ماطور روبن حسبي الله ونعم الوكيل

[k-moon-k]

السلام عليكم

يا إخوان شريت قبل شهر ماطور روبن الجديد ياباني ياباني اصلي

المهم يا إخوان عقدني وكرهني في عيشتي كل ساعتين يطفي واحياناً اربع ساعات ويطفي وأحياناً 8 ساعات ويطفي وأحياناً يسلك

معدل الطفيات في اليوم 4 طفيات

غيرت زيت ونفس الشي ,,, حطيته في مكان مافيه إهتزاز ونفس الشي ,,, حوطته برواق علشان مايجيه هوا ونفس الشي

؟؟؟؟؟؟؟؟؟؟؟؟؟؟؟؟؟؟؟؟؟؟

تكفون يالنشاما الفزعه الله يرحم والديكم ويرزقكم الجنه

[ولد وايل]

عزيزي هل الكهرب فيه قواطع او دايركت

[اثين]

شريت انت جديد أو مستخدم

[تنومه1]

1 . جرب تنظف صفاية البنزين وخلك مركز لان فيه قطع صغيره اعرف مكانها اثناء التركيب .

2. تاكد من نظافة خزان البنزين.

3. تاكد من الليات ما تكون مسدوده .

4. اذا ما نفعت الثلاث خطوات السابقه فك البوجي ثم فك غطاء الرأس للمحرك ونظف البستم والبلوف ببخاخ wd-40

[k-moon-k]

يا إخوان

لايوجد قواطع كهرب
والماطور شاريه جديد من القديمي في الدمام قبل شهر
والماطور يطفي فجئه بدون مقدمات .... ما ينتع يعني ما اتوقع من صفاية البنزين

[عبدالرحمن305]

السلام عليكم
اخي الفاضل
ماعندك مشكله
رجع الماطور وهو على
كفالة الشركه
ليقوم الفني بفحصه
ومعرفة العطل
وللعلم مواطير روبن اليابانيه
من اقوى المواطير
عندنا ماطور روبن الاحمر
شغال الى الان بدون مشاكل
صار له 30 سنه
موفق خير

[شعيب المسمى]

هذي ميزة بالروبن من ناحية استهلاك الزيت او اذا العيار ثقيل او خفيف عليه يطفي كل حزة
جرب تغير الزيت سوبر شل والبنزين احمر

[غالي1]

لازم تعبي بنزين احمر ٩٥

[معاذ العلي]

يالغالي مافيه شي ياباني خاااصة امواطير

الشركات اليابانية انتقلت للصين لرخص العمالة هناك

وصار قطع ياباني وتصنيع صيني رديئ

ما ادري هذ وجهت نظري

[bin.obaid]

عندنا ماطور هوندا كان نفس المشكله ماخلينا شي عنه الزبده لقينا بالصدفه على غطا البنزين فرار يفتح ويقفل وماندري وشوله الخلاصه اننا قفلناه ومن ساعتها ماعاد طفى شف يمكن عندك نفس الشي

[ولد وايل]

لابد من القواطع لان اي اللتماس يطفي الماطور

جرب قفل الكهرب وشغله 8ساعات

[تركي1127]

اكيد فيه الاتماس في اسلاك الكهرباء

او محمله زياده عن قوته