فورتشنر ولا باجيرو "جدد" شيروا عليّ...

[المطرودي...]

يا اخوان انا محتار بين الفورتشنر والباجيرو

الباجيرو اعرف انه ازين بالخط والديرة وازين مواصفات واكثر رساوة وآمن من الفورتشنر بس اني اعرف ايضا انه مهب نشيط

والفورتشنر شكله أجمل ونشيط وخدوم بالبر وانا يا اخوان راعي بر وتجين خمات تطعيس

لذا اشتعل رأسي شيبا وانا افكر بين الأثنين

شيروا علي تكفون
من الأسئلة المهمة ما مدى نشاط الباجيرو؟

اسأل الله أن يكتب اجوركم...

[سيف وقلم]

طيب ما فكرت بالبرادو

الباجيرو أخبره يجي ثلاثة مكائن 3000 هذي لا تقربها وفيه 3500 وفيه 3800 وهي أقواها.

[ولد وايل]

جربت التويوتا والباجيروا الباجيرو ارسى واقوى

[المطرودي...]

طيب ما فكرت بالبرادو

الباجيرو أخبره يجي ثلاثة مكائن 3000 هذي لا تقربها وفيه 3500 وفيه 3800 وهي أقواها.
تسلمون بالنسبة للبرادوا ابوي ما يبين اشتري الا جديد والبرادو جديد حلو بس غالي...

[«نجم الخير»]

أنس استخر ربك :)

[المطرودي...]

جربت التويوتا والباجيروا الباجيرو ارسى واقوى
تسلم، تتوقع انشط من الفورتشنر؟!

انا اتقبل انه يكون اقل نشاط من الفورتشنر بس خوفي يكون ضعيف بدرجات لأني اذكر ان فيه نظام يطيح من عزمه وانا جربت واحد 2007 كنت احط القير على الرياضي وانا واقف وادعس كل الدعسه ولا اسمع صوت الكفرات!!
بس للمعلومية مكينته كانت 3000؛ لذا أخذت موقف من الباجيرو انه ضعيف.

[المطرودي...]

هههه اخس كيف عرفتن؟؟!

[المطرودي...]

أنس استخر ربك :)
هههه اخس كيف عرفتن؟؟!

[كومبو]

يا اخوان انا محتار بين الفورتشنر والباجيرو

الباجيرو اعرف انه ازين بالخط والديرة وازين مواصفات واكثر رساوة وآمن من الفورتشنر بس اني اعرف ايضا انه مهب نشيط

والفورتشنر شكله أجمل ونشيط وخدوم بالبر وانا يا اخوان راعي بر وتجين خمات تطعيس

لذا اشتعل رأسي شيبا وانا افكر بين الأثنين

شيروا علي تكفون
من الأسئلة المهمة ما مدى نشاط الباجيرو؟

اسأل أن يكتب اجوركم...

الفشفش أقوى وأكثر عزم
الباجيرو تعليقه الخلفي مستقل وهذا أدعى للراحة والرساوة وسهولة الصيانة لكن أقل في التحمل
الفشفش تعليقه ثابت أكثر تحمل للجلد
الباجيرو ينزل سعر عند البيع الفشفش ماسك سعره
قطع غيار تايوتا أكثر توفرًا من متسوبيشي والقدرة على الترهيم في التايوتا أكثر فحمات أو مساعدات وغيرها
الباجيرو من زمان ما تغير شكله
الفشفش توه متغير
الفشفش يتميز بالدفلك الباجيرو يتميز بالتراكشن كنترول
الأول نظام ميكانيكي يعتمد على الدفرنس الثاني نظام كهربائية يعتمد على الفحمات

[اسهيل]

اخوي انحش عن الباجيرو مطب تحس بنمل اذا دعسته كان معي واحد وعزمه ردي

[مطر وربيع]

عندي حل وسط خذ
باثفندر يطقع في الاثنين قوة وراحة وفخم وراسي !!
الحق عليه قبل مايخلص لان موديل 2013 صار دفع امامي زي الجيوب الكورية

[المميـز]

:

الموترين كلها عمليه وخدومه ومن ناحية الشكل حلوه
الباجيرو عائلي اكثر .. الفورتشنر ينطبق على الاثنين عائلي وشبابي
من ناحية العزم الفورتشنر يتفوق على الباجيرو بكثير
عند البيع السيارتين مرغوبه
لي تجربه مع الباجيرو 2004 مكينه 3000 كان ثقيل جدا واذا حملت ومسكت خط والهواء قدامي مايمشي
لكن يقولون ان الجديد تغيرت مكينته للافضل ولكن يبقى الفورتشنر اقوى مقارنه بالسي سي

الفورتشر الفل كامل 130 الف تقريبا
الباجيرو اعتقد وصل 150 الف والا لا ؟
انا مؤيد للاثنين ولكن افضل الفورتشنر اكثر

وعليك بالاستخاره بعد الاستشاره
والله يكتب لك اللي فيه الخير
:

[المطرودي...]

الفشفش أقوى وأكثر عزم
الباجيرو تعليقه الخلفي مستقل وهذا أدعى للراحة والرساوة وسهولة الصيانة لكن أقل في التحمل
الفشفش تعليقه ثابت أكثر تحمل للجلد
الباجيرو ينزل سعر عند البيع الفشفش ماسك سعره
قطع غيار تايوتا أكثر توفرًا من متسوبيشي والقدرة على الترهيم في التايوتا أكثر فحمات أو مساعدات وغيرها
الباجيرو من زمان ما تغير شكله
الفشفش توه متغير
الفشفش يتميز بالدفلك الباجيرو يتميز بالتراكشن كنترول
الأول نظام ميكانيكي يعتمد على الدفرنس الثاني نظام كهربائية يعتمد على الفحمات
تسلم يا كومبو واشكرك على بيانك واشكرك على تقريرك عن الفورتشنر قريته قبل فترة واستفدت الله يكتب اجرك

[المطرودي...]

عندي حل وسط خذ
باثفندر يطقع في الاثنين قوة وراحة وفخم وراسي !!
الحق عليه قبل مايخلص لان موديل 2013 صار دفع امامي زي الجيوب الكورية
فكرت فيه كثيرا وجربته -مع اخوي- بس ثقيل شوي وشاورت اخوي وما نصحن فيه وانا افضل الموترين عليه، الا أني ما زلت افكر فيه...

[المطرودي...]

اشكرك لكن اتوقع اللي مكينته 3800 يفرق، ما عندي خلفية عن سعر الباجيرو لكن يمكن اخذ استخدام نظيف اذا نويت عليه ان شاء الله

[ابوسند9]

والله يا الغالي
لو تفكر بالفتك gl
افضل
اريح وانشط واوسع واهدء واامتع قياده
واكرر كلامي لك قبل تندم جرب قبل تشتري

[المطرودي...]

:

الموترين كلها عمليه وخدومه ومن ناحية الشكل حلوه
الباجيرو عائلي اكثر .. الفورتشنر ينطبق على الاثنين عائلي وشبابي
من ناحية العزم الفورتشنر يتفوق على الباجيرو بكثير
عند البيع السيارتين مرغوبه
لي تجربه مع الباجيرو 2004 مكينه 3000 كان ثقيل جدا واذا حملت ومسكت خط والهواء قدامي مايمشي
لكن يقولون ان الجديد تغيرت مكينته للافضل ولكن يبقى الفورتشنر اقوى مقارنه بالسي سي

الفورتشر الفل كامل 130 الف تقريبا
الباجيرو اعتقد وصل 150 الف والا لا ؟
انا مؤيد للاثنين ولكن افضل الفورتشنر اكثر

وعليك بالاستخاره بعد الاستشاره
والله يكتب لك اللي فيه الخير
:
اشكرك لكن اتوقع المكينة الكبيرة تفرق وما عندي خلفية عن سعر الباجيرو في الواكلة

[المطرودي...]

والله يا الغالي
لو تفكر بالفتك gl
افضل
اريح وانشط واوسع واهدء واامتع قياده
واكرر كلامي لك قبل تندم جرب قبل تشتري
ما اتوقع ابوي يوافق لكن صدقت بالنسبة للتجربة اشكرك

[الهوى جنوبي]

اقول عليك بالباجيرو 3800 سي سي عزم وارسى من اي جيب آخر والفل كامل فيه نظام التراكشن كنترول وفيه دفلك وياباني اصل وفصل . ومع ذلك ما في موتر كامل الكمال لله سبحانه وتعالى
واولاً وآخراً عليك بالاستخاره والله يختارلك الصالح

[كشات 64]

يا خوي فورتشنر و لا تتردد كد و مد وقطع متوفره
و الله يوفقك لكل خير و لا تنسى الاستختارة

[الشامخ 66]

انصحك بفورتشنر
مادامك راعي بر
نشيط صبور مافيه شي يخرب في دفلوك يخدمك كثيرا دفرنس خلفي خفيف في البر
واذا بغيت تبيعه مايطيح من سعره
لاكن عيبه تنسيم وخفت البدي وكثرت الكلبسات

الباجيرو افضل منه بالخط لاكن مايتحمل تحمل الفورشنر وفليور

[hail_ksa]

ما فكرت بـ
FJ

[has-120]

بالنسبه للبر الافضل :
تويوتا اف جي كروزر
http://www.cstatic-images.com/supersized/DMI/8963/1897/01.jpg

ونيسان اكستيرا
http://www.mekshat.com/pix/upload/images50/mk32830_031020061455105057.jpg

[ابونبيل]

فورتشنر اطلق بمراحل

[بدران الدوسري]

أول شي الله يخلي لك ويخلي لنا والدينا ويطول أعمارهم على طاعتة

قبل كلش أنحش عن الباجيرو أولا شكله مش ولا بد , وقطع غيارة غالية جدا

ولاتحصل قطع غياره الا تقريبا في الوكالة أو الموزعين ,

كآنك رجال على قولك تهوى البر ولا عندك مشكلة في القير العادي

فأنصحك بالفورتشنر 6 سلندر قير عادي , سعرة تقريبا معقول ونشاطه لايعلى عليه

وفي نفس الوقت سيارة عائلية

وأنت أستخر قبل كلش

وعسى الله يكتب لنا ولك الخير

[وجعين]

الباجيرو عندنا بالدوام عليه عزم مهب صاحي طبعا3000 بس تبي سرعه خذ يصفط طبلونه وزياده بس التسارع لك عليه شوي والسبب من القير قيره مصمم لسرعه مهب لتسارع رغم انه لاخذ نمره الثالث طار الموديلات الجديده3800 مادري عنه لكن المستوبيشي معروفه بقوت محركاته وصبره لكن قطع الغيار تبعد الناس عن ها الشركه

[تركي لعبدالله]

ياخوي عندي لك فورتشنر أخو الجديد موديل 2012 ماشي 50 ألف وهذاء رقم راعيه 0505998455

[أبو الفهد]

السلام عليكم
ما خبرت راعين البر يستعملون الباجيرو - الباجيروا قطع غياره نار ، وإذا طلب بتل يطلب
عليك بالفورتشنر إذا كان الاختيار محصور بين الاثنين ، ويمدحون الاكستيرا إذا ما أنتب راعي اعفوش