سالفة :البشاره..قوافي

[قوافي ( أم نهار )]

http://t1.gstatic.com/images?q=tbn:ANd9GcQjegoR6q2VEALmuJgIDFcptLcOHEJcB NGPpLVEHtdoiLxLqV9Y6A




السلام عليكم ورحمة الله وبركاته



أخواني أخواتي زوار خيمتنا الحبيبه ومكشاتي الغاليه



حياكم الله



من العوايد القديمه واللي ضاعت وما عاد لها ذكر



(البشاره)



البشاره يعني تبشر جيرانك او اقاربك بشي زين صار عندكم او مولود جديد جاكم ويعطونك حق البشاره حلاو قريض او اي شي ..



http://t1.gstatic.com/images?q=tbn:ANd9GcQqjxRln_rOP3FgYdxBUBbpnLWsK3JQE UI5wa5ll5u4wy5fVp8K






http://t2.gstatic.com/images?q=tbn:ANd9GcTOynnv6YztdSVbcs-B2kxFYQasfYQbVeMdS3XhcsEoPRwlPeIT



والبشاره هذي مهنة البزران يفرحون ويطيرون للجيران عشان ياخذون اللي يعطونهم ولها فرحه خاصه رغم ان البيت والحمد لله مليان من كل خير ونعمه ..



بيوم ارسلت وحده من قريباتي رحمها الله من يبشرنا بمولود جديد لهم وبما أن الجيران كانو يجون لنا فهم يعرفونهم



ارسلتني امي للجيران ولبيت ام فلان بالتحديد اعلمهم ،وبصراحه ما كان ودي اروح،، عندهم دجاج :D



وصلت وطقيت الباب واسمع صوت هواش مابين الام والابو :eek:،،



عاد موب ارجع واجي وقت ثاني لأ لازم انفذ المطلوب واطق واطق لين فتحولي الباب



وادخل والين ابليس بهاك الساعه مترزز بكل مكان وباين ان الخلاف كبير ولا هوب وقت بشاير ولا مواليد ،،



قلت :



أم فلان



قالت:أيه وش تبين:f



تـــــقــــــول أمـــــــي



أن فلانه بنت فلانه جابت والــــد:)..



يوم شفته ماتحركت قلت ابي البشاره



قالت:



وشييييييي وش تبين ولا جمبه طاسه او غظاره به ماء وثلج



http://t1.gstatic.com/images?q=tbn:ANd9GcT6T9llgsEbfDDox6Ph46EBrnq_J9WOw r3YKh0x-tXhbxZBZNhu



خوذي بشارتس :confused:



طلعت من عندهم وفوق راسي كسرة ثلج ما ماعت مع الشر هقوتي جمدت زود..



ويوم جا من بكره جت لنا بالبيت بس وش بعده لا تجي ازين،،وجايبتن قريض بشارتي



،،وعقبه لو يجي كل دقيقه بزر مارحت ابشر احد ولا أبي بشاير ولاطاسات ولا غضاير..



تحياتي



اختكم



..قوافي..

[النبهاني]

وعليكم السلام ورحمة الله وبركاته
،،وعقبه لو يجي كل دقيقه بزر مارحت ابشر احد ولا أبي بشاير ولاطاسات ولا غضاير..:mad::f
الله يوسع صدرك بالعوافي ياقوافي
ماتنلامين الشي لا راح وقته ماله طعم
اشكرك اختي والله يزيدك من فضله

[أبوفيصل 2007]

وعليكم السلام ورحمه الله وبركاته ،،،

اولاً الحمدلله ع السلامة :(:)

ثانياً ذكرتيني يوم كنا صغار في الشرقية نروح للجيران ونطلب القرقيعان مثل البشارة والي ما يعطيني ندعي عليه ههههههههههههههههههههههههههههههههههه
ماشاء الله وجزاك الله خير شفت في الصور حلو (ابو طابوك القديم والعلوك )المفضل لدي يوم كنت غليم !!!
الله المستعان
وسالفة جميلة ذكرتنا بما مضى :)
كوني بخير

[شعيب الحزيمي]

ذكرتيني مبطي اذا روحتنى امي للجيران نودي او نجيب اغراض

الحريم اللي يشرطن لن نتسابق عليهن واللي ما يشرطن

يالله نروح بالدف

[ابو صفوق]

عليكم السلام ورحمة الله وبركاته
ماشاء الله لاقوة إلا بالله الله لا يضرك
رائعه ومتألقه دائماً وقليل وسام ملكة القلم والحرف
ذاكره عامره بماضي جميل تمتعيننا بقرائته
بشرك الله بدوام الصحه والعافيه والمزيد من العطاء
دمتي غاليه وعاليه يانجمة الخيمه
والدك
ثنيان بن صفوق الثنيان

[قوافي ( أم نهار )]

وعليكم السلام ورحمة الله وبركاته



،،وعقبه لو يجي كل دقيقه بزر مارحت ابشر احد ولا أبي بشاير ولاطاسات ولا غضاير..:mad::f
الله يوسع صدرك بالعوافي ياقوافي
ماتنلامين الشي لا راح وقته ماله طعم


اشكرك اختي والله يزيدك من فضله



حياك ربي اخوي ابو سالم
الله يعافيك ويوسع صدرك بالعافيه..
راح وقته وقهرتني بضربه لي بالطاسه ماابيه لا هي ولا قريضه..
العفو وانا من يشكرك لوقوفك بمتصفحي ولحضورك وردك الكريم..
دمت بحفظ الله
تحياتي وتقديري واحترامي
اختك
..قوافي..

[عابر الموج]

الله يعطيك العافية مالها حق بما فعلت شكرا لك على الموضوع الجميل تقبلي تحياتي

[مطارد مطر]

الله يعطيك العافية وسلمت الانامل

[قوافي ( أم نهار )]

وعليكم السلام ورحمه الله وبركاته ،،،

اولاً الحمدلله ع السلامة :(:)

ثانياً ذكرتيني يوم كنا صغار في الشرقية نروح للجيران ونطلب القرقيعان مثل البشارة والي ما يعطيني ندعي عليه ههههههههههههههههههههههههههههههههههه
ماشاء الله وجزاك الله خير شفت في الصور حلو (ابو طابوك القديم والعلوك )المفضل لدي يوم كنت غليم !!!
الله المستعان
وسالفة جميلة ذكرتنا بما مضى :)
كوني بخير

حياك ربي اخوي
الله يسلمك ويحفظك من الشر
:D كنا بالعيد نطلب العيديه واللي ما يعطينا ندعي عليه،، والمضحك بالموضوع انه ياكذا ياكذا مافيه تفاهم عندنا وعندكم واحد،،ياندعي له ياندعي عليه..
اشكرك اخي الفاضل على الذكر بارك الله بك ..
الحلاو قديماً مميز بطعمه الاصلي وليس بالنكهات مثل الان كلش سكر ومحسنات صناعيه ما عاد فيه شي زين وموجود للأن نفس النوع بس تغير كثير..
الله يجمل حالك برضى رب العالمين
اسعدني حضورك وردك الكريم
تحياتي وتقديري واحترامي
اختك
..قوافي..

[قوافي ( أم نهار )]

ذكرتيني مبطي اذا روحتنى امي للجيران نودي او نجيب اغراض

الحريم اللي يشرطن لن نتسابق عليهن واللي ما يشرطن

يالله نروح بالدف


حياك الله اخوي شعيب الحزيمي
طبعاً اللي ما يشرطن ماعندنالهم شي:D لا يخدم بخيل واللي يشرطن البشاره تجيهم طيران..
اشكرك اخي الفاضل على حضورك ومرورك وردك الجميل..
دمت بحفظ الله
تحياتي وتقديري واحترامي
اختك
..قوافي..

[قوافي ( أم نهار )]

عليكم السلام ورحمة الله وبركاته
ماشاء الله لاقوة إلا بالله الله لا يضرك
رائعه ومتألقه دائماً وقليل وسام ملكة القلم والحرف
ذاكره عامره بماضي جميل تمتعيننا بقرائته
بشرك الله بدوام الصحه والعافيه والمزيد من العطاء
دمتي غاليه وعاليه يانجمة الخيمه
والدك
ثنيان بن صفوق الثنيان

حيا الله العم ابو صفوق
اشكرك على الذكر جعله الله بموازين حسناتك..
الله يرفع قدرك على التقدير
الماضي الجميل جميل بما فيه ولذالك ما زلنا نحكيه ولن نمحيه من ذاكرتنا وإن شاء الله ننقله للأبناء والاحفاد،، ويبقى الدور عليهم بالاحتفاظ به ونقله لمن بعدهم ياتي..
الله يحفظك ويطول عمرك برضى رب العالمين وطاعته..
اشكرك كثيراً على جميل ثنائك بارك الله بك وهذا وسام اعتز به ..
تحياتي وتقديري واحترامي لشخصك الكريم
..قوافي..

[قوافي ( أم نهار )]

الله يعطيك العافية مالها حق بما فعلت شكرا لك على الموضوع الجميل تقبلي تحياتي



حياك الله اخوي ابو نبيل
الله يعافيك ويحفظك ربي من الشر
اكيد مالها حق انا جايه ابشرها لكن ؟؟؟الله يسامحها ويعفو عنها..
جزاك الله خير واشكرك لوقوفك بمتصفحي وردك الكريم..
دمت بحفظ الله
تحياتي وتقديري واحترامي
اختك
..قوافي..

[حمد69]

وعليكم السلام ورحمة الله وبركاته
حياك الله الأخت قوافي
صح كلامك هذه العادة تلاشت او كاد أختفت من مجتمعنا سالفة البشارة كانت موجودة .. في كل شي حتى أيام القيظ أول ما يبدأ الرطب الناس إلي عندهم نخيل ويبدأ الرطب يودون لجيرانهم واقاربهم .. ويتباشرون ببداية موسم القيظ .. ويقولون لمن بشرهم .. بشرك الله بالجنة..
حتى الوقت بداية القيظ يقولون له تباشير..
ردة فعل الحرمة تجاهك شيء يزعل يعني ما لقت كبش فدا تحط حرتها فيه غيرك:mad::mad:
هذا مقطع عن البشارة...http://www.4shared.com/audio/50dH0Xiz/1_online.html

دمتي في حفظ الله
أخوك حـ ـمـ ـد

[ذيب الفقارة]

ما أجملها من أيام

وما أجملها من ذكريات

العادات الجميلة يبدوا أنها تنتقل من منطقة إلى أخرى في ذلك الزمن

فالبشارة أيضا كانت موجودة في المدينة المنورة

بل والكل يسارع بنقل الخبر متى ما عرف بذلك

ذكريات جميلة أختي القديرة قوافي

بارك الله فيك

تحياتي وتقديري

[قوافي ( أم نهار )]

الله يعطيك العافية وسلمت الانامل






حياك ربي اخي الفاضل
الله يعافيك وتسلم من الشر
اسعدني حضورك ومرورك وردك الكريم
تحياتي وتقديري واحترامي
اختك
..قوافي..

[هجمه مرتده]

امنيتي اشوف وجه الرجال وحرمته وانتي تبشرينهم وهم بنص الهوشه هههههههههههههههههه

[وحيد قلاسكو]

هههههههههه دائما مبدعة :good2: نبي من ذالسوالف

[قوافي ( أم نهار )]

وعليكم السلام ورحمة الله وبركاته

حياك الله الأخت قوافي
صح كلامك هذه العادة تلاشت او كاد أختفت من مجتمعنا سالفة البشارة كانت موجودة .. في كل شي حتى أيام القيظ أول ما يبدأ الرطب الناس إلي عندهم نخيل ويبدأ الرطب يودون لجيرانهم واقاربهم .. ويتباشرون ببداية موسم القيظ .. ويقولون لمن بشرهم .. بشرك الله بالجنة..
حتى الوقت بداية القيظ يقولون له تباشير..
ردة فعل الحرمة تجاهك شيء يزعل يعني ما لقت كبش فدا تحط حرتها فيه غيرك:mad::mad:
هذا مقطع عن البشارة...http://www.4shared.com/audio/50dH0Xiz/1_online.html


دمتي في حفظ الله
أخوك حـ ـمـ ـد


حياك الله اخي الفاضل وابقاك
فعلاً خساره انها لم تعد موجوده تقريباً كانت بكل الدول العربيه عامه وبجزيرتنا العربيه خاصه..
كان استقبال البشرى يزيدنا سعاده بما نبشر به والحمد لله على كل حال..
الله يسامحها ويعفو عنها احرجتني كثير..
اشكرك لحضورك الجميل وردك المميز
دمت بحفظ الله
تحياتي وتقديري واحترامي
اختك
..قوافي..

[قوافي ( أم نهار )]

ما أجملها من أيام





وما أجملها من ذكريات


العادات الجميلة يبدوا أنها تنتقل من منطقة إلى أخرى في ذلك الزمن


فالبشارة أيضا كانت موجودة في المدينة المنورة


بل والكل يسارع بنقل الخبر متى ما عرف بذلك


ذكريات جميلة أختي القديرة قوافي


بارك الله فيك

تحياتي وتقديري

حياك الله اخي الكريم
جمالها تعدى حدود زمانها ومكانها بدليل أمنياتنا بعودتها ..
هي موجوده بكل مكان من ديارنا الحبيبه وما جاورها ونحمد الله اننا عشنا جزء منها ..
البشاره لها مكان بذاك الوقت لأن الأخبار تفرح الجميع قلوب صافيه لا تستكثر فرحه على قريب او جار..
اسعدني حضورك وردك الكريم
دمت بحفظ الله
تحياتي وتقديري واحترامي
اختك
..قوافي..

[قوافي ( أم نهار )]

امنيتي اشوف وجه الرجال وحرمته وانتي تبشرينهم وهم بنص الهوشه هههههههههههههههههه

حياك الله اخي الفاضل
الحمد لله انك ما شفتهم بس فيه شي زين صار
اسكتو عن الهواش والرجال طلع والحرمه جالسه بالحوش يعني انتهى الخلاف مؤقت وذي فرصه يسترجعون فيها انفسهم..
اشكرك على مرورك وحضورك وردك الجميل
تحياتي وتقديري واحترامي
اختك
..قوافي..

[قوافي ( أم نهار )]

هههههههههه دائما مبدعة :good2: نبي من ذالسوالف


حياك الله اخوي
ان شاء الله سعاده دائمه برضى رب العالمين
الابداع بحضورك ومرورك الكريم
ان شاء الله ابشر
تحياتي وتقديري واحترامي
اختك
..قوافي..