روبن لاحول ولا قوة إلا بالله

[k-moon-k]

السلام عليكم

يا إخوان شريت قبل شهر ماطور روبن الجديد ياباني ياباني اصلي

المهم يا إخوان عقدني وكرهني في عيشتي كل ساعتين يطفي واحياناً اربع ساعات ويطفي وأحياناً 8 ساعات ويطفي وأحياناً يسلك

معدل الطفيات في اليوم 4 طفيات

غيرت زيت ونفس الشي ,,, حطيته في مكان مافيه إهتزاز ونفس الشي ,,, حوطته برواق علشان مايجيه هوا ونفس الشي

؟؟؟؟؟؟؟؟؟؟؟؟؟؟؟؟؟؟؟؟؟؟

تكفون يالنشاما الفزعه الله يرحم والديكم ويرزقكم الجنه

[مهندس مكشات]

شيك على البوجي ولا صنفر رأس الشراره

[بروووق]

اذا هو بنزين وش نوع البنزين اللي تحط فيه

لان الاخضر ممكن ما يسلك معه

[ابوفهيدان]

تري اذا الزيت ناقص يطفي باستمرار

[k-moon-k]

كم كمية الزيت الي تظاف لماطور روبن حجم 3600 شمعه

وماهي أفضل نوعية زيت

[مهندس مكشات]

ياأخي تقدر تعرف
عن طريق غطاء الزيت يأتي معه العيار مدرج لتقدر تعرف هو فل ولا ناقص

[k-moon-k]

اخوي مهندس مكشات

العيار موجود ولاكن المشكله الزيت لونه شفاف ولا أقدر اشوف العيار زين

سؤالي الله يحفظك وش أفضل نوع زيت لماطور روبن

[شهادة مجروحة]

جرب تخليه شغال بدون ما تقفل غطا التانكي

[م.سعيد]

مثل ما تفضل بعض الاخوان:
الزيت الزيت
نقص الزيت يتسبب في توقف الماطور..من اجل الحماية
كلما مرة تجي تشغله تأكد من مستوى الزيت
SAE 10W-30, 20W, 30W
كلها مناسبة

[صقر مبرقع]

مساك الله بالخير k-moon-k
بقولك نقاط وشيك عليها
اول شي واهم شي كم قوة الماطور من واط او كيلو .
مثال : اذ كان ماطورك 5كيلو بما يعادل 5000 واط لا تشغل اكثر من 3.5 الي 4 كيلو بما يعادل 3500 الي 4000 واط وهاذي اهم نقطه
.شيك مستوي الزيت وجودته
.شيك البوجي اذ عليه كربون لو تنضفه
.شيك تمديدك للكهرباء لايكون فيه شرخ ويلتمس
هاذي كل الاحتملات وصدقني ما تطلع خارج هاذي الاحتملات ابد بحكم ان ماطورك جديد على كلامك
والله اعلم

[مكشاتي2009]

السلام عليكم
والله ياخوي ماعاد فيه ماطور روبن ياباني اصلي
اشترينا واحد 7 كيلو العام الماضي
والسنة ذي خرب اكثر من مره لين طق شنبره وبعناه حديد
القطع الداخلية مضروبه كله صيني والوكيل يقول لاتعبيه الا بنزين 95 :mad:
لاكن جرب نظف فلتر الهواء
وطلع صفاي البانزين ونظفه ونفخه
وان شاء الله يضبط معك

[k-moon-k]

جرب تخليه شغال بدون ما تقفل غطا التانكي

بيض الله وجيهكم ياشباب على الردود

لاكن سؤالي للأخ شهاه مجروحه ليش اخلي غطا التانكي فاتح ؟؟؟ ماهو السر ؟

[العاذر]

فيه نقطة مهمة
مرة حصل لنا زي كذا
واكتشفنا ان فيه مفتاح للفلتر لازم تفتحه بعد التشغيل أو تقفله نسيت الطريقة
المهم انه سلك معنا زي العسل
لأن الفلتر يكتم ويطفى زي كذا
يعني الماطور كان يشتغل وانارة وكل شي ونحسب ما في شي ثاني نسويه بعد التشغيل لكن اكتشفنا انا ننسى نفتح او نقفل ( نسيت ) مفتاح اضنه للفلتر
لأنك ما تحس انه ضروري يعني تفتح وتقفل كانه عادي والماطور يشتغل وكل شي لكن مع الوقت يطفى ما يتحمل ويكتم ورح نظف وسالفة اذكر

تحياتي

[رح هس]

ياخوك ...اطلع بالماطور لمهندسين في طريق المدينة المنورة بالقرب من محلات المطابخ وعرضه عليهم يشخصون الخلل وريح بالك..انا سبق وديت لهم ماطور تشيك وتغيير بعض الاشياء والحمد شغله ممتاز لليحن ..ما يشكي