فرع ثاني للحمراني وجيت لبرجستون وقالو لي ان الجهاز اللي يفحص الكفرات مهب موجود بيجي بعد يومين المهم اني قلت بنتظر وانتظرت اسبوع وما جا الجهاز ومرمطوني ما غيرو لي شي المهم اني طفشت ورحت وغيرتها على حسابي غيرتها بنفس الكفرات اللي كانت عليه اول المهم ان الرجه راحت ولكن انها ما زالت (ادري انك ما فهمت )
يعني ان الموتر مازال يرج ولكن ان الرجه تروح مع الممشى يعني اذا شغلت الصبح ومشيت, يرج زي اول ولكن انها تروح تدريجيا الى ان تختفي , اتضح لي ان العله من الكفرات لاني كنت منقص الهوا حاطه 30 المهم اني قلت بجرب ازيد الهوا وحطيته 48 وخليت الموتر واقف يوم ونص وجربته ما طلعت الرجه اللي كانت فيه اول وللمعلوميه هذي الرجه تطلع في كل السيارات اذا كان هواها ناقص لاني كنت اظن انها في الباترول فقط ولكن اني طلعت شاص 2006 وكان يسوي نفس الحركه لاني منقص الهوا ومع الممشى تروح تدريجيا
فلذلك لا تشيل هم انت جرب تزيد هوا الكفرات وعلمنا وش يصير معك
ارجو اني افدتك
وعذرا للاطاله

[امبارك]

شكراً على الردود.. جزاكم الله خير..

سوف أفحص الهواء واشوف.. وابلغكم بالنتيجة.. إن شاء الله.

تحياتي لكل الطيبين

[عاشق نيساني]

هلا والله اخوي امبارك انا برضو معي باترول 2006 سفاري 2 اذا كان الهوا ناقص يعني30 وحوله ترج الطاره عندي بس اذا زدت الهوا40 او45 خلاص تروح