المساعد الشخصي الرقمي

مشاهدة النسخة كاملة : الباترول ياهل الخبره


ابوعبدالله 93
30/01/2013, 02:24 PM
اول شي السلام عليكم ورحمة الله وبركاته الباترول مديل 93 هبل بي الموتر يدق سلف بس مايشتغل مالعلم اني مغير بواجي واخوي الله يهديه غير اسلاك بواجي وخلاه رياضيه الاسلاك متجرحه ونا شاك منها وبعد يااخواني الكشاته مويت الاديتر تنقص مدري وين تروح اعبيه اليوم بكرا ماالقا الاشوي
بدوي جنوبي
30/01/2013, 03:22 PM
عليكم السلام

اذا الاسلاك متجرحه لازم تغيرها بعدها شوف الكربريتر
وماء الرديتر أبحث عن سبب النقص
ممكن يكون فيه تهريب تحت الثلاجه
يوجد ماصورة معكوفه وقصيره دائما تصدي ويهرب منها الماء
تكون على يسار المحرك وانت واقف امامه فوق فلتر الزيت تأكد منها

او يكون عند طبه تهرب ماء او في الرديتر
أذا ما تعرف تفحص اذهب محل رديتر وان شاء الله يبان معك التهريب
ابوعبدالله 93
30/01/2013, 03:26 PM
التهريب يخوك صار من الماصوره الي تحت الثلاجه
sgl2002
31/01/2013, 12:29 AM
شغل الموتر وتاكد ان الكهربا توصل الاسلاك والبواجي

وكذلك البوبينه ممكن انها ماتعطي كهرب
ls1.5700
31/01/2013, 02:04 AM
الله والعالم انه البلايتين قافل او لاذع شيك عليه
ابوصالح .
31/01/2013, 02:09 AM
شيك على البلاتين اكيد لذع من كثر ماتدق سلف
ابوعبدالله 93
31/01/2013, 02:20 AM
جعل والدينكم بالجنه وبيضا الله وجيهكم
SHAAIFK
31/01/2013, 04:09 AM
كانك كنت معاي الاسبوع اللي طاف
نفس مشكلتك بس بترول 97
يدق سلف يستغل ويرجع يطفي
واخرتها حلف ما اشتغل يهديك يرضيك


وكنت في مكان حتى البقاله مافيه


كويس معاي خويي سياره ثانيه واقرب سطحه
وعلى اقرب كهربائي طلعت المشكله بالابلاتين
خمس دقايق وزنه وضبطه ورجع ماشاءالله تبارك الله


فلا تروح لاحد ثاني يلعب لك بالسياره خله يشيك عليه
وامورك زينه ان شاءالله
والتهريب عندك في الثلاجه نفسها او الماصوره الصغيره
ولاتمشي بالسياره كثير لاتخلص المويه عليك
ويضرب راس المكينه لا سمح الله


اتمنى اني افدتك
تحياتي
بدوي جنوبي
31/01/2013, 01:30 PM
التهريب يخوك صار من الماصوره الي تحت الثلاجه

ليتك صورته عشان يستفيدو الشباب
لانى اعرف هالماصورة دائما تهرب ومكانه مدسوس
محد يلاحظها ،،، :good2:
ابوعبدالله 93
01/02/2013, 10:02 PM
ياخوان عرفت المشكله المشكله من البليتين
ls1.5700
02/02/2013, 01:10 AM
الحمدلله انها انتهت المشكله
وااالف شكرلك على الافاده بحل المشكله لتعم الفائده للجميع
تقبل مروري بود