ياهل الخبره .. شلون اشنذر الطير

[ابوفريحح]

السلام عليكم .. كيف حالكم ماشاء الله امطار علينا ب الشمال غرقنا



المهم
طيري مفسسق وكريه .. وشريت من العطار شناذره كيف اعطيه الطير ..
هل احطه بقلب الحمامه ولا لا


اللي عنده خبره افزعولي

[المسافر212]

اللي اشوفه يفتحون فمه

ويدفها باصبعه لين تدخل بالحوصلة

[سنجااار]

السلام عليكم

الشناذر ماهيب علاج يعطيه اي احد ولاتحط بالقلب لازم تفحص معلف الطير لايكون فيه قلاع و لايكون نازله صنعته

نصيحتي اذا تعرف صقار خله يشنذر طيرك لانها خطره

[ابوفريحح]

لا والله ماعرف ماحولي شي


شكلي ابي اقصرر عليه ب العلف احسسن

[عابر الموج]

السلام عليكم

الشناذر ماهيب علاج يعطيه اي احد ولاتحط بالقلب لازم تفحص معلف الطير لايكون فيه قلاع و لايكون نازله صنعته

نصيحتي اذا تعرف صقار خله يشنذر طيرك لانها خطره





نعم كلام سنجار صحيح وكل طير له مقدار من الشناذرتازن حجم الشناذر على حجمة

[قلب ذيب]

تعطى الشناذره للطير حتى تزيل طبقة الشحم التكونه على جدار الفرسه ، والشناذره نوعين قديمه يعدها الصقار وحديثه على شكل كبسولة وهي افضل لاتجرح فرسة الطير ، ولابد أن تكون فرسة الطير خاليه من العلف والروباج وان تكون عدة الطير عاليه وسليم من الأمراض ، ويفضل الصباح الباكر ، ولابد أن يكون من يعطي الطير الشناذره ذو خبره ومعرفه تامه وان تكون أظافره مقلمه وإذا لم يتواجد ذلك الشخص فمن الأفضل الاستعانة البيطري المختص ،لان الشناذره لها مضاعفات ومخاطر على الطير .

[ابوفريحح]

الله يجزاكم بلخخير

[ابرق الحرار]

تعطى الشناذره للطير حتى تزيل طبقة الشحم التكونه على جدار الفرسه ، والشناذره نوعين قديمه يعدها الصقار وحديثه على شكل كبسولة وهي افضل لاتجرح فرسة الطير ، ولابد أن تكون فرسة الطير خاليه من العلف والروباج وان تكون عدة الطير عاليه وسليم من الأمراض ، ويفضل الصباح الباكر ، ولابد أن يكون من يعطي الطير الشناذره ذو خبره ومعرفه تامه وان تكون أظافره مقلمه وإذا لم يتواجد ذلك الشخص فمن الأفضل الاستعانة البيطري المختص ،لان الشناذره لها مضاعفات ومخاطر على الطير .


:good2:كلا صحيح