لاتبخلون علي بالمشوره

[خمسين]

ابي مشورتكم في باترول ربع ديزل موديل 85 وانا ماقد جربت الديزل نهائيا والرجال يقول مشروط ولا تشيل هم والموتر نظيف بدي والداخليه نظيفه وسعره اغراني اشتريه يبي فيه 10000 ريال
وش تشورون علي وبارك الله فيكم

[مطر وربيع]

اذا كنت بتشتريه وترهم عليه مكينة بنزين قوية اشتره ولا اتركه الديزل عزمه دمار !!

[خبايا انسان]

انا عن نفسي ماجربت هالموديل ابدا ولا اعرف هل هو عملي مثل ال 88 - 97 او لا


ولا عمري جربت ديزل ,,

لاكن ياخوي اشور عليك الافضل انك تاخذ من موديل 90 ل 97 ,, لانك نقول لا قدر الله تبي تبيع او ماطاب لك الموتر , ف الطلب على هالموديلات ف السوق كثير وتلقى زبونه ,

اما ال 85 بيعته ثقيله ,, ونادرا اشوف ف الرياض موديل 85 بالشارع ,, والله اعلم , ونصيحتي لك عليك بالاستخاره

[خمسين]

انا ابيه للبر فقط والطلعات مو للاستخدام اليومي
وجزاكم الله خير على التفاعل

[راداار سدير]

اذ هو نضيف فعليك به

الديزل تركب عليه هدرز وفلتر يطلع عزمه اخو البنزين

صرفيه يمشيك الفل من 700 وطالع

[AEDWARD]

انحش عنه ان كان انت راعي مدينه والبر مالك فيه ذاك الزود وان كنت راعي تطعيس

اما ان كنت راعي قنص بشرط تجلس اوقات كثيرة فالبر وان كنت راعي شعيب ووديان

خذه

والله يوفقك ويكتب لك الرزق