المساعد الشخصي الرقمي

مشاهدة النسخة كاملة : تانكي الوطنيه صناعة بريد


وليد حايل
29/01/2013, 07:58 PM
السلام عليكم ورحمة الله وبركاته
اخواني يسعد الله مساكم بكل خير

انا اشتريت تانكي من محل سنام بحائل

التانكي فيبر صناعة الوطنيه

غسلته اول ماشتريته

وبعد يومين عبيه ماء و طلعت فيه واستخدمته الطعم ميه ميه

وبعد يومين عبيه الماء طعمه تغير مايصلح للطبخ ولا لاشاهي والقهوه .

افيدوني وش المشكله


للمعلوميه الماء اللي اعبي منه عليه زحمه ماء بير معرووف بالمنطقه
بين الغضا
29/01/2013, 08:06 PM
الطعم كيف صار تحس ملوحته زايده ولا فيه طعم بلاستك؟
رِجم
29/01/2013, 10:35 PM
ياليت تذكر نوع ليات الخزان اللي حطيته
ااابوعابد
30/01/2013, 12:08 AM
اكييييييييييييييييييييييد من المفتاح حق الماء

جرب تشيله وتجربالماء بدونليات ولا شي

ع فكككره الوطنية (((( الوطني
راعي الوايت
30/01/2013, 12:44 AM
اتوقع المشكله في الماء اللي عبيته
او في اللي المستخدم للتعبيه

بعض الليات فيها نكهه تطعم بالماء وتغير في الرائحه


اغسل التانكي وعبه من اي محل لتحلية الماء وجرب

وتأكد من اللي الموصول في التانكي
وليد حايل
30/01/2013, 01:10 AM
اشكركم على التفاعل بيض الله اوجيهكم جميعاً

اللي مثل لي بالمكيف الصحرااوي الشفاف 2 متر اخذ


الماء اللي اعبي منه عبيته منه جالون ماء ميه ميه طعمه

الماء له نكهة قويه طعم مادري كيف جاااي


اللي عنده خبره يفيدني الله يعزكم
web
30/01/2013, 04:35 AM
اخوي انا عندي الوطني له كم سنه

اول ماشريته نفس الحكايه ممتاز وبعدها طلع نكهه
كنت مركب اللي ( الهوز) حق المكيف الصحراوي غيرته بهوز ثاني للماء وضبط معي وراحت النكهه من قوتها ماكان في بالي ابد انها من الهوز غير المويه اغسل التانكي وغير الهوز وبتدعيلي ان شاء الله
ابوفهيدان
30/01/2013, 11:11 AM
خل التانكي مفتوح دايما لما توووقف عند البيت
علشان ماتمسك الريحة فيه
بين الغضا
30/01/2013, 12:05 PM
احس البلا بالمويه نفسها
وليد حايل
31/01/2013, 07:03 PM
بيض الله اوجيهكم

ابشركم لقيت المشكله امس غيرت اللي وغسلت التانكي

وعبيه ماء حلو

والحمدلله البارح طلعت فيه طعمه ميه ميه


ياربي لك الحمد

الف الف شكر لكم جميعاً
saaqaar
31/01/2013, 11:36 PM
ممكن اعرف نوعية اللي الجديد الله لا يهينك
راعي الوايت
01/02/2013, 02:30 AM
حلو

بالتوفيق,,,
براري القصيم
01/02/2013, 04:51 PM
استخدم لي السخانة الإسباني
saaqaar
01/02/2013, 05:07 PM
استخدم لي السخانة الإسباني

لي السخانة بالعادة قصير

اذا امكن صورة
وليد حايل
02/02/2013, 01:13 AM
اللي طال عمرك استخدمت لي مثل لي الغاز الاسود

لاكن مو قاسي لين لونه احمر فاتح