الفزعة يالذيابه

[ابومحمد 1390]

السلام عليكم اخواني
ابي فزعتكم لا هنتو
معي جي اكس ار 2004
فيه مشكلة حصلت اليوم .وهي كتمه في الموتر وماهوبصافي واذامشيت يقطع وفيه نفضه في الموتر كله
قبل ثلاث ايام كنت غاسل المكينه مويه.وبعد الغسل مافيه مشاكل اروح واجي مافيه اي ملاحظات
بس اليوم طلعت المشكلة
نفخت اسلاك البواجي اللي راكبه بالكويلات
ونفخت افياشها وافياش الحساس حق الدعسة ال ار بي ام
ولكن دون فائده
وش تتوقعون المشكلة يالربع

[ابومحمد 1390]

الفزعة الله يجزاكم خير

[ابو ســــاره]

افحص
1- حساس الهواء تجده فيش شابك في خرطوش فلتر الهواء اسحبه ونظفه
2- اسلاك البواجي ممكن تكون قديمة ومع الغسيل تأثرت الافظل تغييرها واكاد اجزم انه منها
3- فلتر الهواء افحصه ونظفه

[SGL]

وزيادة على كلام أخوي شيك على خرطوش الهواء لايكون مشقوق أو قفيزه محلول وشيك على دبة التلوث وشيك على كل الليات الصغيرة أمكن مع قوة دفع الماء منفصل سلك أو لي

[ابومحمد 1390]

الله يجزاكم الجنة,ماقصرتو
نشوف اذا فيه احد مرةعليه نفس المشكلة,يفيدنا في تجربته

[ابومحمد 1390]

سويت اللي قلتو عليه
ولم يتغير شىء
نفس المشكلة اذا دعست على البنزين ينتفض الموتر واحسه مكتوم

[بن الزايد]

اذا انك غسلت المكينه وهي حاره الله يكون في عونك لانك تسبابت شعر في المكينه وغلبن بيكون في ثلاجه

[ماء نوفا]

مرت علي بكامري ثلاث ايام وراحت

[ابومحمد 1390]

غسلت المكينه وهي بارده
وخليت الموتر قرابت ثلاث ساعات وشغلته.ومشيت عليه مافيه اي مشاكل ومن بكرا شغلته ومافيه اي مشاكل
واليوم الثاني شغلته الصباح وطلعت المشاكل
كنت اعبي بنزين احمر وماحصلت وعبيت اخضرهذا كان العصر ومن بكرا الصباح طلعت المشاكل
رديت وعبيت احمر بعد ماخلص الاخضر ولكن نفس المشكلة للان

[ابومحمد 1390]

:D230 مشاهد مافيه احد مرة عليه نفس المشكلة:D

[ذيب العك]

[QUOTE=ابومحمد 1390;9166550]:D230 مشاهد مافيه احد مرة عليه نفس المشكلة:D[/QUOT
الحمد الله الي اطلعو على موضوعك ما مرت عليهم وعسى ماتمر على مسلم والله يسر امرك ويرزقك علة موتر وتنحل وانت سالم الله يحفظك الي ماعنده خبر احسن من الي يفتي بغير علم

[ابومحمد 1390]

امين يارب العالمين
الله يجزاك خيراخوي ذيب العك

[وطن العزة]

مرت على بكامري وبجيب سفاري

وكلها بسبب غسيل المكينه بالماء وتوبه ما يقربها الماء ابد ... تنظيف بالهواء يفي بالغرض


المهم الكامري غيرت فيها البواجي واسلاكها + حساس الهواء اللي حول الفلتر وظبطت

والسفاري نفس الشي بواجي واسلاك ومنظم الهواء مدري حساس الهواء المهم انه حول الفلتر بالاضافه لطرمبة البنزين الله لا يخسرنا

مشكلتك بالكهرباء لا غير,, حول البواجي ومنظم الهواء


لكن عشان ما تخسر وتمر باللي مريت فيه , افحص كمبيوتر أضمن لك وراحي يبين لك الخلل

[وطن العزة]

ونسيت اقول لك ان كان الموتر ما يمشي الا بالمسايس يعني اذا دعست له وانت ماشي يطفي فهذا

أكيد حساس (منظم) الهواء حتى لو كان الدعس بسييييييط يطفي


وهذا اللي صار معي بالسيارتين , لكن الى الآن أقول لك إحرص على فحص الكمبيوتر

[ls1.5700]

احتمال كبييييييير بأن طرنبة البانزين ظعيفه او الصفايه مسكره وتضعف ضخ البانزين
جرب تقيس ضغط الطرنبه قبل التغيير

[ابومحمد 1390]

الله يجزاكم خير
غيرة بواجي وزبط الموتر الحمدلله.
حصلتها تعبانه من الماء بسبب الغسيل