عطونا العلم يالذيابه

[sulaiman.fj40]

عرض علي نيسان باترول ربع من حقات الشرطه /موديل 97 ماشي بحدود 210 الاف/يحتاج رش بويه/متحركاته وعضلاته وبطن الموتر سليم وبحاله ممتازه ولا جاه صدوم/وهو سلقه قير عادي/ المطلوب فزعتكم كم يسوى ولكم تحياتي واحترامي/

[متعب الجهني]

36الف حوله

[sulaiman.fj40]

مشكور اخوي متعب وننتظر بقية الاخوه

[عاشق الخسائر]

مانزود على كلام اخونا الجهنى 36000 وحولها اهم شي السمكرة والرش راح ترشه رشه تجميليه بالكثير 4000 الاف وتلقيطات واكسسورات 2000 يطلع الموتر ب40000 الف حقه بدل ماتشتري جديد ب150000الف وتخاف عليه تحياتي اخوي

[sulaiman.fj40]

شكرًا لمرورك أخوي (عاشق الخسائر) انشأ الله تكون عاشق المرابح- يبدو أن السعر اللي تفضلت وقلت وكذلك الرشه والتلقيطات الأخرى لابد منها. وهذا الموديل لو كان نظيف بالمره قد يصل سعره الأربعين ألف. شكرًا وبانتظار المزيد من النصائح .

[ابوطلال3]

اخوي ماحد يقدر يحدد السعر وهو ماشف السيارة فية باترول 97 من حقات الشرطة بالرياض بيع قبل شهر تقريبا بــ60 الف وكسب الذي شراة عشرة الاف ولاباع بس نظيف جدا جدا ماش حوالي اربعين فقط . وفيه غيرة مايسوى عشرين وفيه باترول 91 تابع لوزارة العدل يسام 65 ماشي 9 الف فقط . ارجو اني افدك ولك احترامي

[قناص2000]

والله ياخوي محد يقدر يحدد السعر لأسباب كثيرة ومن ضمنها قالوها الشباب بس الواسطة والمعرفة تحدد السعر ألف ريال أو إلى ٦٠ ألف لانه لو معاك احد اقصد واسطه كان طلع المؤتمر عليك بأقل الأسعار اعرف واحد عنده واسطه اخرج سياره تقل وكاله ٣ آلاف ريال أو ما طلع على طول ٧٠ ألف قبل ليركب بالسطحه ويوم ركب بالسطحه على طول حطوا الطربال .
على العموم ما أبي أطول لكن الله يرزقك أن شاء الله بالرخص الأسعار وفالك التوفيق

[sulaiman.fj40]

شكرًا للأخوين أبو طلال وقناص واتفق معكما بالاختلافات في السعرحسب نظافة الموتر واستخدامه وقد وضحت قدر المستطاع حالة الموتر المعروض علي .وفي انتظار آراء الاخوه الآخرين. بارك الله بالجميع.

[قدر مكتوب]

اخوي اترك الكسر ولا يهمك كلام الشريطية , اخوي موتر 97 عدى عليه يجي 16 سنه تقريبا مهما سويت فيه يبي يشغلك

شف يالغالي بقيمة هالموتر خذ لك 2003 او زدها شوي وخذ باترول ربع 2004 بخاخ مكينته 4500 افضل واريح واحسن اقل شي راح على موديلة عليه 9 سنوات

من واقع تجربة هالموديلات القديمة مهما حطيت فيها مايبان والباترول قطعه تاكل الواحد اكل يعني تجديد بطن الموتر يجي بـ 2000- 3000 ريال لو تبي تغير جلد ورباطات ومساعدات ويايات وتدبيل مساعد دركسون وعليك الحسبه
تجي للبوية اذا جيت ترش تحسب الموضوع رش بوية وبس لا وانا اخوك , يبي يطلع لك السمكري بجلد الابواب وفصالات الابواب والكبوت ويالله الامور تجر بعض واسال عن اسعار ربل الدرايش والابواب وفي الغالب موتر موديله مثل ماعديت , يبي تصير ربلاته حرقانه

هذا غير التنجيد من داخل


تبي الشور خذ لك موتر يتجمل معك ولا يخسرك كثير

[sulaiman.fj40]

كلامك في محله اخوي قدر مكتوب/واشكرك على النصيحه الثمينه والتفكير بموديل احدث موجود لكن شكل الموديل الاول له رغبه /ماقصرت ولك تحاتي

[DOHIM]

اخوي اخبر الشرطة يعفلووون الموواتر عفل ماضنتي يجي من وراهم موتر صاحي
يارجل لوكان محكمة زراعة دفاع مدني ممكن بس الشرطة كلنا نعرف مهامهم وسواقتهم الله يعينهم

[sulaiman.fj40]

كلامك صحيح أخوي دحيم ولكن الموتر معروض علي من واحد مشتريه من شرطه بأحد القرى الصغيرة ويمدح الموتر بشكل عام ولذلك حبيت أستنير بآرائكم وفيكم البركه.اشكرك وهل من مزيد من الاخوه.