كلتش الباترول

[المحلسي]

مرحبا بجميع الاعضاء
معي باترول 96 احس بثقل في الكلتش لدرجة اني اذا نزلت احس بوجع في عضلاتي من قوة ضغط الكلتش في المشاوير
ركبت موتر واحد من الشباب ماشاء الله خفيف مره لدرجة اني شكيت بموتره وقلت له خفيف كلتش حق موترك
اذا فيه طريقة صحيحه للكشف علي الكلتش او ورشه متخصصة
وماهي القطع التي ابدا بتشييك عليها من الاصغر الى الاكبر
بتظار ردودك الله يبيض وجيهكم

[باترول 88]

مرحبا فييك اخوي
الشغله بسيطه باذن الله
اولا :الباكم حق الكلتش وظيفته يخفف ضغط الكلتش ويساعدك على ضغطه
وعمله نفس عمل باكم الفرامل ومن المعروف ان باكم الفرامل اذا خرب تبدا دعست الفرامل تحجر او تثقل
ثانيا : من واقع تجربه مرت على وهي ان الي ( الخرطوش ) حق الباكم انقطع وبدا يثقل الكلتش وغيرت اللي ( الخرطوش) والحمد لله رجع خفيف مرا

اذا عندك الباكم حق الكلتش خربان او اللي( الخرطوش ) الي يوصل من الثلاجه الى الباكم مقوطوع او مسدود
من الحلول البسيطه
اولا شيك على اللي ( الخرطوش ) والطريقه هي انك تفصل الي (الخرطوش ) من جهت الباكم وضع يدك على اللي ( الخرطوش) اذا شفط يدك اعرف ان اللي ( الخرطوش ) تمام اذا المشكله من الباكم
وافضل طريقه لتغيره وارخص واضمن لفلووسك رح لم صناعيه القديمه هناك راح تلقى محلات تغير باكمات وعلب فرامل وكلتش مستعمله وعلى الضمان
وسعره يتراوح بين 150 و 200 مع التركيب بنفس المحل
ركبه وجربه اذا زبط الحمد لله واذا مازبط تقدر ترجع فلوسك والباكم حقك

واخيرا ان شاء الله اني افدك
واسف على الاطاله

[المحلسي]

مشكور اخوي باترول88 على تفاعلك ولايهون بقيه الاعضاء

[المحلسي]

بعد التجرله اتضح لدي ان الخرطوش حق الكلتش هواه ضعيف والخرطوش حق الفرامل قوي
بدلت بين الخراطيش اتضح ان المشكلة مازالة قائمة وطلع المشكله من باكم الكلتش
بس مازال احدي الخراطيش هواه ضيف احتمال كبير من المقسم في انسداد

[بدوي جنوبي]

ينقل قسم الاعطال

[ابوعبدالله 93]

يااخواني الكشاته ابي انزل موضوع بالمنتدى وما اعرف انزله لوتكرمون يكلمني واحد بالخاص عشان ينزله لي ولكم الدعا بظهر الغيب

[بدوي جنوبي]

يبو عبدالله
أذا فتحت قسم السيارات مثلا
تجد في اعلى الصفحه في اليمين مكتوب انشاء موضوع جديد أضغط عليه

[ls1.5700]

ماقصر اخوي باترول 88 كفى ووفى
بس حبيت اضيف حاجه ممكن ماتطرق لها اخوي باترول اللي هو البلف او يسمونه القسام
شيك عليه قد يكون مسدود او خربان
وبالتوفيق ان شاءالله

[hail_ksa]

إذا كان الكلتش ثقيل فيحتاج إلى وزن .. وطريقة وزنه بمفتاح ويكون الوزن خلف دعاسة الكلتش من الداخل .. وإذا ماتعرف لطريقة الوزن يفضل الذهاب لميكانيكي وخلال دقيقتين يوزنه لك وبعضهم يآخذ عليك فلوس وبعضهم ما يآخذ شيء لأن الشغله سهله للغايه .. وبعد الوزن بيتغير عليك التعشيق إذا ماكان يعشق إرجع وخله يوزنه لك مره ثانيه وبعض المرات يبيلك تمشي كم كيلو علشان يضبط (تلقاه أول ماتطلع من الورشه صعب التعشيق بعد المشي كم كيلو يضبط معاك) .


أما هواء الكلتش فراجع هذا الموضوع للأخ ابو حمود من حائل ربما تكون المشكله من بلف توزيع الهواء للبريك والكلتش :
http://www.mekshat.com/vb/showthread.php?t=274215