ارجو الإفاده...\.لخبراء الإكسبلورر والفورد عموما

[d-max2011]

السلام عليكم ورحمة الله وبركاته


خبرائنا الغالين..أود ان استشيركم

في مشكله عندي في فورد إكسبلورر 2008

المشكله هي..أن السياره فجأه وأنا امشي

تطفي السياره وتولع لمبة البطاريه ولمبة المكينه..

أوقف السياره وأشغل تشتغل وامشي عادي ...ومره من المرات ما طاعت تشتغل

واستمرت لمبة المكينه والعه..فصلت اصبع البطاريه خمس دقايق ورجعته

وطفت لمبة المكينه,,,لكن نفس المشكله لازالت تتكرر...

أنا السياره توني شاريها وفاحصها عند البريدي ما قالو فالمكينه شي إلا كراسي المكينه تحتاج تغيير...

وقالو إن وجه الراس مغير فقط,,,إضافه إلى إني مره أخطأت وعبيت بنزين 95 ونص التانكي كان 91 ومن بعدها بدأت هالسالفه,,,,هل لها دخل؟


أفيدوني قبل لا أروح للوكاله أخاف يلعبون علي

وشكرا لكم

[بن الزايد]

صفية بنزين اذا منفع بتكون طرمبة

[d-max2011]

هلا بالغالي

كم أسعارهن..وهل ينفع أشتغلهن برا الوكاله

[بن الزايد]

فلتر بنزين من45الى70
طرمبتة البنزين 780 الى 1100
اول شيء غير فلتر بعد ما تفصل البطاريه اذا ما كان منها الصفيه اعمل ظغط للطرمبه مع تشيك على حرارة الافيش طرمبة اذا تسخن غير الفيش طرمبة وطرمبه خلها اخر الامور هذولى نوع البطاريه اذا انها من موتر كرفت ترها بض الاحين تستهبل اذا احترت

[d-max2011]

الله يرضى عليك كيف أعمل ضغط للطرمبه ؟

أسويه انا ولا أوديه ورشه؟

وفيش الطرمبه وينه؟

[بن الزايد]

ظغط للطربة عند الورش وفيش الكهربائي بس ابدا بصغير
1- صفيه
2- فيش
3- ظفط
4- البطارية لان موتر كرفت غير موثوقه بستمرار كهرب عن مجرب بعد ما تسخن
5-طرمبة

[d-max2011]

اهلا بالغالي

معليش طول بالك علي شوي..

كيف أعرف أن المشكله من البطاريه

وهل ممكن صور للقطع التي ذكرتها

[بن الزايد]

هذا الفيش طرمبة
http://www.explorerforum.com/forums/attachment.php?attachmentid=35011&stc=1&d=1156956424

فلتر بنزين
http://t3.gstatic.com/images?q=tbn:ANd9GcQT4d56lytVycqF75jg22GC6m5DVshGM rxOVAeT0lNcvwcG41Uv6A
تاكي بنزين


http://t3.gstatic.com/images?q=tbn:ANd9GcS1rxDklxJN1rTIzjU6aADh36iEmVhdy 8AM1Hw7ZjUjKvKO1HG7mg


http://www.youtube.com/watch?v=FN5IKl2QKGI

[d-max2011]

بيض الله وجهك وماقصرت

أنشهد إنك كفيت ووفيت..

الآن كيف أعرف إن المشكله من البطاريه؟

علشان أبدأ بها أو بفيش الطرمبه

[بن الزايد]

اخوي سيارة طافيه ما تشتغل كب ماء على اصبع البطاريه وشف الاصبع اذا يطلع منه بخار مع تشغيل هذى علامه خراب البطارية غير البطاريه جديده افضل الانواع روك كوري او ديو كوري بس نفس المقاس المكتوب على استكر الارشادات داخل غطاء المحرك الفيش خله بعدين بعد متغير صفية البنزين مثل المقطع
http://www.youtube.com/watch?v=FN5IKl2QKGI (http://www.youtube.com/watch?v=FN5IKl2QKGI)
اذا سيارة مفيها قفل خزان افصل البطاريه قبل تفير الصفيه

[d-max2011]

الله يرفع قدرك ويكتب أجرك

يعني ممكن تكون البطاريه خربانه حتى ولمبتها خضراء؟

[أبوأسامه...]

اسمع عزيزي صارت مشكله لوحد من الزملاء لسيارته فوردماركيز 2004 اذاابطى وهي شغاله تطفي ولا تشتغل إلا بعد ربع ساعه وغير صفايه وطرمبة وكتاوت وخسرخساير ماتنقال وراح لي كهربائي وقاله خلها عندي وتعال بالليل
ويوم جاء قاله رح وان طفت تعالي وقاله الفلوس عطني باكر (جايه عن طريق معرفه)
ولا فيها إلا العافيه وش طلعت منه المشكلة علبة الفيوزات الي خلف البطاريه البلا منها


وجرب انت غير صفاية

وفحص ضغط الطرنبه ترا عطال الطرنبه قليل جدا

وتأكد من الافياش وعلبت الكتاوت

ان بغيت تغير الطرنبه افحص ضغطها ان كان زين ترا مايحتاج تغير الطرنبه المشكلة بالاسلاك اوالفيش

[0راعي الجبيل0]

اقرب مالها كتاوت طرمبة البنزين او البخاخات اذا سخن فصل الكهرباء عنهن

تحياتي
ابوحمدان

[kshtat999]

تاكد من حساس الكرنك يسوي مثل هالمشكله بالاكس بلور يمكن يكون منكسر لقربه من البكره

[d-max2011]

الله يجزاكم خير جميعا



بس ياشباب..احب أوضح نقطه


الطفيه ماتجي دايم...وتجي أحيانا والموتر بارد يعني ما أمداه يحتر

واذا طفى أشغله علطول يشتغل ويسلك عادي ..

[0راعي الجبيل0]

^^^^
اقصد الكتاوت اذا سخن يفصل مايوصل الكهرباء
ولاهو بشرط السيارة ساخنة او باردة
شف الكتاوتات في علبة الفيوزات وشيك عليها عند كهربائي

تحياتي
ابوحمدان