المساعد الشخصي الرقمي

مشاهدة النسخة كاملة : ياجماعه محتاج فزعتكم بالتدريب


جهراوي
23/01/2013, 04:06 AM
ياخوان جاني سلوقي عمره 7شهور ماهو مدرب او بمعنى اصح ميييييح حتى اسم ماهو مسمى
فاياليت الي يعرف فتدريبها او عنده سلوقي او سلقه مدربه يخليها عندي كم من يوم يتعلم منه اكون لصاحبه ممنون

موقعي الحالي الرياض وهو مجوده معي
على كف القدر
23/01/2013, 10:24 AM
ريح رآسك وانا اخوك وشف عيادة أمان اللي بالسلي ... أتوقع انهم يدربون السلق.
م.م.مذهب
23/01/2013, 10:33 AM
اخوي جهراوي يعطيك العافيه على عدم المكابره لعدم معرفتك التدريب وهذا مافيه عيب لاكن الاهم من التدريب خذ راي اهل اخبره
في الجرو او الجروه اللي عندك نصييحه ليت تقبلها وانت ابخص وبالنسبه للتدريب انت عطه اسم وخله يمشي معك بالسلسله وهد له جربوع نهار في مكان محصور شوي ولاتكثر عليه الايدي دربه انت اواحد هادي شوي
وخله يوالف واذا تعلم هذي الاشياء يبقى الركوب والنزول وهذي ان شاء الله ماهي عائق
اتمنى اني فدتك واعتذر عن الاطاله,.
ثمان طعش
23/01/2013, 02:05 PM
جوعه وتصرف به مثل ماتبي اركب اذا ركب عطه عظم كمكافئه له واي شي تقوله له ويسويه عطه عظم بعدها يضبط وضعه وومثل ماقل اخوي م.م.مذهب فك له جربوع في مكان محصور مايمدي الجربوع يروح واذا شاف الاْكل ناده باسم الي انت تختاره كل ماتجي تعطيه الاْكل ناده باسمه مع مرور الاْيام يعرف اسمه الله يهنيك فيه وتاكل من صيده ان شاء الله يا جهراوي وحاول انك تدور له سلقه مدربه ولو عندي ابشر بس ماعندي الا ذيخ اذا فكيته انحاش وخلاني يرفع الضغط :D :( :(
رفيق الأمل
23/01/2013, 03:10 PM
هلا بك اخي الكريم بأمكانك تدريبه بنفسك لان العمر مناسب لبداية التدريب وعليك ان تعوده على اسمه يعني عليك ان تختار الاسم المناسب كما عليك الاطلاع على باقي مواضيعي للاستفادة والله يطرح فيه البركة
abufalah
26/01/2013, 10:59 PM
شف يالحبيب تبغى السلق الي عندك تطبع بطبع يرضيك
خذ الاتي
اشتري ارانب من السوق اذا ما تقدر تقنص به
فكها في الخلا بعيد عن انظار السلق
بع كذا اقنص وكنك في الرمله
راح تقوم الارنب وراح يهد عليها ويطرحها لن الهدد غريزة فيه
وكرر عليه الحركه
بخصوص ركوب السياره
اربط الحبل في رقبت السلوقي وجره جر في ظهر الموتر مع الكلام اركب اركب اركب
ونفس الشي حول حول بدون شفقه
استخدم الضرب والصياح في حاله ارتكاب مخالفه
مثل عيب واضربه اذا شخ او دمن في السياره ونتم بكرامه

وشاهد النتيجه بعد مرور 15 يوم تقريبا
جهراوي
31/01/2013, 11:50 PM
ياجماعه ماقصرتم الله يعطيكم العافيه
الوكاد حاولت فيه بشتى الطرق
مكافئات ولا فاد
طق مافاد
اعلمه عالركوب وبعد ربع ساعه ينسا طقيته وهم ينسا
هديتله ارنب يلحق وراه ويشيله يشرد فيه يقطه بعيد ويجي حتى مايذبحه
الجعري مسكه وثبته لي وهذا ياخذه يقطه بعيد وينحاش
حاليا مايعرف الا اسمه ولادري شسوي فيه
قناص الوسطى
01/02/2013, 01:31 PM
ياجماعه ماقصرتم الله يعطيكم العافيه
الوكاد حاولت فيه بشتى الطرق
مكافئات ولا فاد
طق مافاد
اعلمه عالركوب وبعد ربع ساعه ينسا طقيته وهم ينسا
هديتله ارنب يلحق وراه ويشيله يشرد فيه يقطه بعيد ويجي حتى مايذبحه
الجعري مسكه وثبته لي وهذا ياخذه يقطه بعيد وينحاش
حاليا مايعرف الا اسمه ولادري شسوي فيه
الله يعينك عليه اجل
قرم التميمي
03/02/2013, 02:11 AM
الله يعينككك عليهههه