سؤال عن الشواية الكهربائية

[بداية رحال]

السلام عليكم ورحمة الله وبركاته

أسأل ياشباب عن الشواية الكهربائية مثل هذا النوع

واحد من الشباب شافها وجربها , يقلي ممتازة وتفكك إلى أجزاء للغسيل والتنظيف وسعرها 200 ريال

http://www.youtube.com/watch?v=YNiE_UnkVYg&feature=youtu.be

أين أجدها ؟

[بداية رحال]

إذا ما اشتغل الفيديو
http://www.youtube.com/watch?v=YNiE_UnkVYg&feature=youtu.be

[ياكريم رحمتك]

هاذي اسمها شواية الأسهل×عملية ورخيصة ويجي منها صغير وكبير×متوفرة بمحلات الرحلات وموجودة عندالمرباع اتصل بهم يشحنونه لك
الله يسهل امرك

[عا سبيل بر]

وعليكم السلام ورحمة الله وبركاته
لها عندي اكثر من ثلاث سنوات ولا أحسن منها ... وأذكر أن أخونا سطام هو الي كتب تقرير عنها وصراحة الله يجزاه عنا كل خير
ولا تنسى تطلب معها دينمو زيادة للاحتياط
أنا شريتها من محل نوماس بالشفا في الرياض.... وأن شاء الله يخدمونك أهل الرياض
تحياتي،،،

[بداية رحال]

الله يعطيكم العافية اشكر لكم مروركم

ياليت اللي يحصلها في جدة او مكة يعطينا خبر

[rami52]

في جدة اذكر محل الرماية اللي في الرد سي مول قد شفتها عندة واذا مالقيتها راسلني خاص وانا ارسلك رقم جواله ويرسلها لك من الرياض×

[ااااابو فيصل]

الشوايه ممتازه وعندي منها اربع شوايات ولا يوجد عليها مشاكل واذا تعطل الدينمو تلاقيه في المحلات التي تبيعها او في البطحاء عند محلات قطع غيار اجهزة التبريد وهي الافضل لانها الاصلي وتقبلوا مروري

[الحر 6]

وعليكم السلام اشباب ماقصرو افادوك لاكن بعطيك بعد فيه نوع نفسها بدون منقل وامكان توجدها في الرياض السنيدي في مخرج 12 والكشته والقاضي مخرج 15 طريق الميه وفيه بعد محلين بس والله ناسي اسماهم وعندك في مخرج 14 والرمايه وفروعها واجد وفي العليا طريق التخصصي ارجو اني افدتك وبتوفيق

[بداية رحال]

الله يوفقكم جميعا واشكر لكم ردودكم وتفاعلكم

النوع اللي قال لي عليه زميلي ميزته إنه يتفكك أوصال وسهل في الغسيل والتنظيف

شكلي بشوف محل الرماية زي ما قالو الأخوان إن شاء الله احصلها

[ابومحــ م ـــد]

انا رائيي مخالف تماماً انا شاريها من قبل 3 سنوات من محل المحيميد بريده واقول اول ما تشوفها تعجبك وتحس انها شي ممتاز ولكن بعد كم شويه ترميه بالمستودع السبب ممله الدينمو يخرب وتنقيله ممل وتنظيفه متعب والدجاج ما يستوي بشكل متساوي الاطراف تمام والوسط لك عليه
هذا مجرد رائيي قلت

[بداية رحال]

غريبة يابو محمد مع إن الكل يمدح فيها ويقول إنها ممتازة

بس المشكلة بعد ما انتشرت أعجبت الناس وبدأ الطمع من أصحاب المحلات

الأسبوع الماضي مريت محل الرماية ومحل ناسي اسمه في جدة عند كوبري جامعة الملك عبد العزيز ومحل عين شمس في مكة ومالقيت نفس الشواية الا هي شواية الحسن

لقيت أنواع ثانية بس المشكلة انصدمت من الأسعار واحد يقلي 280 والثاني يقول 350 يعني الأسعار مررررررة طارت فوق مع انها بسيطة ما تكلف ذي التكلفة وكمان بدون شنطة

وبعضهم يمدح شواية السنيدي وسعرها عندنا وصل 280 وبدون شنطة
مع إني قرأت في منتديات بعضهم يذمها ويشتكي من الدنمو حقها انه يعلق ويخرب ويطلع صوت

ولكن إلى الآن ما لقيت شواية الحسن واحد أخذها من محل مكشات في السويدي من الرياض
بـــ 200 ريال مع الشنطة

ودقيت عليه وقلي مخلصة ...

ياليت اللي يلقاها يعطينا خبر في هذا المنتدى