زيت ماطور روبن3600 شمعه والكميه

[k-moon-k]

السلام عليكم

يا إخوان عندي سؤالين عن ماطور روبن :

السؤال الأول / ماهو أفضل نوع زيت لماطور روبن
السؤال الثاني / كم كمية الزيت التي تظاف للماطور ( الكتلوج يقول 600 ملل ولاكني أشك في ذالك )

يالله يارب إنك توفق من يساعدني وترزقه من حيث لايحتسب وتكتب له الجنه يارب العباد

[عطيب الشوق]

السلام عليكم ورحمة الله وبركاته

اخوي عندي اخو ماطورك الروبن وشريته جديد وكانت الوصيه من البائع كالتالي :

الزيت المستخدم : 10/30 زيت سيارات ولكن رقمه كذا 10/30 قيمته 16 او 17 ريال تقريبا

طريقة التغير والكمية : تفرغ الزيت القديم من الماطور حتى اخر قطرة وتعبيه زيت 10/30 حتى يمتلي للأخير وبعد كذا تصبر الزائد بحيث انه ينزل عن سنّة عيار الزيت بـ 2 ملي تقريبا ولو لاحظة على العيار نفسه مبين الحد الاعلى والحد الادني فخلك على تفرغ شوي شوي حتى تصل للحد الاعلى . ينقص شي بسيط ولا يزيد في جميع الاحوال الزيادة تفقع الوجيه عندك انتبه .

واذا الماطور جديد وهذي اول تشغيله شغله لمدة ليلتين وبعدها غير الزيت لا يطول ولا تكثر عليه جهد لانه يعتبر كالتمرين ..

نصيحة لوجه الله .. احسب ساعات العمل ولو تقدرها تقديريا كل 30 ساعه غير الزيت وابشر بماطور يعمل معك اطول عمر ممكن ... وخاصه لو كان الماطور ياباني ياباني ..

شغل الماطور وخله تقريبا من 3 دقايق إلى 5 وبعدها وصل مفتاح الطاقه على on وانبسط يا عم كرر هذا العمل في كل مره في تشغيل الماطور وان استطعت لا يشغله ولا يتابع كافة اموره غيرك افضل

اي استفسار انا جاهز لما اعرف والله يوفقك ويجزاك خير على سالف دعائك

ابوسعد

تحياتي

[k-moon-k]

طيب اخوي تنصحني أبيع روبن وأشتري هوندا ياباني تجميع هندي

لأن روبن تعبني ؟؟؟؟؟؟؟؟؟؟؟؟؟؟؟؟؟؟؟؟؟؟؟

[عطيب الشوق]

لا تبيعه ولا تفكر نصيحه

بعطيك الخلاصه .. من واقع تجربه ومن واقع النصيحه

الروبن الياباني الياباني قليل العطال وان تعطل قطع غياره رخصه جدا ومتوفره وسعره قد يكون العقبه في ارتفاع سعره فقط

الهوندا سواء كان الياباني او الهندي او الصيني ( مع تحفظي على سوء المنتج في اخر الاصدارات ) قطع غياره غااالي وليتك تحصلها حتى وكيله عبدالله هاشم ماتجدها عنده فأنت فكر في تالي الوقت لو احتجت شي بتتعب عشان تصينه

اتمنا تقتنع بنصيحتي وان لم تقتنع وعزمت ببيعه ارجوا ابلاغي فأنا لي نظر فيه

تحياتي لك

ابوسعد