للخبراء : كيف تعرف ان السياره الجديدة ( اصفار )لم يتم تغيير قطعها ؟؟

[yes999]

السلام عليكم ورحمة الله وبركاتة

اخواني هل من طريقة لمعرفة اذا السيارة الجديدة " اصفار " تم تغيير مكينتها او جزء منها ..

لاني ارغب في شراء نافارا خليجيه .. وبما انه ليس عليها ضمان .. من الممكن تم تغيير شي فيها ..

ولايغرنا الغبار الى عليها والاكياس ... ابحث عن نصايحكم من واقع خبره .. وشكرا للجميع :f

[المسافر212]

وممكن يغيرون الطبلون كامل

والآن التشاليح يبيعون طبالين سيارات ماشية عشرة آلاف او اقل ب١٥٠٠ ريال

[ابو عزام الشمالي]

حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

[بن الزايد]

ود سيارة لشركة نيسان خذ برنت من المصنع الام عن تغذيتة او شبك جهاز او كيبل
بكذا تعرف وش الاشياء التي تم تغيرها

[yes999]

تسلم يالمسافر و ياولد الحوطه ع المرور - اخوي بن الزايد- المعرض ماراح يخليك تطلع توديه لشركة نيسان ولا غيره ولا بتتعامل معك شركة نيسان اساسا لانه مو من عندها يعني انت وحظك من المعرض زين اذا خلاك تشغله المعرض وهو مكانه

[بن الزايد]

أجل خل صاحب المعرض يطلع برنت عنك وقله كل شيء بحقه

[بدوي جنوبي]

أذكر موديل السياره ؟
وكم فترة تخزينها وين كانت مخزنه في الشمس او مكان مغلق

وهل السعر ناسبك ،،،

[yes999]

بدوي انا للحين ماخترت السياره لكن ناوي ع نافارا ان شاء الله واتسائل عن طريقه اضمن فيها انه المكينه مو مغيره او موظبه او في السياره شي مغير لو فيه طريقه لمعرفتها لو السياره بضمان عادي لكن المشكله بدون ضمان

[بدوي جنوبي]

لكن ما رديت على اسئلتى

ما عليك من الضمان كل الناس تشتري سيارات من السوق مستعلمه سعرها
يصل 200 الف لكن بعد الفحص
أذا فحصت السياره وسعرها وموديلها ناسبك
توكل على الله

[hail_ksa]

إذا قصدك المكينه مغيره فتأكد من مسامير كراسي المكينه تأكد من المسامير إذا كانت مفكوكه وشكلها يكون واضح لو كانت مفكوكه من قبل .. وعلى هالحال يمكنك القياس على أي قطعه مثل عداد الطبلون دقق في المسامير وستعرف إذا كانت مفكوكه من قبل .. باستطاعة أي شخص التفريق بين مسمار مفكوك أو لم يفك .

الشيء الثاني إذا السياره تقول أصفار وما إنت واثق من سالفة المسامير أو من سالفة تغيير الطبلون فأسهل شيء تآخذ لك نظره سريعه تحت بطن الموتر وتشوف الشاص أو تانكي البنزين إذا فيه طقوق أو متغير لونه ..
أيضاً أفتح الكبوت وألق نظره على الراديتر إذا كان عالق فيه حشرات أو غبار فمعناه إن الموتر ماشي .. أو ألق نظره على الكنداسه أو قزوز المكينه إذا كان متغير لونها فمعناه إن الموتر جاه مشي .. هذا والله أعلم

[AMAZ]

كل الناس تشتري سيارات من الخليج اصفار الامور طيبه اهم شي لا تاخذ سيارات مستعمله الا بعد الكشف عليها زين . و ترى السياره الى انت تقول مافيها ذيك الصعوبه والتقنيه من شان تخاف منها كلها مكينه وقير

[yes999]

ماقصرتم ياشباب